Fjölmennt fjölskyldufjör í Glaumbæ
Um sjötíu manns lögðu leið sína í Glaumbæ og skemmtu sér saman í blíðskapar veðri sl. fimmtudag, þann 7. mars, en tilefnið var fjölskyldudagskrá sem Byggðasafn Skagfirðinga stóð fyrir í vetrarfríi grunnskólana í Skagafirði. Ungir sem aldnir tóku þátt fróðlegum og skemmtilegum ratleik um safnasvæðið og boðið var upp á ferðaleg aftur í tímann með hjálp nýjustu tækni í Gilstofunni á meðan áhugasömum gafst færi á að skyggnast inní framtíðina með ævafornri aðferð í gamla bænum. Þá var opið í Áskaffi þar sem hægt var að gæða sér á heitu súkkulaði og pönnukökum og fleira góðgæti á milli atriða.
Sýndarveruleikasýningin „Menning, tunga og tímagöng til 1918“ sló í gegn en þar gafst safngestum kostur á að skyggnast inn í íslenskan veruleika ársins 1918 með aðstoð 360° sýndarveruleikagleraugna og fræðast á lifandi hátt um samgöngur, verslun og viðskipti, um landbúnað og sjósókn en einnig um torfbæina – sem voru bæði heimili og vinnustaður fólks árið 1918. Sýninguna vann Árni Gunnarsson kvikmyndagerðarmaður hjá Skotta Film og vill safnið koma á framfæri þökkum fyrir lánið. En það var ekki bara litið um öxl á þessum ágæta degi heldur líka horft til framtíðar og boðið uppá völuspá í gamla bænum.
„Það var gaman að sjá hversu vel var tekið í þennan viðburð en við viljum gjarnan gera þetta að reglulegum dagskrárlið í vetrarfríinu. Það var virkilega ánægjulegt að sjá alla eiga saman skemmtilega samverustund og uppgötva margt nýtt og spennandi - eða öllu heldur gamalt og spennandi – á safninu. Við færum öllum bestu þakkir fyrir komuna,“ sagði Berglind Þorsteinsdóttir safnstjóri í samtali við Feyki.
Myndir: Ylfa Leifsdóttir
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.