Forystumaður úr Fljótum
Þann 1. mars sl. voru 100 ár liðin frá fæðingu Skagfirðingsins Ólafs Jóhannessonar prófessors og forsætisráðherra. Í tilefni þess gefur Sögufélag Skagfirðinga út sjálfsævisögu í minningu hans. Umfjöllunarefni bókarinnar nær yfir bernsku- og uppvaxtarár Ólafs í Fljótum í Skagafirði, félagslíf þar, farið er milli bæja og sagt frá sveitungum, skólaárum í MA og síðan lagadeild Háskólans, frá starfi hans í þjónustu Samvinnuhreyfingarinnar og síðar kennslu í lagadeildinni. Kafli er um upphaf stjórnmálaafskipta og byrjun þingmennsku en lengra auðnaðist honum ekki að komast. Lýkur þar æviminningum Ólafs Jóhannessonar.
Tengdasonur Ólafs, Dr. Einar Gunnar Pétursson, ritar aðfaraorð bókar en Sigfús Ingi Sigfússon í Stóru-Gröf, fv. framkvæmdastjóri Framsóknarflokksins, ritar eftirmála þar sem hann gerir í stórum dráttum grein fyrir fjölskylduhögum og stjórnmálaferli Ólafs til æviloka. Bókin hefur hlotið heitið Forystumaður úr Fljótum. Undirtitill: Sjálfsævisaga Ólafs Jóhannessonar fv. forsætisráðherra. Hún verður um 220 bls. að stærð, prýdd 60-70 ljósmyndum.
Á heimasíðu Sögufélags Skagfirðinga segir að vandað sé til útgáfunnar, bókin saumuð og bundin í harðspjöld með lausblaðakápu og mun hún væntanleg í sumarbyrjun 2013.
Fólki er gefinn kostur á að gerast áskrifandi og fá nafn sitt skráð á lista sem prentaður verður í bókinni, tabula memorialis. Hjón eða sambýlisfólk geta einnig fengið bæði nöfn skráð á listann. Til að komast inn á tabulu þarf pöntun að berast í síðasta lagi 20. apríl 2013.
Sjá nánar á heimasíðu Sögufélags Skagfirðinga
Fleiri fréttir
-
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira
