Fjölskylduhlaupið er í dag!
KS og Vörumiðlun vilja leggja verkefninu Gulur september lið. Verkefnið er vitundavakning um geðrækt og sjálfsvígsforvarnir. Á alþjóðlegum forvarnardegi sjálfsvíga, fimmtudaginn 10. september (sem er einmitt í dag), blásum við til skemmtihlaups fyrir alla fjölskylduna! Hlaupið hefst kl. 17:00 við Sundlaug Sauðárkróks og ekkert nema blíða í kortunum, hlýtt og stillt.
Tvær hlaupaleiðir - 3 og 5 km. Hlaupum, löbbum eða hjólum saman og sýnum málstaðnum stuðning. Öll hjartanlega velkomin!
Frjáls framlög á staðnum til styrktar Píeta. Einnig er hægt að millifæra á reikning Píeta: kt. 410416-0690 / 0301-26-041041.
550 Rammviltar sjá um hressandi upphitun og sjá til þess að allir séu klárir í startið.
Gulur er litur sjálfsvígsforvarna og því væri gaman ef sem flestir kæmu í einhverju gulu.
Fleiri fréttir
-
Engin verðbólga í Húnaþingi vestra
feykir.is Vestur-Húnavatnssýsla, Mannlíf, Lokað efni 10.09.2026 kl. 13.00Félag eldri borgara í Húnaþingi vestra bauð félögum sínum til fjölmennrar grillveislu í gær. Grillað var úti í hádeginu fyrir utan samfélagsmiðstöðina Glaumbæ sem er til húsa á neðri hæð Félagsheimilisins á Hvammstanga. Á boðstólum var gómsætt lambakjöt frá Sláturhúsi SKVH á Hvammstanga ásamt tilheyrandi meðlæti og drykkjum. Verðið á krásunum var ekki verðbólguhvetjandi því þátttakendur greiddu aðeins 1.000 krónur og gátu etið að vild.Meira -
Myndasyrpa frá Höskuldi B. úr Auðkúlurétt
feykir.is Austur-Húnavatnssýsla, Ljósmyndavefur, Mannlíf 10.09.2026 kl. 12.41Þessar vikurnar er réttað út um víðan völl ef svo má segja. Fjárréttir verða á átta stöðum dagana 12. til 14. september í Skagafirði og réttað verður í Kleifnarétt í Fljótum í dag. Þá verður réttað á sjö stöðum í Húnavatnssýslum 11.-14. september en réttað er í Sveinsstaðarétt í Austur-Hún í dag og hófust réttarstörf þar reyndar kl. 10 í morgun.Meira -
Það verður extra langur æfingaleikur í Síkinu í kvöld
feykir.is Skagafjörður, Íþróttir, Lokað efni 10.09.2026 kl. 09.58Það má kannski segja að það sé hátíð í bæ á Króknum í dag. Ástæðan vitaskuld sú að þjóðarsport Skagfirðinga, körfuboltinn, vaknar til lífsins eftir sumarfrí. Karlaliðið lætur ljós sitt skína í Síkinu í kvöld í fyrsta æfingaleik haustsins en það er lið Hattar frá Egilsstöðum sem mætir á Krókinn. Feykir lagði nokkrar spurningar fyrir Arnar þjálfara Guðjónsson sem svaraði að bragði eins og vanalega. Arnar var spurður út í leik kvöldsins, standið á hópnum og ENBL-deildina.Meira -
Fundað um deiliskipulag gamla bæjarins á Króknum
feykir.is Skagafjörður, Mannlíf 10.09.2026 kl. 09.55Sveitarfélagið Skagafjörður efnir til samráðs- og vinnufundar vegna gerðar nýs deiliskipulags fyrir gamla bæinn á Sauðárkróki. Fundurinn verður haldinn í matsal Árskóla við Skagfirðingabrautin á Króknum mánudaginn 28. september á milli kl. 16:30 og 18:00. Íbúar eru hvattir til að mæta, kynna sér málið og koma sínum sjónarmiðum á framfæri.Meira
