Endurheimt Brimnesskóga í Skagafirði

feykir.is Skagafjörður 22.08.2017 kl. 08.38
Steinn Kárason framkvæmdastjóri Brimnesskóga og Helga Gunnlaugsdóttir garðyrkjustjóri Skagafjarðar virða fyrir sér kynbætt Geirmundarhólabirki í gróðurreit á Sauðárkróki.
Steinn Kárason framkvæmdastjóri Brimnesskóga og Helga Gunnlaugsdóttir garðyrkjustjóri Skagafjarðar virða fyrir sér kynbætt Geirmundarhólabirki í gróðurreit á Sauðárkróki.

Ungmenni frá Blöndustöð Landsvirkjunar gróðursettu nýlega fjórtán hundruð birkiplöntur til endurheimtunar Brimnesskóga vestan við ána Kolku í Skagafirði. Landsvirkjun hefur lagt verkefninu lið um árabil undir yfirskriftinni “Margar hendur vinna létt verk“. Gróðursettar voru um fjögur hundruð plöntur í 1,5 lítra pottum og um eitt þúsund plöntur í 15 gata bökkum. Allar voru plönturnar gróðursettar með skít og skóflu, sem kallað er. Að þessu sinni var gróðursett kynbætt birki sem á rætur að rekja í Geirmundarhólaskóg í Hrolleifsdal.

Landið sem gróðursett er í er í eigu sveitarfélagsins Skagafjarðar, en það er Brimnesskógar, félag sem stendur að framkvæmdunum. Unnið hefur verið í sjálfboðavinnu að verkefninu um nokkurt árabil. Við endurheimt Brimnesskóga er einungis gróðursett birki og vefjaræktaður reyniviður sem upprunnin er í Skagafirði. Áfram verður gróðursett við endurheimt Brimnesskóga að ári.

Hópur ungmenna frá Blöndustöð Landsvirkjunar að verki loknu við ágrædd móðurtré sem hafa verið frægjafar við verkefnið.  

 

Áður hefur verið á ræktunarsvæðinu gróðursett birki úr Gljúfurárgili í Út- Blönduhlíð og úr Fögruhlíð í Austurdal. Birkið sem notað er í verkefninu hefur verið rannsakað af sérfræðingum við Háskóla Íslands og er það sagt vera „mjög sérstakt“. Gert er ráð fyrir að kynbætta birkið verði fljótvaxið, beinstofna og ljósara á börk en það birki sem ekki er kynbætt. Kynbæturnar hafa farið fram í Gróðrarstöðinni Mörk í Reykjavík en ræktunin hefur að mestu farið fram í gróðrarstöðinni Barra á Valgerðarstöðum.

Margir hafa orðið til að leggja verkefninu lið. Að þessu sinni lögðu hönd á plóg auk Landsvirkjunar, Vörumiðlun, Skagfirðingabúð og Flokka á Sauðárkróki. Brimnesskógar félag, vill koma á framfæri þakklæti til allra þeirra sem lagt hafa endurheimt Brimnesskóga lið á einn eða annan hátt.

/Fréttatilkynning

Til baka

Fleiri fréttir

  • Lið Grunnskóla Húnaþings vestra sem bar sigur úr býtum í Fiðringi 2025. MYND AF SÍÐU GRUNNSKÓLA HÚNAÞINGS VESTRA

    Hæfileikabúnt frá Húnaþingi vestra sigruðu í Fiðringi 2025

    feykir.is Vestur-Húnavatnssýsla, Listir og menning, Lokað efni 08.05.2025 kl. 14.38 oli@feykir.is
    Þeim er margt til lista lagt nemendunum í Grunnskóla Húnaþiings vestra og þessi vetur hlýtur að verða þeim mörgum minnistæður. Fyrir jól áttu nemendur eitt af þeim þremur lögum sem þóttu skara fram úr í Málæði, í síðustu viku tryggði lið skólans sér sæti í úrslitum í Skólahreysti og í gær sigraði atriði skólans í Fiðringi 2025, hæfileikakeppni fyrir nemendur í 8.-10. bekk, sem haldin var á Akureyri.
    Meira
  • Freyja Rut Emilsdóttir. AÐSEND MYND

    Nýsköpun sem drifkraftur | Freyja Rut Emilsdóttir skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.05.2025 kl. 14.18 oli@feykir.is
    Nýsköpun er ekki bara orð til að nota á tyllidögum og í kosningabaráttu, nýsköpun er drifkraftur framþróunar, hvort sem það er í litlum fyrirtækjum á landsbyggðinni eða stórum alþjóðlegum fyrirtækjasamsteypum. Nýsköpun opnar nýjar leiðir, skapar ný störf, eykur hagkvæmni og gerir okkur – bæði sem einstaklinga og samfélög, betur í stakk búin til að takast á við þær áskoranir sem blasa við, grípa þau tækifæri sem bjóðast og skapa ný. Fyrirtæki og samfélög sem fóstra og næra nýsköpunarhugsun og nýsköpunarverkefni eru lykillinn að sjálfbærum vexti, bættum lífsgæðum og framþróun sama hvaða atvinnugreinar horft er til.
    Meira
  • Hér sést í bæði Ytri og syðri Húsabakka og hvernig vötnin hafa flætt yfir allt hjá þeim. Mynd: Þorgrímur Ómar

    Innlyksa á Húsabakka í Skagafirði

    feykir.is Skagafjörður 08.05.2025 kl. 12.37 siggag@nyprent.is
    Í gær kom tilkynning frá Almannavarnadeild Ríkislögreglustjóra um mikla vatnavextir í Austari Jökulsá og Héraðsvötnum. Ábúendur á Syðri og Ytri Húsabakka hafa fundið vel fyrir þessum vatnavöxtum enda innlyksa og skemmdir á vegum og túnum ekki skýr að svo stöddu.
    Meira
  • Hér er bræðurnir Haukur og Teddi að ræða málin en þeir eru reyndar á grásleppuveiðum þegar þessi mynd var tekin á dögunum. Mynd: Þráinn Þorvaldsson.

    Strandveiðin byrjaði á mánudaginn

    feykir.is Skagafjörður, Lokað efni 08.05.2025 kl. 12.15 siggag@nyprent.is
    Það verður fjör hjá smábátaeigendum í sumar því strandveiðitímabilið byrjaði af fullum krafti á mánudaginn síðastliðinn. Fyrir þá sem sóttu um leyfið og fengu geta sótt sjóinn í alls 48 daga. Þessir dagar skiptast niður í 12 daga á mánuði í fjóra mánuði og má einungis róa á mán., þrið., mið. og fimmtudögum. Þá má fiska 774 kíló á dag og á þetta fyrirkomulag að tryggja fullt jafnræði milli landshluta en sl. ár hefur strandveiðin verið stöðvuð löngu áður en tímabilið er búið, eða um miðjan júlí.
    Meira
  • Klara Sveinbjörnsdóttir, Borgfirðingur og reiðkennari við Hestafræðideild Háskólans á Hólum, en hún var sigurvegari mótsins í ár. Mynd af síðu Skagfirðings.

    Klara Sveinbjörnsdóttir og lið Storm Rider sigruðu KS deildina

    feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.05.2025 kl. 12.08 siggag@nyprent.is
    Úrslit í Meistaradeild KS urðu ljós þegar lokakeppnin fór fram að kvöldi 2. maí, í Svaðastaðahöllinni á Sauðárkróki þegar keppt var í tölti og flugskeiði. Mikil eftirvænting var fyrir kvöldinu því þá kæmi í ljós hverjir stæðu uppi sem heildarsigurvegarar bæði í einstaklings- og liðakeppni. 
    Meira
Yfirlit frétta