Fjögurra ára styrktarsamningur vegna Elds í Húnaþingi
Í gærmorgun var undirritaður samningur milli unglistahátíðarinnar Elds í Húnaþingi og stærstu styrktaraðila hátíðarinnar. Samningurinn felur í sér árlegan styrk til hátíðarinnar næstu fjögur árin, eða tímabilið 2016-2019. Frá þessu var sagt á vefnum Norðanátt.
Styrktaraðilar skv. samningnum eru Húnaþing vestra, Landsbankinn Hvammstanga, Kaupfélag Vestur-Húnvetninga, Sláturhús KVH, Forsvar og Hæðin á Höfðabraut.
„Um er að ræða sambærilegan samning og undirritaður var í apríl 2012, þegar fyrsti styrktarsamningur vegna hátíðarinnar leit dagsins ljós. Samningur sem þessi er mikilvægur til að geta haldið áfram að bjóða upp á eins flotta hátíð og Eldur í Húnaþingi er orðin og gerir það jafnframt að verkum að hægt er að ráða verkefnastjóra við hátíðina. Húnaþing vestra, Landsbankinn, KVH og SKVH leggja öll til styrktarfjárhæðir í peningum. Hæðin á Höfðabraut leggur til skrifstofuaðstöðu fyrir verkefnastjóra og Forsvar aðstoðar við bókhald hátíðarinnar,“ segir í frétt á Norðanátt.
Fleiri fréttir
-
Tekið vel í tillögu um árlega viðurkenningu til Listamanns Skagafjarðar
feykir.is Skagafjörður, Listir og menning 12.06.2025 kl. 14.41Á fundi atvinnu-, menningar- og kynningarnefndar Skagafjarðar sem fram fór þann 5. júní síðastliðinn var lögð fram tillaga frá Álfhildi Leifsdóttur fulltrúa VG og óháðra í byggðarráði þar sem hún lagði til að komið verði á árlegri viðurkenningu til handa listamanni í Skagafirði sem hefur skarað fram úr í listsköpun sinni eða stuðlað að menningarstarfi í héraðinu.Meira -
Nú streymir heita vatnið um Austur-Húnavatnssýslu sem aldrei fyrr
feykir.is Austur-Húnavatnssýsla, Lokað efni 12.06.2025 kl. 14.00Ný vinnsluhola, RR-38, verður formlega vígð föstudaginn 13.júní að Reykjum í Húnabyggð. Þar með lýkur umfangsmiklu verkefni sem hófst árið 2021 með það markmið að auka afkastagetu hitaveitunnar og tryggja nægjanlegt framboð á heitu vatni fyrir ört vaxandi eftirspurn á svæðinu. Hitaveitan að Reykjum þjónar nú öllu þéttbýli á Blönduósi og Skagaströnd auk dreifbýlis í Húnabyggð. Með tilkomu nýju vinnsluholunnar er rekstraröryggi aukið og tryggt að veitan geti sinnt núverandi og framtíðareftirspurn á svæðinu.Meira -
Meistari Arnar Björns semur til tveggja ára
feykir.is Skagafjörður, Íþróttir, Lokað efni 12.06.2025 kl. 13.35Dagur Þór og kompaní hjá körfuknattleiksdeild Tindastóls halda áfram að skreyta gómsæta hnallþóruna sem karlalið Tindastóls á að verða á næsta keppnistímabili. Nú hefur Sigtryggur Arnar Björnsson hripað nafn sitt á nýjan samning og ætlar að fara með okkur kátur og hress í körfuboltaferðalag næstu tvö tímabil.Meira -
Stefnir í sameingarviðræður Dalabyggðar og Húnaþings vestra
feykir.is Vestur-Húnavatnssýsla, Lokað efni 12.06.2025 kl. 11.21Á sveitarstjórnarfundi í Húnaþingi vestra í dag verður tekin endanleg ákvörðun um hvort ákveðið verði að hefja formlegar sameiningarviðræður við Dalabyggð. Sveitarstjórn Dalabyggðar hefur þegar samþykkt að hefja sameiningarviðræður en sú ákvörðun var endanlega samþykkt á fundi sveitarstjórnar Dalabyggðar þann 10. júní sl.Meira -
Ungmenna og íþróttafélagið Smári 30 ára
feykir.is Skagafjörður, Íþróttir, Mannlíf, Lokað efni 12.06.2025 kl. 09.50Ungmenna og íþróttafélagið Smári sem starfar í Varmahlíð og sveitunum í kring er 30 ára um þessar mundir. Smári varð til við sameiningu fjögurra ungmennafélaga...Meira
