Frábær bræðrastemning á taumlausum tónleikum í Miðgarði
Snillingarnir Óskar Péturs Álftagerðisbróðir, Valmar Valjaots Hvanndalsbróðir og Magni Ásgeirs litli bróðir, spiluðu uppáhaldslögin sín og sögðu sögur á milli laga á eldhressum tónleikum í Miðgarði laugardagskvöldið 18. október.
Þeir félagar hófu leik með því að syngja Fyrr var oft í koti kátt en síðan renndu þeir í hvern slagarann af öðrum og nánast frá byrjun voru gestirnir að taka vel undir. Lög eins og Reyndu aftur, Bíddu við, Hamraborgin, Bjössi á mjólkurbílnum, Sem lindin tær og að sjálfsögðu hinn nýji óopinberi þjóðsöngur Íslendinga, Ég er kominn heim, fengu að hljóma.
Allir þekktu Magna og Óskar fyrir tónleikana en Eistinn og Hvanndalsbróðirinn Valmar hitti í mark hjá Skagfirðingum með fínum húmor og sýndi hann fádæma fína takta á nikku, fiðlu og píanó. Sérstaklega hreif hann þó áhorfendur með sér þegar hann greip fiðluna og spilaði Danny Boy af mikilli innlifun.
Þeir þremenningar höfðu orð á því að lítill tími hefði farið í æfingar fyrir tónleikana og því mikið grínast með tóntegundir á milli laga og einn og einn texti skolaðist aðeins til en tónleikarnir voru allir á léttu nótunum (þó farið væri upp á efstu tóna af og til) og varð þetta bara til að auka á stemninguna í Miðgarði. Enda var mikið hlegið, þó að kannski hefðu nú ekki allar sögurnar hans Óskars þótt boðlegar í barnaafmælum.
Það var nýtt fyrirtæki í Skagafirði, Viðburðaríkt, sem stóð fyrir tónleikunum en þar ríkir Áskell Heiðar Ásgeirsson, stóri bróðir Magna og fyrrum sviðsstjóri markaðs- og kynningarmála hjá Svf. Skagafirði. Heiðar kynnti listamennina og í hléi kynnti hann til sögunnar eystborgfirska skáldið Ásgrím Inga Arngrímsson sem flutti nokkur brosleg ljóð af kæreyleysislegum alvöruþunga.
Góður fjöldi fólks sótti viðburðinn og er óhætt að fullyrða að allir hafi skemmt sér vel og hafi farið sáttir og sælir út í októbernóttina eftir þriggja tíma taumlausa tónleika.
Fleiri fréttir
-
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira -
Prjónagraffið sett upp á Blönduósi
feykir.is Austur-Húnavatnssýsla, Listir og menning, Lokað efni 23.05.2025 kl. 14.09Undirbúningur Prjónagleðinnar er í fullum gangi á öllum sviðum og má m.a. sjá þess merki í prjónagraffi sem verið er að setja upp á Blönduósi. Í frétt á Húnahorninu segir a' Prjónagraffið hafi verið sett upp árlega í tengslum við hátíðina og hafa skreytingarnar glatt heimamenn og gesti. Um er að ræða listaverk sem prjónarar í bænum hafa prjónað í gegnum tíðina.Meira -
Heiminum verður bjargað rétt fyrir ellefu á mánudagskvöldið
feykir.is Skagafjörður, Listir og menning, Lokað efni 23.05.2025 kl. 12.05Dumm, dumm, dummdumm, dumm, dumm... Já, Króksbíó sýnir nýjustu og sennilega síðustu myndina í Mission Impossible seríunni á mánudaginn. Myndin hefur undirtitilinn The Final Reckoning. Bíógestir ættu að vera búnir að koma sér fyrir með popp og kók í salnum eina sanna á slaginu átta og geta þá fylgst með Krúsaranum leggja allt í söurnar til að bjarga heiminum frá hinsta degi í boði AI.Meira
