Drangey Festival í Skagafirði 27. júní
Blásið verður til nýrrar tónlistarhátíðar í Skagafirði síðustu helgina í júní í sumar. Að hátíðinni standa staðarhaldarar á Reykjum í samvinnu við sömu menn og bjuggu til tónlistarhátíðina Bræðsluna á Borgarfirði Eystra.
Tónleikarnir munu fara fram á útisviði á Reykjum í stórbrotinni náttúru þar sem Tindastóll, Grettislaug, Drangey og Atlantshafið mynda stórkostlega umgjörð. Meðal tónlistarmanna sem fram koma á hátíðinni eru Emiliana Torrini, Jónas Sigurðsson og Contalgen Funeral og viðræður standa yfir við fleiri. Hátíðin hefur fengið nafnið Drangey Festival – þar sem vegurinn endar.
Að sögn Áskels Heiðars Ásgeirssonar, hjá Viðburðaríkt ehf., sem er einn af skipuleggjendum hátíðarinnar mun tónleikarnir fara fram laugardagskvöldið 27. júní og spilað verður þar til sólin kemur upp. Selt verður inn á svæðið á Reykjum og innifalið í miðaverði verður aðgangur að tjaldstæði og Grettislaug. Miðasala hefst á miði.is 4. maí og verður takmarkaður fjöldi miða í boði. Markmiðið með hátíðinni er að fólk á öllum aldri eigi saman góða kvöldstund með góðri tónlist í fallegu umhverfi. Hátíðina skipuleggja auk Áskels Heiðars þeir Viggó Jónsson hjá Drangeyjarferðum, staðarhaldari á Reykjum og Guðbrandur Ægir Ásbjörnsson hjá Sviðsljósum ehf. sem hefur annast sviðshönnun og lýsingu á áðurnefndum Bræðslutónleikum frá upphafi.
Áskell Heiðar segist lengi hafa átt sér þann draum að búa til tónlistarhátíð í Skagafirði. „Nú er ég búinn að finna þessari hugmynd þessa glæsilegu umgjörð á Reykjum, fæ að gera þetta með frábæru fólki og við erum búin að bóka tónlistarfólk í fyrsta klassa, við hlökkum mikið til takast á við þetta verkefni og vonum sannarlega að Skagfirðingar, nærsveitungar og aðrir taki þessu vel og mæti.“
Áskell Heiðar segir hátíðina verða haldna í góðri samvinnu við skagfirsku bæjarhátíðina Lummudaga og Landsbankamótið, sem fram fara í Skagafirði þessa sömu helgi. „Við sjáum þetta sem góða viðbót við þá uppbyggingu sem hefur verið hér þessa helgi og vonum að þetta verði til að efla enn frekar menningarlíf og ferðaþjónustu í firðinum“, sagði Áskell Heiðar í samtali við Feyki í gær.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
