Söngur úr norðri og suðri
feykir.is
Skagafjörður, Austur-Húnavatnssýsla, Vestur-Húnavatnssýsla, Listir og menning
25.09.2025
kl. 09.45
Sunnudaginn 5. október næstkomandi munu Kristinn Sigmundsson, Helga Rós Indriðadóttir og Kolbeinn Jón Ketilsson halda stórtónleika í Menningarhúsinu Miðgarði í Skagafirði. Með þeim á píanó leikur Matthildur Anna Gísladóttir. Á efnisskránni verða íslensk og erlend sönglög og dúettar úr ýmsum áttum eftir Sigvalda Kaldalóns, Eyþór Stefánsson, Franz Schubert, Francesco Paolo Tosti, Franz Lehár og fleiri. Miðasala verður við innganginn og miðaverð er 4.900 kr. Tónleikarnir hefjast klukkan 16:00
Kristinn Sigmundsson hefur haft söng að aðalstarfi síðan 1984. Fyrst hér heima, en frá árinu 1989 hefur hann að mestu starfað erlendis. Hann hefur komið fram í flestum stærstu óperuhúsum heims og hefur sungið á annað hundrað óperuhlutverka, þar á meðal flest stærstu bassahlutverk Wagners.
Kolbeinn Jón Ketilsson hefur sungið mörg veigamestu tenórhlutverk óperubókmenntanna, m.a. titilhlutverkiní Ævintýrum Hoffmanns, Don Carlo, Parsifal, Tristan, Tannhäuser og Lohengrin. Hann hefur starfað með þekktustu
hljómsveitarstjórum heims á borð við Antonio Pappano, Lorin Maazel og Zubin Metha. Auk þess að syngja í óperum kemur Kolbeinn einnig reglulega fram sem ljóðasöngvari og einsöngvari í hljómsveitaverkum.
Helga Rós Indriðadóttir sópransöngkona starfaði í Stuttgart í Þýskalandi um árabil. Hún var fastráðin við óperuhúsið þar í borg og söng m.a. Freyju í Rínargulli Wagners, eina af Valkyrjunum og Rínardóttur í Ragnarökum eftir sama höfund. Helga Rós fór með hlutverk Elísabetar drottningar í Don Carlo í Hörpu hjá Íslensku Óperunni þar sem Kristinn Sigmundsson fór með hlutverk Filippusar konungs. Helga Rós er starfandi tónlistarkennari við Tónlistarskóla Skagafjarðar og stjórnar kvennakórnum Sóldísir. Á síðasta starfsári fór hún í einsöngshlutverk með kórnum í dagskránni “Dísir & Dívur”.
Matthildur Anna Gísladóttir lauk bachelornámi í einleik frá Listaháskóla Íslands árið 2007 undir leiðsögn Peter Máté. Einnig lauk hún mastersnámi í meðleik við Royal Academy of Music í London með Andrew West sem aðalkennara og mastersnámi í óperuþjálfun frá Alexander Gibson Opera School í Royal Conservatoire of Scotland. Matthildur er virkur flytjandi innlendis sem erlendis. Hún hefur komið fram á fjölda tónleika og komið að óperuuppsetningum m.a. hjá Íslensku óperunni. Matthildur er fastráðinn meðleikari í Listaháskóla Íslands.
Fleiri fréttir
-
„Vonandi sjáum við sem flesta í stúkunni á föstudaginn“
feykir.is Skagafjörður, Íþróttir, Lokað efni 25.09.2025 kl. 15.16Feykir hitar upp fyrir úrslitaleikinn stóra annað kvöld með því heyra hljóðið í Jónasi Aroni Ólafssyni sem á að baki rúmlega 230 leiki fyrir Tindastól. Hann er sonur Óla Óla og Anítu Jónasar og hefur einungis spilað fyrir Tindastól á sínum ferli. Nú eru einmitt tíu ár síðan hann spilaði fyrstu leikina fyrir mfl. Tindastóls í 2. deild sumarið 2015.Meira -
Fuglainflúensa greinist í villtum fuglum
feykir.is Skagafjörður, Austur-Húnavatnssýsla 25.09.2025 kl. 14.05Fyrir skemmstu fundust á annan tug stormmáfa og hettumáfa dauðir í fjöru við Blönduós. Sýni voru tekin og í þeim greindist skæð fuglainflúensa af gerðinni H5N5. Sama gerð skæðrar fuglainflúensu H5N5 greindist einnig í kvenkyns önd sem fannst dauð á Sauðárkróki í síðustu viku. Þetta staðfestir Tilraunastöð Hí í meinafræði á Keldum í gær. Þetta kemur fram á vef Mast.Meira -
Æfingaleikir í kvöld!
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 25.09.2025 kl. 10.51Tindastóll tekur á móti Þór Þorlákshöfn, mfl kk í Síkinu í kvöld, leikurinn hefst eins og venjan er kl. 19:15. Miðaverð: 1000 og að sjálfsögðu verða hamborgarar á grillinu Indriði verður á svæðinu frá kl 18:15 fyrir þau sem vilja aðstoð með árskort, sæti eða stæði.Meira -
Hressileg veðurspá fyrir morgundaginn
feykir.is Skagafjörður, Austur-Húnavatnssýsla, Vestur-Húnavatnssýsla 25.09.2025 kl. 09.30Það er ansi hressilega verðurspáin fyrir morgundaginn þegar ein haustlægð gerir vart við sig, spáin á verdur.is fyrir Strandir og Norðurland vestra er svo hljóðandi - sunnan 15-23 m/s og snarpar vindhviður við fjöll. Vindur getur verið varasamur fyrir ökutæki, sérílagi þau sem eru viðkvæm fyrir vindi.Meira
