Ekki leikið á Sauðárkróksvelli á næstunni
Margir bíða eflaust spenntir eftir fyrsta heimaleik Tindastóls í 1. deildinni í knattspyrnu þetta sumarið. Ef allt væri í heiminum rósótt og snoturt þá væru Stólarnir að fara að taka á móti Húsvíkingum í Völsungi nú á laugardaginn. Feykir hafði samband við Ómar Braga Stefánsson formann knattspyrnudeildar Tindastóls og hann segir klárt að ekki verði leikið á aðalvellinum á næstunni.
-Ástand vallarins er mjög slæmt. Við erum jafnvel hræddir um að það sé ekkert líf í vellinum og staðan skelfileg. Eftir fund í gær var ákveðið að gata völlinn enn meir, bera áburð á hann og halda „rekju“ í honum eins og kostur er. Síðan verður fræ borið á völlinn og beðið til Guðs.
Spurður út í hvort leikurinn gegn Völsungi verði leikinn hér heima sagði Ómar: -Það er klárt að ekki verður leikið á aðalvellinum á næstunni. Unnið er að því að snúa við leiknum við Völsung sem átti að vera hér á vellinum nk. laugardag.
Stuðningsmenn Tindastóls verða því að öllum líkindum að bíða þó nokkurn tíma eftir að berja sína menn augum á heimavelli.
Fleiri fréttir
-
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira -
Óskað eftir tilnefningum til samfélagsverðlauna í Húnaþingi vestra
feykir.is Vestur-Húnavatnssýsla, Mannlíf 19.06.2025 kl. 09.19Félagsmálaráð Húnaþings vestra óskar eftir tilnefningum frá íbúum sveitarfélagsins um aðila til samfélagsviðurkenninga fyrir verk sín eða störf í þágu samfélagsins. Í frétt á Húnahorninu segir að allir komi til greina, jafnt einstaklingar, fyrirtæki sem og félagasamtök sem hafa með gjörðum sínum og framgöngu látið gott af sér leiða og verið öðrum góð fyrirmynd.Meira -
Sjónhorn og Feykir koma út í dag
feykir.is Skagafjörður, Austur-Húnavatnssýsla, Vestur-Húnavatnssýsla 19.06.2025 kl. 09.01Feykir og Sjónhorn fara í dreifingu í dag, fimmtudaginn 19. júní, en þjóðhátíðardagurinn setti strik í reikninginn varðandi prentun og dreifingu og blöðin því að berast í hús degi síðar en vanalega. Sjónhornið var reyndar komið á netið í gær en rafræn útgáfa Feykis varð aðgengileg nú í morgun.Meira -
Frelsið til þess að ráða eigin málum | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 08.22Fjölmörg dæmi eru um það í sögu Íslands síðustu hundrað árin hvernig fullveldið, frelsið til þess að ráða eigin málum, hefur skipt sköpum fyrir hagsmuni þjóðarinnar. Bæði stór og smá. Landhelgisdeilurnar á síðari hluta 20. aldarinnar eru þar eðlilega áberandi. Efnahagslögsagan hefði ekki ítrekað verið færð út þar til hún náði að lokum 200 mílum ef valdið til þess hefði ekki verið innanlands. Án frumkvæðis íslenzkra ráðamanna hefði efnahagslögsagan seint verið færð út.Meira -
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira
