Eftir storminn
Lífið er nú smátt og smátt að færast í eðlilegt horf eftir óveðurshvellinn sem gekk yfir landið í gær og fyrradag. Rafmagn er nú komið á víðast hvar en þó er enn rafmagnslaust á Vatnsnesi, innst í Hrútafirði, á austanverðum Skaga og á einhverjum stöðum í Langadal og Svínadal samkvæmt upplýsingum á vef Rarik.
Þá vinnur Vegagerðin nú hörðum höndum að því að opna helstu leiðir og óvíst hve langan tíma tekur að koma vegasambandi í eðlilegt ástand. Þjóðvegur eitt um Norðurland vestra er nú orðinn fær, þó er enn þæfingur í Langadal og þungfært á Vatnsskarði. Þæfingur er á Þverárfjalli og víða í Húnavatnssýslum. Vegurinn utan Hofsóss er lokaður og margar leiðir í Skagafirði og Húnavatnssýslum eru merktar án vetrarþjónustu á vef Vegagerðarinnar og er því væntanlega óvisst með ástand þar. Enn er í gildi óvissustig vegna snjóflóða á Mið-Norðurlandi.
Veðurstofan spáir áframhaldandi norðlægri átt fram yfir helgi, sums staðar verði allhvasst eða hvasst. Búast má við éljagangi, einkum á norðanverðu landinu og á köflum austan til, en bjart með köflum sunnan- og vestanlands. Spáð er talsverðu frosti á landinu um helgina en draga mun úr því í næstu viku.
Á vef Sveitarfélagsins Skagafjarðar segir að skólastarf á Sauðárkróki sé að komast í eðlilegt horf og voru bæði leik- og grunnskóli með kennslu í dag. Stefnt er að skólahald fari fram með eðlilegum hætti á morgun, föstudag.
Í Varmahlíð er mikið fannfergi og var skólahaldi í leik- og grunnskóla aflýst í dag. Stefnt er á að skólahald hefjist að nýju á morgun, föstudag, en foreldrar og forráðamenn barna eru beðnir um að fylgjast með tilkynningum þess efnis.
Á Hofsósi og Hólum er víða þungfært. Starfsemi leikskóla hófst í dag og stefnt á eðlilega opnun á morgun föstudag. Öllu skólastarfi í Grunnskólanum austan vatna var aflýst í dag vegna ófærðar og er verið að skoða með skólastarf á morgun, föstudag. Eru foreldrar og forráðamenn barna beðnir um að fylgjast með tilkynningum þess efnis. Íbúar eru hvattir til að fylgjast vel með tilkynningum.
Mikið fannfergi er víða á svæðinu eins og meðfylgjandi myndir sem Margrét Árnadóttir tók á Hofsósi í dag bera með sér.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.