Kynningarefni vegna kosninga um sameiningu Húnabyggðar og Skagabyggðar
Húnabyggð og Skagabyggð hafa sett á vefsíður sínar kynningarefni vegna kosninga um sameiningu sveitarfélaganna, sem fram fara 8. til 22. júní næstkomandi. Íbúar eru hvattir til þess að kynna sér efnið. Áætlað er að halda íbúafund í Skagabúð mánudaginn 3. júní kl. 20 og í Félagsheimilinu á Blönduósi þriðjudaginn 4. júní klukkan 20. Boðið verður upp á rafrænan aðgang að fundunum.
Í kynningarefninu er farið yfir forsendur sameiningarviðræðnanna, m.a. stefnu stjórnvalda um aukna sjálfbærni sveitarfélaga, vaxandi kröfur til sveitarfélaga og kröfur íbúa til þjónustu. Stefna stjórnvalda er m.a. að stuðla að færri og stærri sveitarfélögum í þeim tilgangi að tryggja að þau geti sinnt lögbundnum verkefnum. Í sveitarstjórnarlögum eru ákvæði um að stefnt skuli að því að lágmarksíbúafjöldi sveitarfélaga sé ekki undir 1.000 íbúum. Í kynningarefninu er einnig að finna stutta stöðugreiningu á sveitarfélögunum, umfjöllun um fjallskilamál, lýðfræðilega þætti og fjárhag.
Sveitarstjórn og heimastjórn í sameinuðu sveitarfélagi
Tillögu samstarfsnefndar er einnig að finna í kynningarefninu og þar kemur fram að sveitarstjórn Húnabyggðar verður sveitarstjórn sameinaðs sveitarfélags ef sameining verður samþykkt. Skipuð verði heimastjórn fyrir Skagabyggð sem í sitja núverandi aðalmenn í sveitarstjórn Skagabyggðar. Varamenn í sveitarstjórn verða varamenn í heimastjórn. Markmið með heimastjórn er að tryggja áhrif íbúa á ákvörðunartöku hins sameinaða sveitarfélags varðandi nærumhverfi þeirra. Gert er ráð fyrir að leitað verði eftir samningi við Sveitarfélagið Skagaströnd um að að börn geti sótt leik- og grunnskóla og tómstundir á Skagaströnd kjósi foreldrar þeirra það. Eins yrði leitað eftir samningum um áframhaldandi þátttöku aldraðra og öryrkja sem þess óska í félagsstarfi og um samstarf við slökkvilið til að tryggja öryggi og viðeigandi viðbragð.
„Það er mat samstarfsnefndar að vöxtur svæðisins byggi á sameiningu. Sameinað sveitarfélag hefur meiri burði til að tryggja íbúum góða þjónustu og stuðla að blómlegu og kraftmiklu samfélagi til framtíðar,“ segir í tillögu nefndarinnar.
Aðkoma ríkis og Jöfnunarsjóðs
Þá er farið yfir aðkomu ríkis og Jöfnunarsjóðs sveitarfélaga að sameiningunni. Þar kemur fram að engin framlög eru greidd vegna Húnabyggðar en mögulega gæti komið framlag til innviðaruppbyggingar leik- og grunnskóla að fjárhæð 100 milljónir. Framlag til endurskipulagningar þjónustu og stjórnsýslu er áætlað 100 milljónir og byggðaframlag vegna íbúaþróunar er áætlað 14 milljónir. Þá er gert ráð fyrir framlagi til nýsköpunar- og þróunarvinnu að fjárhæð 40 milljónir. Samtals gæti því stuðningur Jöfnunarsjóðs numið 254 milljónum vegna sameiningarinnar. Þá hefur Vegagerðin upplýst að hún muni ráðast í endurbyggingu Skagavegar frá Harrastöðum og út fyrir Brunanámur.
/Frétt af Húnahorninu
Fleiri fréttir
-
Valdís Ósk Óladóttir ráðin í starf ráðgjafa í barnavernd hjá Skagafirði
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 13.07Á vef Skagafjarðar segir að Valdís Ósk Óladóttir hefur verið ráðin í starf ráðgjafa í barnavernd á fjölskyldusviði hjá sveitarfélaginu Skagafirði. Valdís er með BSc. gráðu í viðskiptalögfræði frá Háskólanum á Bifröst og ML gráðu í lögfræði frá Háskólanum í Reykjavík. Valdís Ósk hefur góða þekkingu á barnaverndarlögunum og skrifaði meistaraprófsritgerð sína um réttindi barna og þvingunarúrræði skv. barnaverndarlögum. Samhliða námi sínu hefur Valdís Ósk starfað hjá Barna- og fjölskyldustofu og á meðferðarheimilinu Krýsuvík og öðlast þar reynslu í ráðgjöf og vinnslu barnaverndarmála.Meira -
Forvarnaráætlun fyrir leik/grunn og framhaldsskóla á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.44Félags- og skólaþjónusta Austur-Húnvetninga fékk styrk upp á fjórar milljónir frá Sprotasjóði Rannís í maí 2023 til að vinna að forvarnaráætlun fyrir börn á leik/grunn og framhaldsskólaaldri. Markmið verkefnisins var að búa til sameiginlega forvarnaáætlun fyrir Norðurland vestra til fjögurra ára sem stuðla myndi að farsæld og forvörnum allra barna á svæðinu. Forvarnir eru til alls fyrst og er áætlunin öllum aðgengileg á heimasíðum sveitarfélaganna á Norðurlandi vestra.Meira -
Frítt inn á Byggðasafn Húnvetninga og Strandamanna sunnudaginn 28. júlí
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.11Í tilefni af hátíðinni Eldur í Húnaþingi sem haldin er þessa dagana verður frítt inn á Byggðasafn Húnvetninga og Strandamanna sunnudaginn 28. júlí. Safnið er opið milli kl. 9-17 og er staðsett á Reykjum í Hrútafirði í Húnaþingi vestra, tæpum kílómeter frá þjóðvegi eitt og leggur safnið áherslu á líf og störf fólks og síðari hluta 19. aldar og byrjun þeirrar 20.Meira -
Andri Már stígur á stokk í Mexíkó
feykir.is Skagafjörður, Listir og menning, Mannlíf 26.07.2024 kl. 10.32Feykir hefur aðeins fylgst með ævintýrum Andra Más Sigurðssonar / Joe Dubious á mexíkanskri grundu. Andra kannast margir við sem tónlistarmann og hann var eftirminnilega í framlínu hljómsveitarinnar dáðu, Contalgen Funeral, sem margir sakna. Andri flutti til Mexíkó árið 2019 og bjó í þorpinu La Erre í Guajajuato-fylki síðast þegar Feykir tók á honum púlsinn. Í fyrra sögðum við frá því að Andri væri farinn að láta á sér kræla í tónlistinni í Mexíkó og nú spilaði hann á virtri menningarstofnun, El Museo de la Independencia en Dolores Hidalgo – hvorki meira né minna!Meira -
Sigtryggur og Þórir boðaðir til æfinga fyrir undankeppni Eurobasket 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 26.07.2024 kl. 10.29Karlalandsliðið Íslands í körfuknattleik verður við æfingar núna síðustu daga júlí mánaðar. Æfingarnar er liður í undirbúningi fyrir síðustu leikina í undankeppni EuroBasket 2025 sem verða spilaðir í nóvember og febrúar. Tveir leikmenn Tindastóls voru boðaðir til æfinga, þeir Sigtryggur Arnar Björnsson og Þórir Þorbjarnarson.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.