Drög að nýjum kjarasamningi liggja fyrir

feykir.is Skagafjörður 26.05.2015 kl. 22.54

Stjórn Verslunarmannafélags Skagafjarðar fundaði um stöðuna í kjaraviðræðum í kvöld, þriðjudaginn 26. maí. Samkvæmt fréttatilkynningu hefur verið fundað stíft síðustu daga og liggja nú fyrir meginlínur draga að nýjum kjarasamningi sem VR, LÍV, Flóafélögin og StéttVest hafa unnið að með SA síðustu daga.

Í tilkynningunni segir að samningsdrögin geri ráð fyrir að gildistíminn verði til loka árs 2018 og er aðaláhersla á hækkun lægri launa og að verja millitekjur. Lágmarkstekjutrygging hækkar um 86 þúsund krónur á samningstímanum, fer í kr. 245 þúsund krónur á mánuði við gildistöku samningsins og kr. 300 þúsund á mánuði frá og með maí 2018.

Launahækkanir

Hvað varðar launahækkanir er stuðst við taxtahækkanir og launaþróunartryggingu árin 2015 og 2016 en taxta- og prósentuhækkanir árin 2017 og 2018.

  1. maí 2015
  • Launataxtar hækka um kr. 25.000.
  • Byrjunarlaun afgreiðslufólks hækka að auki um kr. 3.400.
  • Launaþróunartrygging annarra en þeirra sem taka laun skv. töxtum er 7,2% fyrir laun að upphæð 300 þúsund krónur eða lægri en fer svo stiglækkandi með hærri tekjum. Launaþróunartryggingin verður aldrei lægri en 3%.
  1. maí 2016
  • Launaþróunartrygging er 5,5%, að lágmarki kr. 15 þúsund. Viðmiðunartímabil er 1. júní 2015 til 30. apríl 2016.
  1. maí 2017
  • Launataxtar hækka um 4,5%.
  • Byrjunarlaun afgreiðslufólks hækka að auki um kr. 1.700.
  • Almenn hækkun er 3%.
  1. maí 2018
  • Launataxtar hækka um 3%.
  • Almenn hækkun er 2%, m.v. átta mánuði.

300 þúsund króna lágmarkstekjutrygging

Í tilkynningunni segir að lægstu taxtar LÍV hækki um 31,1% á samningstímanum. Samið er um árlega hækkun lágmarkstekjutryggingar sem er það lágmark sem greiða verður starfsmönnum. Í dag er lágmarkstekjutrygging 214 þúsund krónur en verður 245 þúsund krónur við undirritun samningsins og endar í kr. 300 þúsund.

Opnunarákvæði ef forsendur kjarasamningsins standast ekki

Samningsaðilar vinna nú að útfærslu ýmissa annarra ákvæða kjarasamningsins en samkvæmt tilkynningunni er mikilvægast af þeim opnunarákvæði ef forsendur kjarasamningsins standast ekki. Auk þess er unnið að sameiginlegum málum með Alþýðusambandi Íslands. Stefnt er að því að ljúka gerð kjarasamninga fyrir vikulok.

„Við viljum minna á aðalfund félagsins sem verður fimmtudaginn 28.maí nk. á Kaffi Krók kl.  20:00. Hvetjum félagsmenn til að fjölmenna á þann fund,“ segir loks í fréttatilkynningu frá Verslunarmannafélaginu.

Til baka

Fleiri fréttir

  • Raghildur Stefánsdóttir við uppsetningu sýningarinnar í hAughúsi. Á neðri myndinni er Þórdís Alda Sigurðardóttir í Héraðsdal. MYNDIR: GG

    Listsýningin Vor Verk opnar um helgina í hAughúsi í Héraðsdal

    feykir.is Skagafjörður, Listir og menning, Lokað efni 26.06.2025 kl. 14.43 oli@feykir.is
    Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.
    Meira
  • Skólasysturnar frá Blönduósi, nú Rabarbarasystur, fóru á Rabarbarahátíð í Wakefield á Englandi í febrúar sl. f.v. Iðunn Vignisdóttir, Björk Bjarnadóttir og Elfa Þöll Grétarsdóttir Myndirnar sem hér fylgja eru allar úr þessari ferð. MYNDIR AÐSENDAR

    Rabarbarinn rís til virðingar á Blönduósi

    feykir.is Austur-Húnavatnssýsla, Listir og menning, Mannlíf 26.06.2025 kl. 10.48 oli@feykir.is
    Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.
    Meira
  • Efstu hestar í A-flokki. Magnús Bragi hampar bikarnum. Mynd:Fb.Skagfirðingur

    Maraþonmót hjá skagfirskum hestamönnum

    feykir.is Skagafjörður, Íþróttir, Hestar, Lokað efni 26.06.2025 kl. 09.40 bladamadur@feykir.is
    Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.
    Meira
  • Sigurður Arnar Friðriksson er tekinn til starfa.

    Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar

    feykir.is Skagafjörður, Lokað efni 26.06.2025 kl. 09.03 oli@feykir.is
    Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.
    Meira
  • Sigurður Pétur er sá bleiki lengst til vinstri, boltinn er hvíta doppan á leiðinni í markið. VIð þetta mark misstu skarpir og skýrir lýsendur MagnaTV málið. SKJÁSKOT

    Kormákur/Hvöt með sigur á Grenivík

    feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50 oli@feykir.is
    Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.
    Meira
Yfirlit frétta