Kristján Eiríksson áttræður og stórvirki um Drangey í prentun
Skagfirðingurinn Kristján Eiríksson fræðimaður fagnar nú á haustmánuðum áttræðisafmæli en hann er fæddur á Fagranesi á Reykjaströnd 19. nóvember 1945. Kristján hefur á langri ævi dregið saman efni til Drangeyjarsögu sem kemur út á komandi vetri.
Drangey var um aldir arðbærasti vinnustaður Skagfirðinga þar sem vor hvert héldu til um 200 manns við fugl- og fiskveiðar af fjöru en eggjatekju í bjargi. Hér er rakin saga eyjarinnar og gerð grein fyrir jarðfræði hennar og náttúru. Meginhluti verks er síðan um þjóðhætti og verkmenningu, sögur úr mannlífi eyjunnar og þýðingu þessa fyrir hið skagfirska efnahagssvæði.
Drangeyjarsaga verður um 500 síður í stóru broti, litprentuð bók og hinn mesti kjörgripur.
hér með gefst áhugasömum kostur á að heiðra afmælisbarnið og koma að kostun verkefnisins með því að skrá sig í heillaóskaskrá fyrir 20 þúsund krónur. Gjald er innheimt við afhendingu bókar.
Hægt er að skrá sig símleiðs við útgefanda í s. 897 3374 (Bjarni) eða með beinni skráningu á veffang https://form.123formbuilder.com/6892562/drangeyjarsaga-eftir-kristjan-eiriksson
Drangeyjarsögu verður best lýst með efnisyfirliti sem er svohljóðandi:
I Lýsing Drangeyjar
a) Jarðfræði og myndun (Höfundur: Árni Hjartarson)
b) Örnefni og landlýsing
II Eignarhald - saga
III Fjárhald og heyskapur í eynn
IV Eggjatekja og fuglveiðar í bjargi og uppi á ey.
a) Eggjatekja
b) Fuglveiðar 1) Speldaveiðar. 2) Veiðar í net. 3) Veiðar í háf.
V Flekaveiðar og fiskveiðar við Drangey
VI Nýting fugls og eggja
VII Mannskaðar, slysfarir og hrakningar
VIII Djarffærni í klettum
IX Mannlíf við Drangey
X Ferðamannastraumur til Drangeyjar á seinni árum
XI Þýðing Drangeyjar fyrir Skagfirðinga og afkomu manna í héraði
Fleiri fréttir
-
IÐNAÐARSÝNINGIN 2025 í Laugardalshöll
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 07.10.2025 kl. 11.02Dagana 9. til 11. október verður IÐNAÐARSÝNINGIN 2025 haldin í Laugardalshöll. Iðnaður á Íslandi er afar fjölþættur og skapar um 41% útflutningstekna þjóðarinnar. IÐNAÐARSÝNINGIN 2025 endurspeglar þessa breidd og verður hún með stærri sýningum hér á landi en á annað hundrað fyrirtæki kynna vörur og þjónustu.Meira -
Dregið í VÍS bikar
feykir.is Skagafjörður, Íþróttir, Lokað efni 07.10.2025 kl. 09.45Dregið hefur verið í 32 liða úrslit VÍS bikars karla. Leika á dagana 19.-20. október en þegar ljóst var að Höttur tæki á móti Tindastól kom það fram að leikur skyldi fara fram 26.-27. október vegna þátttöku Tindastóls í ENBL deildinni.Meira -
Hálka á heiðum
feykir.is Skagafjörður, Austur-Húnavatnssýsla, Vestur-Húnavatnssýsla 07.10.2025 kl. 08.57Það var nánast tími fyrir hið alíslenska föðurland í morgun, jaðraði við að það væri slydda í byggð og hiti víðast hvar rétt ofan við frostmark hér á Norðurlandi. vestra. Samkvæmt spá Veðurstofunnar verður svalt fram yfir hádegi en þá mjakast hitamælirinn upp á við og sólin hrekur úrkomuna burtu. Ferðalangar ættu að hafa það í huga að hálka er á fjallvegum og jafnvel éljagangur ef ekki hreinlega snjókoma.Meira -
Basile baneitraður í blálokin á Hlíðarenda
feykir.is Skagafjörður, Íþróttir, Lokað efni 06.10.2025 kl. 21.36Tindastólsmenn skiluðu sér loks til landsins á laugardagskvöld eftir hetjuframmistöðu í Bratislava. Ekki komust strákarnir norður í Skagafjörð því Valsmenn biðu þeirra á Hlíðarenda í frestuðum leik sem fram átti að fara á laugardag. Hann var spilaður í kvöld og ef einhver þurfti á því að halda að láta reyna á gömlu góðu pumpuna þá brugðust þessir gömlu fjendur ekki. Úr varð naglbítur og réðust úrslitin á lokasekúndunum. Lokatölur 85-87.Meira
