Einn af hápunktunum ársins í hestageiranum
Það má búast við skemmtilegu Íslandsmóti í hestaíþróttum á Vindheimamelum dagana 18. - 22. júlí. Þarna er von á bestu knöpum landsins etja kappi á frábærum gæðingum í átta hefðbundnum hestaíþróttagreinum.
„Við leggjum uppúr því að hafa stemninguna notalega og bendum ferðafólki á að það sé tilvalið að koma í Skagafjörðinn þessa helgi, kíkja á mótið og gera eitthvað fleira skemmtilegt hér á svæðinu í leiðinni. Það kostar ekkert inn á mótssvæðið, þarna verða leiktæki fyrir börn og hægt að komast á bak hjá Hestasport. Stefnan er að gera veitingaskálann að huggulegum veitingastað. Á laugardagskvöldið verður grill og gaman og síðan verður hestamannaball í Miðgarði með hljómsveitinni Spútnik,“ segir Eyþór Einarsson framkvæmdarstjóri mótsins.
Dagskráin liggur ekki endanlega fyrir, en skráningu líkur í dag fimmtudaginn 12. júlí og eftir þann dag segir Eyþór hægt að negla niður tímasetningar.
„Við búumst við á annað hundrað knapar taki þátt og að mótsgestir gætu orðið um eitt til tvö þúsund yfir helgina. Reiknað er með að mótið fái góða athygli meðal fjölmiðla en t.d. mun Ríkissjónvarpið verða með beina útsendingu frá úrslitunum á sunndeginum,“ segir hann.
Eyþór segir að viðburður sem þessi byggir á því að heimafólk sé tilbúið að taka þátt á öllum sviðum, sem starfsmenn á Melunum, sem gestgjafar, sem gestir mótsins o.s.frv.
„Vonandi skilar þessi fyrirhöfn sér í því að við eflum okkar svæði, styrkjum tengsl við hestafólk í öðrum landshlutum og höfum af þessu eitthvert gaman. Íslandsmót er einn af hápunktunum í hestageiranum ár hvert og stærsti viðburðurinn á norðurlandi þetta árið. Óhætt er að hvetja allt hestaáhugafólk fjær og nær að láta þennan viðburð ekki fram hjá sér fara,“ segir Eyþór í lokin.
Upplýsingar um mótið er hægt að nálgast á heimasíðu á Hrossaræktarsambands Íslands.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
