Forstofuskápur fær nýtt útlit!
Sylvía Dögg Gunnarsdóttir, íbúi á Sauðárkróki, er einstaklega lagin í höndunum og allt sem hún gerir er vandað og vel heppnað. Hún og maðurinn hennar, Þórður Ingi Pálmarsson, keypti sér íbúð í Raftahlíðinni fyrir nokkrum árum síðan og hafa þau verið að taka allt í gegn í rólegheitunum. Ég er ekki frá því að það væri hægt að gefa út heilt Feykis blað með öllu því sem Sylvía Dögg hefur skapað og er t.d eitt málverk sem hún gaf mér í miklu uppáhaldi hjá mér.
En í þessum pistli langar mig að sýna ykkur forstofuskápinn sem hún setti í nýtt útlit. Skápurinn er svona dæmigerður yfirhafnaskápur, sérsmiðaður inní hol, og væri bæði mikið mál og kostnaðarsamt að skipta honum alveg út. Hún ákvað því að taka hann sjálf í gegn og tók ekki nema nokkra klukkutíma. Hún byrjaði á því að grunna með JOTUN Kvist-og sperregrunning, lakkaði svo yfir með LADY Supreme Finish, halvblank, Tre og panel. Á sjálfar hurðirnar notaði hún lakkrúllu en penslaði á karmana. Skápahöldurnar spreyjaði hún svo með hjólkoppaspreyji. Eins og sést á fyrir og eftir myndunum þá er mikil breyting og kemur ótrúlega vel út. Þetta er því bæði ódýr og góð lausn fyrir þá sem eru komnir með smá leiða yfir einhverri mublu og langar að breyta til.
Ef þú hefur áhuga á að sýna öðrum hvað þú ert búin/n að vera að gera, endilega sendu mér myndir og upplýsingar á siggag@feykir.is
kveðja
Siggasiggasigga.....
Fleiri fréttir
-
Hlaupið fyrir Einstök börn á morgun
feykir.is Skagafjörður, Mannlíf 30.04.2024 kl. 17.38Hlaupahópurinn 550 Rammvilltar blæs á ný til styrktarhlaups fyrir félagið Einstök börn þann 1. maí á Sauðárkróki en hlaupið hefst kl. 14:00. Veðurstofan spáir björtu veðri með dassi af norðanátt en er frekar sparsöm á hitastigin. Það stefnir því allt í upplagt hlaupaveður og engin afsökun að hanga heima.Meira -
Skemmdir á um 1500 fermetrum vallarins
feykir.is Skagafjörður, Íþróttir 30.04.2024 kl. 15.03Feykir.is birti í síðustu viku viðtal við Adam Smára Hermannsson, formann knattspyrnudeildar Tindastóls, sem sagði frá talsverðu tjóni sem varð á gervigrasvellinum glæsilega á Sauðárkróki í leysingum þann 20. apríl en þá fór völlurinn undir vatn. Í gær birtist frétt á vef Skagafjarðar þar sem greint var frá því að eftir athugun í liðinni viku liggi fyrir að skemmdir urðu á vellinum á um 1.500 fermetrum, þar af eru um 1.000 fermetrar illa farnir.Meira -
Loftslagsráðherrann og sveitarfélögin á Norðurlandi vestra | Sigurjón Þórðarson skrifar
feykir.is Skagafjörður, Aðsendar greinar 30.04.2024 kl. 15.02Núverandi umhverfisráðherra fer með himinskautum í endurskipulagi stofnana ráðuneytisins, þar sem rauði þráðurinn er að sjónarmið Samtaka atvinnulífsins ráði ferðinni í einu og öllu.Meira -
Samvinnurými á Skagaströnd hlaut 15 milljón króna styrk
feykir.is Austur-Húnavatnssýsla 30.04.2024 kl. 12.25SSNV og sveitarfélagið Skagaströnd hafa undirritað samning vegna 15 milljón króna styrks til að skapa samvinnurými á Skagaströnd. Í frétt á vef SSNV segir að markmiðið með verkefninu sé að skapa samvinnurými á Skagaströnd með því að standsetja og markaðssetja húsnæði í eigu sveitarfélagsins, skapa forsendur fyrir léttan iðnað í hluta hússins og aðstöðu fyrir frumkvöðla og minni fyrirtæki í öðrum hluta þess.Meira -
Skagabyggð hlaut styrk vegna Verndun Kálfshamarsvíkur
feykir.is Austur-Húnavatnssýsla 30.04.2024 kl. 10.44Skagabyggð hlaut fyrir helgi styrk frá Framkvæmdasjóði ferðamannastaða að upphæð 3.600.000 kr. vegna verkefnisins Verndun Kálfshamarsvíkur sem miðar að því að hreinsa í burtu núverandi girðingar á deiliskipulagssvæðinu og girða svæðið af upp á nýtt. Einnig á að hnitsetja og merkja um 3 km langa gönguleið og setja tréstíga yfir blautustu svæðin á þeirri leið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.