Fimmtíu brautskráningar frá Hólum
Í dag fór fram brautskráning frá Háskólanum á Hólum. Brautskráð var frá öllum deildum og fór athöfnin fram í Menningarhúsinu Miðgarði í Varmahlíð. Sú hefð hefur skapast að brautskráning að vori sé haldin þar en á haustin í Hóladómkirkju.
Í ávarpi sínu fór rektor skólans, Erla Björk Örnólfsdóttir, m.a. yfir helstu vörður í starfi skólans undanfarið ár. Hún gat sérstaklega um erlent samstarf og þann fjölda erlendra nema sem stundaði nám við skólann á skólaárinu, ýmist sem reglulegir nemar, í skiptinámi eða gestanámi. Alls voru nemendurnir af 20 mismunandi þjóðernum öðrum en íslenskum.
Næstur tók einmitt til máls erlendur gestur, Philippe O'Quin sendiherra Frakklands á Íslandi. Í máli hans kom fram að það hefði komið honum á óvart að finna svo marga Frakka við nám og störf hér norður í landi, en í augnablikinu telja þeir 10 manns.
Deildarstjórar önnuðust brautskráningu sinna nemenda. Alls voru það 49 einstaklingar og þar af hlaut einn tvö skírteini þannig að í það heila tekið voru þær 50. Úr hestafræðideild voru 13 brautskráðir, allir með BS í reiðmennsku og reiðkennslu. Ein stúlka brautskráðist úr fiskeldis- og fiskalíffræðideild, með meistaragráðu í sjávar- og vatnalíffræði. Brautskráningar úr ferðamáladeild voru alls 36. Þar af hlutu 22 BA-próf í ferðamálafræði og einn diplómu í sömu fræðigrein. Diplómunám í viðburðastjórnum nýtur nokkurra vinsælda um þessar mundir, og að þessu sinni luku 13 manns slíku námi.
Viðurkenningar fyrir hæstu meðaleinkunn hlutu þessar: Á BS-prófi í reiðmennsku og reiðkennslu Hanna Rún Ingibergsdóttir, á BA-prófi í ferðamálafræði Berglind Ragnarsdóttir og fyrir diplómunám í viðburðastjórnun var það Guðrún Gígja Jónsdóttir.
Að afhendingu skírteina lokinni flutti Anna Margrét Jakobsdóttir Hjarðar ávarp fyrir hönd hópsins. Meðfram námi sínu við Háskólann á Hólum sinnti Anna Margrét ýmsum trúnaðarstörfum fyrir hönd nemenda. Til dæmis gegndi hún starfi formanns Stúdentafélags Hólaskóla og varafulltrúa nemenda í háskólaráði. Og það var einmitt hún sem kvaddi skólann sinn í dag með tvö splunkuný skírteini í farteskinu.
Athöfninni stýrði Helgi Þór Thorarensen, aldursforseti prófessora við skólann. Inn í athöfnina fléttuðust tónlistaratriði flutt af heimamönnum úr héraði, þeim Guðrúnu Jónsdóttur og Sigfúsi Benediktssyni. Að athöfn lokinni bauð skólinn viðstöddum til glæsilegs kaffihlaðborðs, sem reitt var fram af starfsmönnum Ferðaþjónustunnar á Hólum.
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
