Eurovision-fögnuður í Fljótum þegar grænt ljós var gefið á göngur og réttir
„Segja má að fyrirkomulag gangna og rétta í Fljótum hafi verið með öðrum brag þetta árið vegna Covid-smita sem komu upp í Grunnskólanum austan Vatna á Hofsósi en þangað sækja grunnskólanemendur í Fljótum nám,“ segir Halldór Gunnar Hálfdansson, bóndi á Molastöðum í Fljótum, þegar Feykir innti hann eftir fréttum af göngum og réttum.
Hann segir að nemendur hafi verið í sóttkví vikuna fyrir gangnahelgina og fóru þeir í skimun rétt fyrir helgi en ef smit hefði greinst hefði þurft að aflýsa göngum þá helgi. „Það hefði orðið snúið því sumir bæir áttu að senda lömb í sláturhús strax eftir göngur auk þess sem allt það fólk sem drífur að og hjálpar Fljótafólki að smala var búið að taka þessa helgi frá og jafnvel fá frí í vinnu til að geta aðstoðað bændur á utanverðum Tröllaskaga,“ segir Halldór.
Var þetta fólk beðið um að fresta för sinni til Fljóta þar til niðurstöður skimunar væru ljósar og var það spennuþrunginn tími. Jafnvel kom til greina að snúa fólkinu við á miðri leið ef smit hefði greinst. „Þeir allra hörðustu tóku sénsinn og lögðu fyrr af stað, vitandi að sá möguleiki væri til staðar að það væri til einskis. Þegar í ljós kom að ekkert smit væri í Fljótum brast á mikill fögnuður sem minnti á víðfræg Eurovision partí Fljótafólks.“ Göngur og réttir gátu því farið fram með eðlilegum hætti og ætla má að nærri 100 manns hafi komið komið og aðstoðað bændur í Fljótum þetta haustið.
Halldór segir að á réttardeginum hafi starfsmenn hótelsins á Deplum grillað, með hótelstjórann fremstan í flokki, hamborgara fyrir réttargesti og var það kærkomið fyrir smalana nýkomna úr fjöllunum. „Að lokum langar alla bændur í Fljótum að þakka öllu því fólki sem lagði mikið á sig til að hjálpa okkur að smala og rétta um síðustu helgi og var einkennilega hljótt á bæjunum þegar glaumurinn hljóðnaði og gestirnir hurfu til síns heima eftir skemmtilega helgi,“ segir Halldór að lokum.
- - - - -
Halldór Gunnar tók litmyndirnar sem hér fylgja en Anna María Þórðardóttir tók hins vegar þessar stórfínu myndir í sauðalitunum.
Fleiri fréttir
-
Lið Tindastóls jafnaði metin með sigri liðsheildarinnar
feykir.is Skagafjörður, Íþróttir 29.04.2024 kl. 22.05Lið Tindastóls og Aþenu mættust í annað sinn í einvígi sínu um sæti í Subway-deildinni í Síkinu í kvöld. Lið Aþenu fór illa með haltrandi Stólastúlkur í fyrsta leik sem var aðeins spennandi fyrstu mínúturnar. Það var annað uppi á teningnum í kvöld því leikurinn var æsispennandi en að þessu sinni var það lið Tindastóls sem leiddi lungann af leiknum. Gestirnir voru aðeins yfir í 20 sekúndur en voru annars í stöðugum eltingaleik við baráttuglatt lið Tindastóls. Það fór svo að taugar heimastúlkna héldu og sigur hafðist, lokatölur 67-64 og staðan í einvíginu 1-1.Meira -
Gunnari Þór afhent Gullmerki ÍSÍ fyrir mikil og góð störf
feykir.is Skagafjörður, Íþróttir 29.04.2024 kl. 20.45Ungmennasamband Skagafjarðar (UMSS) hélt ársþing sitt í félagsheimilinu Tjarnabæ laugardaginn 27. apríl síðastliðinn. Fulltrúi ÍSÍ á þinginu var Viðar Sigurjónsson en hann notaði tækifærið og veitti Gunnari Þór Gestssyni, formanni UMSS, Gullmerki ÍSÍ á þinginu fyrir mikil og góð störf í þágu íþrótta en Gunnar Þór hefur m.a. setið í fjölmörgum nefndum og starfshópum ÍSÍ.Meira -
Skagaströnd fékk rúmlega 41 milljón króna styrk vegna Spákonuhöfða
feykir.is Austur-Húnavatnssýsla 29.04.2024 kl. 19.31Lilja Dögg Alfreðsdóttir, menningar- og viðskiptaráðherra, úthlutaði í fyrir helgi úr Framkvæmdasjóði ferðamannastaða fyrir árið 2024. Tvö verkefni á Norðurlandi vestra hlutu styrki og annað þeirra var merkt Sveitarfélaginu Skagaströnd, styrkur að upphæð kr. 41.105.000 vegna verkefnisins Spákonufellshöfðu: Aðgengi fyrir alla.Meira -
Lokamót í Skagfirsku mótaröðinni
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 29.04.2024 kl. 15.06Á heimasíðu Hestamannafélagsins Skagfirðings segir að lokamótið í Skagfirsku mótaröðinni hafi verið haldið á dögunum þar sem keppt var í gæðingakeppni, tölti og skeiði en hér að neðan eru úrslitin:Meira -
Kirkjukvöld Kirkjukórs Sauðárkrókskirkju í kvöld
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 29.04.2024 kl. 14.55Kirkjukvöld Kirkjukórs Sauðárkróks er að venju haldið mánudag í Sæluviku nánar tiltekið í kvöld 29. apríl kl. 20:00.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.