Ég fæ gjarnan innblástur af litum úr náttúrunni
Margrét Aðalsteinsdóttir býr á Sauðárkróki og hef verið þar í bráðum 30 ár en er fædd og uppalin á Akureyri. „Maðurinn minn, Örn Ragnarsson er Króksari og 1993 fluttum við í Skagafjörðinn. Við eigum fjögur uppkomin börn og tvö barnabörn. Ég er hjúkrunarfræðingur og starfa í Árskóla og einnig á heilsugæslunni hér“ segir Margrét.
Hve lengi hefur þú stundað hannyrðir? Handavinna og alls kyns föndur hefur mér alltaf þótt mjög skemmtileg iðja. Að búa eitthvað til frá grunni og leika mér með liti veitir mér gleði og útrás. Ég held að það að prjóna hafi ég lært fyrst í Barnaskóla Akureyrar. Móðir mín prjónaði svolítið en hún er frá Skotlandi og prjónaði með „ensku“ aðferðinni sem mér fannst mjög furðuleg og seinleg og tileinkaði mér ekki þá aðferð. Ég held að alveg síðan ég var í menntaskóla hafi ég alltaf verið með einhver verkefni í gangi á prjónunum. Ég prjóna fyrir framan sjónvarpið, oft þegar við erum á keyrslu og nú í seinni tíð hlusta ég oft á sögur um leið og ég prjóna eða sauma út. Já ég hef líka gripið í útsaum og gerði mikið af bútasaum á tímabili. Þegar börnin voru lítil, saumaði ég oft föt á þau eins og tíðkaðist en nú snerti ég varla saumavélina nema til að gera við eða dett í bútasaum.
Hvaða handavinna þykir þér skemmtilegust? Ég hef aðeins prófað að hekla, t.d. milliverk í rúmföt, en heklið hefur aldrei heillað eins mikið. Mest prjóna ég á fólkið mitt og síðan barnabörnin komu þá hafa nokkrar flíkurnar orðið til. Ég fer oft eftir uppskriftum en breyti ég þeim gjarnan eitthvað en hanna líka stundum mínar eigin.
Hverju ertu að vinna að um þessar mundir? Þessa dagana er ég að prjóna munstraða peysu sem þarf svo að klippa upp en bráðum er ég að fara á námskeið í að læra að klippa upp peysur með aðferð sem heitir „steeking“.
Hvar færðu hugmyndir að verkum? Ég fæ gjarnan innblástur af litum úr náttúrunni og fylgist með öðru prjónafólki úti í heimi í gegnum Instagram og fæ þannig fullt af hugmyndum.
Hvaða handverk sem þú hefur unnið ertu ánægðust með? Eitt af þeim verkefnum sem ég er ánægðust með er púði sem ég gaf í brúðargjöf fyrir nokkrum árum. Ég kalla hann Lambagras en hann saumaði ég út í ull sem ég þæfði og setti á ullarefni (sjá mynd). Væri alveg til í að gera meira af slíku.
Eitthvað sem þú vilt bæta við? Ég á erfitt með að sjá fyrir mér lífið án prjóna eða handavinnu. Ef maður hefur það áhugamál leiðist manni sjaldan og hvað er betra í einangrun eða sóttkví en að hafa eitthvað að gera í höndunum.
Áður birst í tbl. 7 Feykis 2022.
Fleiri fréttir
-
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.