Emma Katrín og landslið U19 í badminton á leið á stórmót í Englandi og Ungverjalandi í sumar
Fyrr í dag kom fram á Facebook síðu Badmintondeildar Tindastóls að Emma Katrín Helgadóttir, badmintonkona frá Badmintondeild Tindastóls, hefur verið valin í U19 ára landslið Íslands í badminton.
Fram undan eru krefjandi og spennandi stórmót þar sem Emma mun spila meðal bestu ungu badmintonspilara Evrópu. Í júlí heldur Emma til Birmingham á hið stóra All England U19 mót, en All England í fullorðinsflokki er eitt allra stærsta badmintonmót heims og þangað mæta allir bestu spilararnir. Emma er skráð í tvíliðaleik, með Kötlu Sól úr BH og í tvenndarleik með Eggerti Þór úr TBR.
Í ágúst heldur liðið svo til Ungverjalands á EM U19. Fyrst fer liðakeppnin fram, en í liðakeppni í badminton eru spilaðir fimm leikir: einliðaleikur karla, einliðaleikur kvenna, tvíliðaleikur karla, tvíliðaleikur kvenna og tvenndarleikur. Að lokinni liðakeppni tekur einstklingskeppni við og er því í raun um að ræða tvö mót í einni ferð. Þetta er gríðarleg viðurkenning á elju, metnaði og vinnusemi Emmu Katrínar, auk þess að vera mikil rós í hnappgatið fyrir badmintondeild Tindastóls, sem á nú fulltrúa í landsliði í fyrsta sinn.
Fleiri fréttir
-
Elín Dögg hefur verið ráðin í starf fjármálastjóra Skagafjarðar
feykir.is Skagafjörður 19.06.2026 kl. 14.06Elín Dögg Väljaots Gunnarsdóttir hefur verið ráðin í stöðu fjármálastjóra Skagafjarðar. Elín Dögg er með BS- og MS-gráðu í viðskiptafræði frá Háskólanum á Akureyri með áherslu á stjórnun og alþjóðlegt rekstrarumhverfi. Í frétt á heimasíðu Skagafjarðar segir að hún hafi víðtæka reynslu á sviði rekstrar, fjármála og stjórnunar og hefur meðal annars gegnt stöðu rekstrar- og fjármálastjóra hjá Dekkjahöllinni, auk þess sem hún var einn eigenda fyrirtækisins.Meira -
Eyþór Ingi verður í stuði í Höfðaborg í kvöld
feykir.is Skagafjörður 19.06.2026 kl. 13.57Bæjarhátíðin Hofsós heim hófst í gær, fimmtudaginn 18. júní, með grillveislu í Höfðaborg. Dagskráin í dag, föstudaginn 19. júní, hefst kl. 16:00 á gönguferð. Seinna í kvöld stígur Eyþór Ingi á svið í Höfðaborg og þar má búast við mikilli stemningu.Meira -
Þjóðhátíðardeginum var vel fagnað
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2026 kl. 08.25Þjóðhátíðardagur Íslendinga var haldinn hátíðlegur á miðvikudaginn, 17. júní og haldið var upp á daginn um landið. Margt var um að vera á Norðurlandi vestra en á Blönduósi, Hvammstanga og á Sauðárkróki var haldið upp á daginn með skemmtilegum dagskrám.Meira -
Miðgarður Café hefur opnað í Miðgarði
feykir.is Skagafjörður, Mannlíf, Lokað efni 19.06.2026 kl. 08.09Í gær opnaði Miðgarður Café í Menningarhúsinu Miðgarði í Varmahlíð fyrir gestum en það eru Sigga Jóna og Snorri, húsráðendur í Miðgarði, sem reka kaffihúsið. „Opnunardagurinn gekk virkilega vel, það var rennerí allan daginn og um 100 manns litu við hjá okkur, allir virkilega ánægðir með þetta framtak,“ sagði Sigga Jóna þegar Feykir spurði hvernig gekk.Meira
