Fasteignaskattar og fráveitugjöld
Ágætur félagi okkar og varamaður áheyrnarfulltrúa Byggðalistans í umhverfis- og samgöngunefnd skrifar grein í Feyki í síðustu viku þar sem hann setur út á að lækkun fráveitugjalda í Skagafirði um sl. áramót leiði ekki til lækkunar fasteignagjalda almennt í Skagafirði. Þessu er því til að svara að fráveitugjald er reiknað út sem ákveðið hlutfall af fasteignamati húsa, mannvirkja, lóða og landa, samkvæmt lögum um skráningu og mat fasteigna. Gildir þetta þar sem fráveita er til staðar, þ.e. í þéttbýli í Skagafirði og er því gjaldi ætlað að standa straum af kostnaði fráveitunnar.
Fráveitugjaldið var hækkað árið 2001 úr 0,18% í 0,20% til að safna upp í sjóð fyrir framkvæmdum sem ljóst þótti að ráðast yrði í til að uppfylla kröfur laga og reglugerða í náinni framtíð. Gjaldið var aftur hækkað árið 2002 í 0,25% og enn árið 2004 upp í það hlutfall sem gilti til loka síðasta árs eða 0,275. Í lok árs 2017 var eigið fé fráveitunnar komið í yfir 500 m.kr. Í því ljósi var ákveðið að lækka gjaldið aftur frá og með síðustu áramótum niður í 0,186%. Taka ber aftur fram að þetta er gjald sem einungis er tekið af þeim íbúum húsa sem eru tengdir fráveitu.
Í dreifbýli Skagafjarðar, þar sem ekki er fráveita, er fyrirkomulagið annað. Þar eru rotþrær tengdar húsum og gjald rukkað fyrir tæmingu þeirra eftir að hún hefur farið fram. Rotþrær eru tæmdar á þriggja ára fresti í Skagafirði. Fer tæmingin fram seinnipart sumars og fram undir haust. Til loka árs 2013 var, auk tæmingargjalds, einnig innheimt sérstakt árgjald ár hvert en það var fellt niður árið 2014.
Með hvorri gjaldtöku fyrir sig, annars vegar fyrir fráveituna og hins vegar fyrir tæmingu rotþróa, er þannig leitast við að láta hana endurspegla kostnað við rekstur hvorrar þjónustu fyrir sig.
Fasteignaskattar í Skagafirði
Fasteignaskatturinn sjálfur er hins vegar ákveðið hlutfall af heildarfasteignamati og gildir sama prósenta í öllu sveitarfélaginu fyrir sambærilegar eignir. Er fasteignamatið reiknað út af Þjóðskrá Íslands ár hvert og byggir á upplýsingum úr þinglýstum kaupsamningum, auk fjölmargra annarra þátta sem hafa áhrif á verðmæti fasteigna. Þjóðskrá Íslands hefur frá árinu 2009 unnið að endurskoðun á aðferðafræði fasteignamats fyrir allar tegundir eigna til að endurspegla betur markaðsverð fasteigna á hverjum tíma en unnt var með eldri aðferðum.
Fasteignamatið getur verið mjög ólíkt á milli svæða í Skagafirði. Þannig má taka sem dæmi að munur á álagningu fasteignaskatts fyrir ríflega 100 fm hús getur verið meira en tvöfaldur og samsvarað tugum þúsunda, allt eftir því hvar húsið er staðsett í héraðinu. Krónutalan er hæst á Sauðárkróki en er talsvert lægri annars staðar.
Álagning fasteignaskatta endurspeglar því markaðsvirði fasteigna á hverju svæði fyrir sig í Skagafirði og hækkun krónutölu þýðir einfaldlega að ætlað virði þeirra er að hækka. Er það þróun sem helgast m.a. af þeirri ánægjulegu staðreynd að á liðnum misserum hefur talsvert verið byggt af íbúðarhúsnæði í bæði þéttbýli og dreifbýli héraðsins og virkur fasteignamarkaður verið með eldra húsnæði og jarðir í Skagafirði.
Ingibjörg Huld Þórðardóttir, formaður umhverfis- og samgöngunefndar Svf. Skagafjarðar
Guðlaugur Skúlason, varaformaður umhverfis- og samgöngunefndar Svf. Skagafjarðar
Fleiri fréttir
-
Lukkudísirnar voru í liði með FH
feykir.is Skagafjörður, Íþróttir 22.04.2024 kl. 20.44Fyrsti leikur Tindastóls í Bestu deild kvenna þetta árið fór fram nú undir kvöld en þá tóku Stólastúlkur á móti liði FH við ágætar aðstæður. Það verður varla annað sagt en að lukkudísirnar hafi verið í liði með gestunum því í það minnsta þrívegis skall boltinn í stangir FH marksins. Það voru hins vegar Hafnfirðingarnir sem gerðu eina mark leiksins snemma í síðari hálfleik og þrátt fyrir talsverða pressu og nokkur ágæt færi þá tókst liði Tindastóls ekki að jafna.Meira -
Vortónleikar í Blönduóskirkju
feykir.is Austur-Húnavatnssýsla, Listir og menning 22.04.2024 kl. 09.56Sunnudaginn 28. apríl vera haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða. Mun hann leika vel valin orgelverk.Meira -
Stólastúlkur mæta FH á gervigrasinu klukkan fimm í dag
feykir.is Skagafjörður, Íþróttir 22.04.2024 kl. 08.31Leik Tindastóls og FH í fyrstu umferð Bestu deildar kvenna sem fram átti að fara kl. 16:00 í gær var frestað sökum vallaraðstæðna á Króknum í gær. Í leysingum laugardagsins skiluðu snjóalög í Grænuklaufinni sér niður á vallarsvæðið og var gervigrasvöllurinn á floti og ekki leikhæfur. Gærdagurinn reyndist þurr og í dag er sól og fínerí og leikurinn mun fara fram í dag og hefst kl. 17:00.Meira -
Nóg af verkefnum framundan hjá Fornverkaskólanum
feykir.is Skagafjörður, Listir og menning 21.04.2024 kl. 13.44Það er óhætt að segja að það verður nóg að gera hjá Fornverkaskólanum á árinu. Í lok apríl ætlum við að bregða fyrir okkur betri fætinum og taka stefnuna austur á Seyðisfjörð, þar sem Fornverkaskólinn ætlar að kynna torfarfinn fyrir nemendum LungA lýðskóla. Námskeiðið verður að stórum hluta í máli og myndum og ef veður verður skaplegt og sæmilegt færi verður mögulega hægt að grípa í skóflu og undirristuspaða til ánægju og yndisauka. Setji snjór og vetrarfærð okkur skorður er e.t.v. hægt að fara í tilraunaverkefni með snjóhnausa og streng.Meira -
Heiminn vantar fleiri faðmlög | Leiðari 14. tbl 2024
feykir.is Aðsendar greinar 21.04.2024 kl. 12.08Faðmlag er eitt af mörgum fallegum orðum í íslenskunni. „Faðmlög eru einstaklega jákvæð leið til samskipta og til að sýna væntumþykju. Vinir faðmast og við sýnum fólkinu okkar væntumþykju með faðmlögum,“ segir á netsíðunni Hjartalíf.is og þar er reyndar sagt að faðmlög minnki hættuna á hjarta- og æðasjúkdómum og losi um streytu. Það eru því fá – ef einhver – lög betri en faðmlögin og þau ættu að ósekju að tróna á toppi vinsældalista okkar íbúa bláa hnattarins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.