Dýrt að halda þrettándabrennu
Umf. Vorboðinn hefur tekið þá ákvörðun að hætta að vera með brennu á þrettándanum eins og verið hefur undanfarinn aldafjórðung. Mikill kostnaður og minna framboð á brennsluefni aðal orsökin.
Að sögn Aðalbjargar Valdimarsdóttur formanns Vorboðans mátti brenna nánast allt þegar farið var af stað með brennuna fyrir um 25 árum, og var uppistaða brennunnar gamlar heyrúllur sem hlaðið var utanum. Nú er hins vegar ekki sama hvað sett er í bálkesti og strangar reglur þar um og það efni liggur ekki á lausu á starfssvæði Vorboðans sem er fyrrum Vindælis-, og Engihlíðarhreppur í Austur Húnavatnssýslu.
-Í dag er mikill kostnaður við að fá að halda svo brennu. T.d. þarf að fá alls konar leyfi sem hafa hækkað í verði nú undanfarin ár. Við höfum sótt um styrk til sveitafélagsins til að halda hana en sú upphæð dugar rétt til að halda flugeldasýninguna, segir Aðalbjörg.
Umf. Vorboðinn er 75 manna íþróttafélag með starfsemi á sumrin og m.a. stendur fyrir íþróttaæfinagum fyrir krakka sveitarinnar. Eina fjáröflun félagsins er að vera með veitingasölu á Skrapatungurétt á haustin.
Fleiri fréttir
-
Myndaveisla úr Síkinu í boði Sigurðar Inga
feykir.is Skagafjörður, Íþróttir, Ljósmyndavefur 15.05.2025 kl. 14.35Af því að lífið er körfubolti - ekki saltfiskur (sem betur fer) – þá er rétt að bjóða lesendum Feykis upp á aðeins meira af leiknum í gær. Sigurður Ingi ljósmyndari var að sjálfsögðu í Síkinu og Feykir fékk að velja 20 frábærar myndir í góða myndamöppu til birtingar.Meira -
Síðasta sýningin í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 15.05.2025 kl. 14.22Nú er síðasti séns að sjá Flæktur í netinu hjá Leikfélaginu á Sauðárkróki, því nú er komið að lokum.Meira -
Brosandi hér, brosandi þar, brosandi í gegnum öldurnar!
feykir.is Skagafjörður, Íþróttir, Lokað efni 15.05.2025 kl. 12.00Það var hátíðardagur á Króknum í gær, enda þriðji í úrslitakeppni sem ætti auðvitað að vera opinber frídagur í Firðinum fagra. Þar sem sól skein í heiði, hitinn nartaði í rassinn á sköflum í efstu skörðum og golan rétt dugði til að hreyfa við Tindastólsfánunum á Króknum þá var dúndur- og gleðistemning upp við Síki löngu áður en hleypt var inn í hús. Og leikurinn? Jú, sömu töfrarnir innanhúss og utan og úrslitin eins og við viljum hafa þau. Stólasigur 110-97 eftir hörkuleik.Meira -
Diddi Frissa nýr rekstraraðili á Húnavöllum
feykir.is Austur-Húnavatnssýsla 15.05.2025 kl. 10.50Nýr rekstraraðili, Diddi Frissa, hefur tekið við á Húnavöllum og er að keyra starfsemina í gang í þessum skrifuðu orðum. Didda langar að bjóða íbúum Húnabyggðar í heimsókn á föstudaginn og bjóða upp á súpu í leiðinni. Gamlir nemendur og starfsmenn Húnavallaskóla eru boðnir sérstaklega velkomnir.Meira -
Sauma nú myndir úr Vatnsdælureflinum
feykir.is Austur-Húnavatnssýsla 15.05.2025 kl. 10.17Á vef Húnabyggðar er sagt frá hefðarkonum sem komu saman í kvennaskólanum á Blönduósi í gær. Nú þegar lokið hefur verið við sum á Vatnsdælureflinum eru þær aftur sestar við saum og hafa hafist handa við að sauma út myndir úr Vatnsdælureflinum sem seldar verða seinna í sumar þegar refilinn verður sýndur.Meira
