„Framtíðin þeirra en ekki fortíðin okkar“
Ingvi Hrannar Ómarsson er í opnuviðtali Feykis sem kom út í dag en hann hóf nýverið störf hjá Sveitarfélaginu Skagafirði sem sérfræðingur í skólaþróun og kennsluráðgjafi í upplýsinga- og tæknimálum innan allra grunnskóla í firðinum. Hann er grunnskólakennari og frumkvöðull að mennt og starfaði áður sem umsjónarkennari við Árskóla á Sauðárkróki.
Blaðamanni Feykis lék forvitni á að heyra hvaða verkefni hann hefur með höndum í dag, og hugmyndir hans um skólastarf á 21. öldinni en Ingvi Hrannar hefur ákveðnar skoðanir á skólakerfinu og fyrirkomulagi þess og segir m.a. „skólakerfið er ekki ónýtt, það er að gera nákvæmlega það sem það var hannað fyrir, helst að undirbúa fólk fyrir vinnu í verksmiðju. Málið er að kerfið er úrelt.“
Ingvi Hrannar byrjaði að blogga um hugleiðingar sínar, bæði á íslensku og á ensku, og hafa skrif hans fengið miklar og góðar undirtektir en heimasíða hans, www.ingvihrannar.com, stefnir í yfir milljón heimsóknir á þessu ári. Þá hefur hann einnig stofnað svokallað #menntaspjall á Twitter, ásamt Tryggva Thayer hjá Menntavísindasviði HÍ, en #menntaspjall er lærdómssamfélag, kennara og skólafólks á netinu.
Aðra hverja viku er Ingvi Hrannar einnig með svokallað Menntavarp, ásamt félaga sínum Ragnari Þór Péturssyni hjá Skema. Menntavarp eru þættir um menntamál sem sjónvarpað er á netinu, í gegnum í Google Hangout sem eru í raun myndsímtöl þar sem fleiri en tveir geta tekið þátt send út beint. Hægt er að fylgjast með í beinni útsendingu eða horfa á eldri upptökur af þáttunum á www.tackk.com/menntavarp.
Í viðtalinu er m.a. spurt af hverju þörf sé á að finna nýjar leiðir í kennslu. „Af því að samfélagið og atvinnulífið er að kalla eftir fólki með öðruvísi hugsun og kunnáttu en beðið var um á tímum iðnbyltingarinnar. Það er bara þannig - við getum ekki verið að gera það sama og við höfum verið að gera undanfarin 150 ár. Krakkarnir okkar eru að fara út í allt annan heim, framtíðin er ekkert eins og hún var og kennarar eru margir hverjir að undirbúa nemendur undir fortíðina sína en ekki framtíðina þeirra. Það hefur bara svo mikið breyst,“ svarar Ingvi Hrannar.
Viðtalið í heild sinni má lesa í Feyki sem kom út í dag en þar segir hann einnig frá því þegar hann vann að því að fá spjaldtölvur til kennslu í Árskóla, meistaranámi sínu í Frumkvöðlafræði í Háskólanum í Lundi í Svíþjóð þar sem lokaverkefni hans var smáforrit/app sem heitir BookRecorder og mörgu fleiru.
Fleiri fréttir
-
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira
