Fundað í velferðarnefnd Alþingis um málefni Háholts
Síðastliðinn fimmtudag var haldinn fundur í velferðarnefnd Alþingis að ósk Steinunnar Þóru Árnadóttur, þingmanns VG, þar sem málefni Háholts í Skagafirði voru tekin til umræðu. Á fundinn mættu fulltrúar Barnaverndarstofu sem fóru yfir hlutverk stofnunarinnar og þau úrræði sem standi til boða, sem og Þorsteinn Víglundsson, velferðarráðherra.
Eins og fram hefur komið á Feyki.is boðaði fyrrum starfsfólk Háholts til fundar nýverið þar sem staða heimilisins var rædd. Þar kom fram að Sveitarfélagið Skagafjörður er fúst til áframhaldandi samstarfs við barnaverndaryfirvöld um rekstur meðferðarheimilis enda hafi komið fram að þörf sé á slíkri starfsemi þvert á fullyrðingar Braga Guðbrandssonar forstjóra Barnaverndarstofu.
Í samtali við mbl.is segir Steinunn Þóra að misvísandi upplýsingar fáist um skort á meðferðarrúræðum fyrir ungt fólk. Sveitarfélögin tali um skort á meðan Barnaverndarstofa sé á annarri skoðun. Steinunn segir fundinn hafi verið mjög gagnlegan en að umhugsunarvert sé að svo virðist sem erfitt sé að fá fagmenntað fólk til starfa á landsbyggðinni - í víðu samhengi. Einnig telur hún nauðsynlegt að greina betur hver þörfin fyrir meðferðarrúæði fyrir ungt fólk sé og hefur hún óskað eftir því að kallað verði eftir sjónarmiðum fulltrúa stærstu sveitarfélaganna.
„Rannsóknarskyldum nefndarinnar er ekki lokið. Spurningum er enn ósvarað um þessi mál. Í mínum huga snýst þetta um mikilvægi þess að ungt fólk, sem komið er út af sporinu, komist í viðunandi meðferðir. Þetta er hópur sem við getum ekkert látið bíða,“ segir Steinunn Þóra ennfremur í samtalinu við mbl.is.
Fleiri fréttir
-
Hæfileikabúnt frá Húnaþingi vestra sigruðu í Fiðringi 2025
feykir.is Vestur-Húnavatnssýsla, Listir og menning, Lokað efni 08.05.2025 kl. 14.38Þeim er margt til lista lagt nemendunum í Grunnskóla Húnaþiings vestra og þessi vetur hlýtur að verða þeim mörgum minnistæður. Fyrir jól áttu nemendur eitt af þeim þremur lögum sem þóttu skara fram úr í Málæði, í síðustu viku tryggði lið skólans sér sæti í úrslitum í Skólahreysti og í gær sigraði atriði skólans í Fiðringi 2025, hæfileikakeppni fyrir nemendur í 8.-10. bekk, sem haldin var á Akureyri.Meira -
Nýsköpun sem drifkraftur | Freyja Rut Emilsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.05.2025 kl. 14.18Nýsköpun er ekki bara orð til að nota á tyllidögum og í kosningabaráttu, nýsköpun er drifkraftur framþróunar, hvort sem það er í litlum fyrirtækjum á landsbyggðinni eða stórum alþjóðlegum fyrirtækjasamsteypum. Nýsköpun opnar nýjar leiðir, skapar ný störf, eykur hagkvæmni og gerir okkur – bæði sem einstaklinga og samfélög, betur í stakk búin til að takast á við þær áskoranir sem blasa við, grípa þau tækifæri sem bjóðast og skapa ný. Fyrirtæki og samfélög sem fóstra og næra nýsköpunarhugsun og nýsköpunarverkefni eru lykillinn að sjálfbærum vexti, bættum lífsgæðum og framþróun sama hvaða atvinnugreinar horft er til.Meira -
Innlyksa á Húsabakka í Skagafirði
feykir.is Skagafjörður 08.05.2025 kl. 12.37Í gær kom tilkynning frá Almannavarnadeild Ríkislögreglustjóra um mikla vatnavextir í Austari Jökulsá og Héraðsvötnum. Ábúendur á Syðri og Ytri Húsabakka hafa fundið vel fyrir þessum vatnavöxtum enda innlyksa og skemmdir á vegum og túnum ekki skýr að svo stöddu.Meira -
Strandveiðin byrjaði á mánudaginn
feykir.is Skagafjörður, Lokað efni 08.05.2025 kl. 12.15Það verður fjör hjá smábátaeigendum í sumar því strandveiðitímabilið byrjaði af fullum krafti á mánudaginn síðastliðinn. Fyrir þá sem sóttu um leyfið og fengu geta sótt sjóinn í alls 48 daga. Þessir dagar skiptast niður í 12 daga á mánuði í fjóra mánuði og má einungis róa á mán., þrið., mið. og fimmtudögum. Þá má fiska 774 kíló á dag og á þetta fyrirkomulag að tryggja fullt jafnræði milli landshluta en sl. ár hefur strandveiðin verið stöðvuð löngu áður en tímabilið er búið, eða um miðjan júlí.Meira -
Klara Sveinbjörnsdóttir og lið Storm Rider sigruðu KS deildina
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.05.2025 kl. 12.08Úrslit í Meistaradeild KS urðu ljós þegar lokakeppnin fór fram að kvöldi 2. maí, í Svaðastaðahöllinni á Sauðárkróki þegar keppt var í tölti og flugskeiði. Mikil eftirvænting var fyrir kvöldinu því þá kæmi í ljós hverjir stæðu uppi sem heildarsigurvegarar bæði í einstaklings- og liðakeppni.Meira
