FNV áfram í Gettu betur
Lið Fjölbrautaskóla Norðurlands vestra er komið áfram í aðra umferð Gettu betur eftir sigur á Fjölbrautaskóla Suðurnesja í fyrstu umferð. Keppendur FNV hafa æft af kappi síðan í byrjun september og var að vonum mikil spenna fyrir viðureignina enda þreyttu allir keppendur frumraun sína í þessari fyrstu umferð.
Fyrstu tvær umferðir keppninnar fara fram í net- og útvarpi og fara þannig fram að fyrst eru hraðaspurningar í níutíu sekúndur og svo tólf bjölluspurningar. Lið FNV mætti í hljóðver RÚV á Akureyri og var útvarpað suður þar sem spyrill, dómarar og andstæðingar sátu í Efstaleiti í Reykjavík. Eftir hraðaspurningar leiddu FS með 12 stigum gegn 11 stigum FNV sem reyndust síðan hlutskarpari í bjölluspurningunum og fóru með sigur af hólmi 17-12.
Lið FNV skipa þau Daníel Smári Sveinsson, Emma Katrín Helgadóttir og Snædís Katrín Konráðsdóttir.
Einnig hafa þau Ingimar Eyberg Ingólfsson, Lára Sigurðardóttir og Páll Pálmason verið í æfingahóp Gettu betur í vetur og fór hópurinn saman á Akureyri. Eins og við mátti búast var glatt á hjalla í langferðabílnum á leiðinni heim.
Liðið mætir Borgarholtsskóla í annarri umferð þann 21. janúar nk, þetta kemur fram á vef FNV.
Fleiri fréttir
-
Sæluvika færð fram um tvær vikur
feykir.is Skagafjörður, Lokað efni 08.01.2026 kl. 14.04Lagt var fram erindi á fundi atvinnu,-menningar og kynningarnefndar hvort skoða mætti að færa Sæluviku fram um tvær vikur, farin var sú leið að leyfa íbúum að hafa skoðun á þessu máli með íbúakönnun. Undanfarin ár hefur Sæluvikan hafist síðasta sunnudag aprílmánaðar og staðið yfir í viku. Niðurstöður liggja nú fyrir og voru þær afgerandi.Meira -
Valskonur lagðar í parket í háspennuleik
feykir.is Skagafjörður, Íþróttir, Lokað efni 08.01.2026 kl. 09.25Valskonur heimsóttu Síkið í gærkvöldi og öttu kappi við lið Tindastóls í Bónus deildinni. Fyrir leikinn höfðu gestirnir unnið átta leiki og sátu í fjórða sæti deildarinnar á meðan lið Tindastóls var með fjóra sigurleiki og var í áttunda sæti. Stólastúlkur hafa náð vopnum sínum í síðustu leikjum og þá sérstaklega í Síkinu og í gærkvöldi buðu liðin upp á jafnan og spennandi leik og fjögur síðustu stig leiksins gerði heimaliðið af vítalínunni. Það var akkúrat það sem þurfti og lokatölur 81-79 fyrir Tindastól.Meira -
Álfhildur hyggst draga sig í hlé frá sveitarstjórnarmálum að loknu kjörtímabilinu
feykir.is Skagafjörður, Lokað efni 07.01.2026 kl. 15.25Það er kosningaár en kosið verður til sveitarstjórna þann 16. maí næstkomandi. Feykir hefur örlítið verið að grafast fyrir um framboðs- og listamál í Skagafirði og vonandi verður hægt að segja frá einhverju áður en langt um líður. Meðal annars hafði Feykir samband við Álfhildi Leifsdóttur, oddvita Vinstri grænna og óháðra, sem tjáði Feyki að hún hyggist draga sig í hlé.Meira -
Komu færandi hendi í prjónastund
feykir.is Vestur-Húnavatnssýsla 07.01.2026 kl. 13.20Stjórnarkonur í Kvenfélaginu Björk á Hvammstanga komu aldeilis færandi hendi í prjónastund hjá Félagi eldri borgara í Húnaþingi vestra nú á þessum fallega miðvikudagsmorgni. Þær færðu félaginu að gjöf 300 þúsund krónur til búnaðarkaupa í nýju Samfélagsmiðstöðina.Meira
