Ekkert annað en árás á landsbyggðina
Stjórn Framsóknarfélags Skagafjarðar mótmælir harðlega framkomnum frumvörpum ríkisstjórnarinnar um breytingar á lögum um stjórnun fiskveiða. Í ályktun frá félaginu segir; "Þessar breytingar eru ekkert annað en árás á landsbyggðina þar sem sjávarútvegur er meginstoð atvinnu víðast hvar.
Í Skagafirði er rekinn öflugur sjávarútvegur sem hefur skapað fjölda starfa í samfélaginu um árabil og er ein af meginstoðum verðmætasköpunar í héraðinu . Sá tilflutningur aflaheimilda sem kynntur er í frumvörpunum mun skaða samfélagið varanlega og ekki verður séð með nokkru móti að sá afli sem verði tekinn úr Skagafirði vinnist með hagkvæmari hætti á öðrum stöðum fyrir þjóðarbúið með þeim úthlutunum sem kynntar eru í frumvörpunum . Þá er það stórkostlega óábyrgt að ríkisstjórn skuli leggja til slíkar breytingar á grunnstoðum íslensks samfélags án hagfræðilegrar úttektar á áhrifum breytinganna. Þegar slíkt er gert hlýtur að liggja að baki vilji til einhvers annars en að breyta rétt. Framsóknarfélag Skagafjarðar skorar á sveitarstjórnarmenn í Skagafirði að berjast gegn þessum breytingum af fullri hörku og jafnframt á ríkistjórn að draga frumvörpin til baka, leita sem bestra sátta um framtíð sjávarútvegsins og lágmarka þannig þann skaða sem orðinn er. Sjómenn og fiskverkafólk sem staðið hafa vaktina fram að þessu eiga betra skilið."
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
