Framkvæmdir hafnar á Hólum
Landsmót hestamanna verður haldið dagana 27. júní til 3. júlí 2016 á Hólum í Hjaltadal. Framkvæmdir við mótssvæðið eru hafnar og unnið er hörðum höndum að því að aðstæður verði orðnar sem bestar þegar mótið hefst Á Hólum eru nú þegar þrjár reiðhallir, mikill fjöldi hesthúsplássa, töluvert gistirými og Sögusetur íslenska hestsins, sem styður við fyrirhugað Landsmótshald.
Þær framkvæmdir sem nú standa yfir felast fyrst og fremst í því að útbúa og laga reiðvelli og áhorfendasvæði, en einnig ýmislegt annað tengt umgjörð mótsins. Aðalverktaki við framkvæmdirnar er Vélaþjónustan Messuholti ehf.
Eins og áður hefur komið fram er forsala miða á Landsmótið á Hólum 2016 hafin og hægt er að kaupa miða hér, en hagstæðast er að kaupa miða á mótið í gegnum forsölu. Lægstu verðin verða í boði til næstu áramóta en hækka eftir það og dýrast verður að kaupa miða í hliðinu á mótinu sjálfu. Miðaverð í forsölu hefur lækkað frá síðasta Landsmóti og börn undir 14 ára aldri þurfa ekki að greiða aðgangseyri. Með þessu vilja aðstandendur mótsins leggja áherslu á að Landsmót hestamanna sé fjölskylduskemmtun, og fjölmargt verður gert til að skapa afþreyingu fyrir alla fjölskylduna.
Þess má að lokum geta, að á næsta ári verða liðin 50 ár frá því Landsmót hestamanna var síðast haldið á Hólum í Hjaltadal, árið 1966.
Fleiri fréttir
-
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjar'ar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira -
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira
