Draumurinn lifir!
Já! „Dömur mínar og herrar. Draumurinn lifir!“ segir Jónsi, annar þjálfara kvennaliðs Tindastóls, á Facebook í kvöld. Draumurinn um að komast upp í Pepsi Max, úrvalsdeildina í kvennaboltanum. Þegar ein umferð er eftir er lið Tindastóls aðeins tveimur stigum á eftir liði FH sem situr í öðru sæti Inkasso-deildarinnar og ef Hafnfirðingarnir misstíga sig í lokaumferðinni þá gætu Stólastúlkur vaknað upp við þann ótrúlega veruleika að leika í efstu deild næsta sumar. Stelpurnar spiluðu við ÍR í kvöld í Breiðholtinu og unnu öruggan 0-4 sigur.
Lið ÍR var löngu fallið niður í 2. deild og er langneðst í Inkasso en Breiðhyltingarnir hafa þó verið að spila betur upp á síðkastið og hafa verið að gera öðrum liðum erfitt fyrir. Það tók lið Tindastóls, sem vann fyrri viðureign liðanna í sumar 6-1, dágóðan tíma að ná forystunni. Að sjálfsögðu var það Murielle Tiernan sem gerði fyrsta markið eftir 40 mínútur og aðeins fjórum mínútum síðar bætti Vigdís Edda við öðru marki Tindastóls og staðan 0-2 í hálfleik.
Murr gerði þriðja mark Tindastóls á 51. mínútu og því ekki líklegt að heimastúlkur næðu að gera liði Tindastóls skráveifu. Það fór enda svo að María Dögg gerði lokamark leiksins í uppbótartíma og lokatölur því 0-4.
Ævintýri líkast
Sumarið hjá Stólastúlkum er búið að vera ævintýri líkast. Liðinu var spáð sjöunda sæti í deildinni en hefur lengstum verið í þriðja sætinu og svo er enn þegar ein umferð er eftir. Tindastóll er með 34 stig eftir 17 leiki; hafa unnið ellefu, gert eitt jafntefli og tapað fimm leikjum. Í leikjum liðsins hafa verið skoruð 77 mörk! Það gerir ríflega 4,5 mörk á leik.
Lið Tindastóls hefur nú unnið fimm leiki í röð og það þrátt fyrir að liðið hafi frá því um mitt tímabil verið án nokkurra lykilpósta; Kristu Sólar, Guðrúnar Jennýar, Hugrúnar, Evu Rúnar og síðast en ekki síst Jackie Altschuld. Nú eru flestar þessara stúlkna komnar á völlinn á ný er það er frábært að þær stúlkur sem komu inn í liðið hafi staðið sína vakt með þessum glæsibrag.
Í lokaumferðinni sem fram fer næstkomandi föstudagskvöld munu Skagastúlkur mæta á KS-völlinn. Lið ÍA bjargaði sér frá falli í kvöld þegar það bar sigurorð af liði Aftureldingar. FH heimsækir einmitt Aftureldingu í Mosfellsbæinn á föstudaginn og gæti það orðið strembinn leikur fyrir Hafnfirðingana sem hefur fatast flugið að undanförnu og ekki unnið í síðustu þremur leikjum. Lið Aftureldingar hefur raunar ekki unnið í síðustu fimm leikjum þannig að bæði liðið hafa verið í óstuði. Ef bæði FH og Tindastóll misstíga sig í lokaumferðinni gætu Haukar reyndar skotist upp í annað sætið og fylgt Þrótti upp í efstu deild – en það þarf eitthvað mikið að gerast til að svo verði.
Fyrst og fremst þarf lið Tindastóls að mæta til leiks gegn ÍA á föstudagskvöldið og sigra. Stuðningsmenn þurfa að fjölmenna og styðja stelpurnar. Þá er aldrei að vita nema að villtustu draumarnir rætist. Áfram Tindastóll!
Fleiri fréttir
-
Lið Grunnskóla Húnaþings vestra komið í úrslit Skólahreysti
feykir.is Íþróttir, Vestur-Húnavatnssýsla, Mannlíf 17.04.2024 kl. 18.40Í dag tók lið Grunnskóla Húnaþings vestra þátt í hasarnum sem Skólhreysti er en keppnin fór fram í Laugardagshöll og var sýnd í beinni útsendingu á RÚV. Það var ekki að spyrja að því að Húnvetningarnir komu, sáu og sigruðu sinn riðil og hafa því tryggt sér sæti í úrslitum keppninnar sem fara fram 25. maí.Meira -
Stólarnir ráðast ekki á garðinn þar sem hann er lægstur
feykir.is Skagafjörður, Íþróttir 17.04.2024 kl. 16.41„Þetta er spennandi leikur sem allir strákarnir hlakka til!“ sagði Dominic Furness, þjálfari karlalið Tindastóls, en dregið var í 32 liða úrslitum Mjólkurbikars karla í knattspyrnu nú í vikunni. Verkefnið sem Stólarnir fengu var ekki það þægilegasta, útileikur á Akranesi gegn Bestu deildar liði ÍA.Meira -
Samvinna er lykillinn að góðri útkomu
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 14.01Viðbragðsaðilar á Norðurlandi vestra stefna á hópslysaæfingu þann 11. maí næstkomandi. Í gær hittist hluti hópsins í húsnæði Krútt á Blönduósi og æfði viðbragð annars vegar við flugslysi og hins vegar rútuslysi þar sem settar voru upp tvær borðæfingar. Frá því segir á Facebook-síðu Lögreglunnar á Norðurlandi vestra að æfingar gærdagsins hafi verið undirbúningur fyrir stóru æfinguna í maí en samvinna er að sjálfsögðu lykilinn að góðri útkomu. „Samhæft viðbragð skilar betri þjónustu til borgaranna,“ segir í færslunni. Feykir forvitnaðist aðeins um æfinguna hjá Ásdísi Ýr Arnardóttur, sérfræðingi hjá LNV.Meira -
Vel heppnaður dagur og söfnun gengur vel
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 17.04.2024 kl. 13.24Fjölskyldufjör var haldið föstudaginn 12. apríl sl. í Varmahlíð þegar Ungmenna- og íþróttafélagið Smári, Foreldrafélag Varmahlíðarskóla og Kvenfélög Seyluhrepps, Lýtingsstaðahrepps, Akrahrepps og Staðarhrepps tóku höndum saman og hófu söfnun fyrir leik- og íþróttatækjum í Varmahlíð. Með söfnuninni var verið að svara kalli nemenda miðstigs Varmahlíðarskóla við erindi þar sem þau bentu á þörfina fyrir bættri aðstöðu til útiveru og hreyfingar.Meira -
Sigríður áfram formaður kjördæmisráðs Sjálfstæðisflokksins
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 11.22Aðalfundur kjördæmisráðs Sjálfstæðisflokksins í Norðvesturkjördæmi var haldinn á Laugum í Sælingsdag um nýliðna helgi. Á fundinum var Sigríður Ólafsdóttir, Húnaþingi vestra, endurkjörin formaður kjördæmisráðs.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.