Eitt sæti laust í Meistaradeild KS
Undirbúningur fyrir Meistaradeild KS í hestaíþróttum er kominn af stað og hafa verið gefnir út keppnisdagar fyrir næsta tímabil. Þann 3. mars hefst veislan í reiðhöllinni Svaðastaðir á Sauðárkróki með keppni í fjórgangi. Efstu lið síðasta tímabils unnu sér inn þátttökurétt sl. vor og þurfa þau að staðfesta fyrir 31.október hvort þau ætli sér að halda áfram. Eitt sæti er hins vegar laust og þurfa áhugasamir að skila inn umsóknum fyrir 15. nóvember á netfangið unnursigurpals@gmail.com.
Lið Þúfna stóð uppi sem sigurvegari í liðakeppni Meistaradeildar KS 2020 og vann sér þar með inn sæti á næsta keppnistímabili auk sex næstu liða á stigatöflunni. Litlu mátti muna á neðstu liðunum en það var lið Kerckhaert sem þurfti að bíta í það súra epli að detta út með hálfu stigi minna en Íbishóll sem bjargaði sér fyrir horn. Úrslitin urðu þessi:
1. Þúfur 333,5 stig
2. Hrímnir 308 stig
3. Syðra Skörðugil/Weierholz 246,5 stig
4. Regulator Complete/ Skáney 240 stig
5. Equinics 195,5 stig
6. Íbishóll 182 stig
7. Leiknisliðið 179,5 stig
8. Kerckhaert 179 stig
Á Facebooksíðu deildarinnar kemur fram að Mette Moe Mannseth hafi borið sigur úr bítum í einstaklingskeppninni sl. vetur, eftir að hafa náð fyrsta sæti í fjórgangi og endað í öðru sæti í gæðingafimi á hryssunni Skálmöld frá Þúfum. Annað sætið í tölti varð hennar og hryssunnar List frá Þúfum og í slaktaumatölti náði hún þriðja sæti á Hryðju frá Þúfum. Einnig reið hún B-úrslit í fimmgangi á Kalsa frá Þúfum og lagði Vívalda frá Torfunesi í gegn um höllina og hlaut þar níunda sæti.
Úrslit urðu eftirfarandi:
1. Mette Mannseth 121,5 stig
2. Þórarinn Eymundsson 101,5 stig
3. Randi Holaker 97 stig
4. Bjarni Jónasson 96 stig
5. Barbara Wenzl 81 stig
Það er engan bilbug að finna á hestamönnum þó Covid herji á nú um stundir og má búast við hörkukeppni í vetur. Keppni hefst þann 3. mars á fjórgangi í reiðhöllinni Svaðastaðir á Sauðárkróki, þar sem allar keppnir fara fram utan gæðingafimar sem fram fer í Léttishöllinni á Akureyri 19. mars. Slaktaumatöltið fer fram 9. apríl, fimmgangur 21. apríl og loks verður svo keppt í tölti og skeiði þann 7. maí.
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.