Dúndurstemning á Gærunni - leikurinn endurtekinn í kvöld
Tónlistarhátíðin Gæran stendur sem hæst um þessar mundir og var dúndurstemning í húsnæði Loðskinns á Sauðárkróki í gærkvöldi þegar hver hljómsveitin á eftir annarri tryllti lýðinn. Leikurinn verður endurtekinn í kvöld og stefnir allt í hörku stuð.
Tónlistarhátíðin hófst með sólóistakvöldi á Mælifelli sl. fimmtudag en minnstu munaði að ekki yrði af kvöldinu vegna rafmagnsleysis í bænum. En eftir að rafmagnið kom aftur á var ákveðið að láta vaða og var góð stemning í húsinu. Fram komu Fúsi Ben og Vordísin, Val-kyrja, Joe Dubius, Bergmál og Hlynur Ben. Hafdís Huld og Sister sister þurftu að afboða sig vegna veikinda.
Stemningin stigmagnaðist með hverri hljómsveitinni á Gærunni í gærkvöldi og mátti sjá glaðbeitta hátíðargesti taka kröftuglega undir með hljómsveitunum, hvort sem það var með dansi eða söng. Fram komu m.a. rokkblúshljómsveitin Johnny and the rest, diskóbandið Boogie Trouble, The Bangoura Band, elektroníska poppbandið Himbrim og heimamennirnir Úlfur Úlfur sem fluttu nokkur ný lög af plötu sem þeir gefa út í haust.
Aðstandendur hátíðarinnar voru ánægðir með gærkvöldið en hefðu þó viljað sjá fleiri skagfirsk andlit á meðal tónlistargesta. Þau hvetja Skagfirðinga til að fjölmenna á tónlistarhátíðina í kvöld og njóta þeirrar fjölbreyttu og skemmtilegu tónlistaratriða sem fram koma. Þá er um að gera að mæta snemma til að missa ekki af af einni stærstu hljómsveit landsins, Kiriyama family.
Dagskrá kvöldsins:
20:00 Sunny Side Road
20:30 Kiriyama family
21:00 Skúli Mennski
21:30 Beebee and the bluebirds
22:00 Kvika
22:30 Rúnar Þóris
23:00 Nykur
23:30 Reykjavíkurdætur
00:00 Dimma
00:30 Mafama
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
