Fimmtugasta íbúð Búhölda afhent nýjum eigendum
Í gær var fimmtugasta og jafnframt síðasta íbúðin afhent nýjum eigendum sem Búhöldar, félag um byggingu húsa fyrir eldri borgara á Sauðárkróki, var með í smíðum. Þá hafa risið alls 25 parhús á þess vegum á 18 árum en fyrsta íbúðin var afhent árið 2000.
Sex íbúðir eru við Iðutún og eru húsin sett saman úr steypueiningum frá Akranesi. Þau koma frágengin að utan og með öllum lögnum að innan, hiti í gólfum og því engir ofnar á veggjum.
Hinir nýju eigendur íbúðarinnar sem um ræðir eru þau Hulda Gísladóttir og Halldór Hjálmarsson á Sauðárkróki. Þau voru í sjöunda himni af þessu tilefni og sögðu mikla breytingu til batnaðar. „Það verður mikill munur að losna við stigana,“ sagði Halldór og Hulda skaut inn í: „Já, og hætta að detta í þeim.“
„Það er kominn tími til að stærri fjölskylda fari að nota þessa stóru fasteign,“ sagði Halldór og meinti gamla húsið þeirra sem brátt fer á sölu.“ Aðspurð um af hverju þau hafi ákveðið að fara í þetta kerfi segja þau að vel hafi verið látið að þessu kerfi og ekki síður húsunum sem séu vel smíðuð og frágangur til fyrirmyndar.
Í tilefni dagsins voru nýjum eigendum gefin blóm sem og fráfarandi formanni Búhölda, Þórði Eyjólfssyni, sem hefur verið potturinn og pannan í uppbyggingu húsanna allt frá upphafi.
Ný stjórn Búhölda hefur tekið við og er skipuð þeim Gunnari Steingrímssyni formanni, Maríu Grétu Ólafsdóttur, Guðmundi Tómassyni, Unni Sigurðardóttur og Bergljótu Bjarnadóttur.
Fleiri fréttir
-
Íslensk kjötsúpa í boði
feykir.is Austur-Húnavatnssýsla, Lokað efni 26.04.2025 kl. 09.00Guðjón Þór Hjálmarsson býr á Blönduósi, nánar tiltekið á Hlíðarbrautinni, verður fermdur þann 26. apríl í Blönduóskirkju af sr. Eddu Hlíf Hlífarsdóttur. Foreldrar Guðjóns eru þau Hjálmar Björn Guðmundsson og Ingibjörg Signý Aadnegard.Meira -
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira -
Ertu búin/n að pússa golfkylfurnar?
feykir.is Skagafjörður, Íþróttir 25.04.2025 kl. 15.17Það voru gleðitíðindi tilkynnt á Facebook-síðu Golfklúbbs Skagafjarðar í hádeginu í dag þegar Hlynur Freyr Einarsson auglýsti að búið væri að setja upp flöggin góðu á fyrstu fimm flatir vallarins.Meira -
Fögnum vori, sumri og sól
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 15.14Kvennakórinn Sóldís í Skagafirði tekur á móti Freyjukórnum í Borgarfirði á morgun laugardag 26.apríl og saman ætla kórarnir að halda saman tónleika í Miðgarði, kl.16:00Meira -
Leikdagur í dag
feykir.is Skagafjörður, Íþróttir 25.04.2025 kl. 14.47Það er ekki seinna vænna en að óska öllum gleðilegs sumars í leiðinni og við tilkynnum ykkur að það er leikdagur í dag, svona ef þið vissuð það ekki. En Sigríður Inga Viggósdóttir er alltaf með puttann á púlsinum varðandi dagskrá á leikdegi og leyfum við henni að fljóta með þessari tilkynningu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.