Fyrsti heimaleikur Tindastóls á sunnudaginn
Meistaraflokkur Tindastóls í körfuknattleik spilar sinn fyrsta heimaleik í Síkinu á sunnudaginn kemur, þegar Grindvíkingar koma í heimsókn. Grindvíkingar eru ósigraðir eftir fyrstu tvær umferðirnar.
Grindvíkingar sigruðu nágranna sína í Njarðvík í fyrstu umferð 84-68 og unnu svo KFÍ á heimavelli í annarri umferð 96-87. Tindastóll hefur tapað báðum sínum leikjum í upphafi móts, gegn nýliðum deildarinnar KFÍ og Haukum, en báðir leikirnir fóru fram á útivelli.
Í liði Grindvíkinga eru margir skemmtilegir leikmenn. Pál Axel Vilbergsson kannast flestir íslenskur körfuboltaáhugamenn við, en hann hefur verið einn besti leikmaður landsins um árabil. Þá má nefna Ómar Sævarsson, fyrrum ÍR-ing, sem leikur nú sitt tímabil með þeim gulklæddu. Páll Axel hefur átt við meiðsli í hásin að stríða og lék hann ekki í sigri Grindvíkinga gegn Haukum um daginn. Í leiknum í Njarðvík skoraði kappinn einungis 5 stig sem þykir ekki mikið á þeim bænum. Ómar er að skora 12.5 stig að meðaltali og tekur 6.5 fráköst.
Erlendir leikmenn eru tveir hjá Grindavík, bandaríkjamaðurinn Adre Smith og Ryan Pettinella sem hefur ítalskt ríkisfang. Smith er þeirra helsti stigaskorari, leikur í stöðu leikstjórnanda og hefur skorað 26.5 stig að meðaltali í leik og sent 8 stoðsendingar. Pettinella er með 12.5 stig að meðaltali og hefur tekið 13 fráköst, en hann er mikill dreki í teignum.
Ólafur Ólafsson er athyglisverður ungur leikmaður, en hann hefur skorað 9.5 stig að meðaltali og tekið 4.5 fráköst. ´
Okkar menn eru ekki ennþá komnir í sitt besta form og þurfa sannarlega á góðum leik að halda til að leggja Grindvíkinga að velli. Fráköstin fóru með liðið í síðasta leik gegn Haukum, en einhver góður maður sagði að fráköstin væru 10% tækni og 90% vilji og því ættu menn að geta tekið sig verulega á þar með aukinni baráttu.
Leikurinn hefst kl. 19.15 á sunnudaginn í Síkinu og er ástæða til að hvetja stuðningsmenn til að mæta og styðja við bakið á okkar mönnum og hjálpa til við að koma liðinu á rétta braut eftir brösuglega byrjun.
Fleiri fréttir
-
Hundgá og „high tea“ í Glaumbæ
feykir.is Skagafjörður, Listir og menning 22.07.2025 kl. 16.01Í tilefni af afmæli enska aðalsmannsins Mark Watson (1906–1979) stóð Byggðasafn Skagfirðinga, venju samkvæmt, fyrir dagskrá í Glaumbæ þann 18. júlí sl. Watson var mikill Íslandsvinur og eigum við honum margt að þakka, Þar með talið rausnarlega peningagjöf til viðgerða á gamla torfbænum í Glaumbæ árið 1938, sem átti sinn þátt í því að bærinn hefur varðveist. Watson hefur jafnframt verið titlaður bjargvættur íslenska fjárhundsins og er afmælisdagur hans „Dagur íslenska fjárhundsins“.Meira -
Vatnsnes Trail Run Utanvegahlaup
feykir.is Íþróttir, Vestur-Húnavatnssýsla 22.07.2025 kl. 10.40Einn af fjölmörgum áhugaverðum viðburðum á Eldi í Húnaþingi er „Vatnsnes Trail Run” sem er utanvegahlaup í Húnaþingi vestra. Hlaupið fer fram á föstudaginn 25.7. Boðið er upp á þrjár vegalengdir: 20+ km, 10km og fjölskylduhlaup. Í 10 km og 20+ km hlaupunum verður hlaupið frá Félagsheimilinu á Hvammstanga fallega leið upp í Kirkjuhvamm og svo halda leiðirnar áfram upp fjallið. í 1,5 km fjölskylduhlaupinu er einnig hlaupið frá Félagsheimilinu á Hvammstanga. Skemmtilegur viðburður fyrir náttúruunnendur og hlaupara á öllum getustigum.Meira -
Frábært framtak á folf-vellinum á Hvammstanga
feykir.is Vestur-Húnavatnssýsla, Mannlíf, Lokað efni 22.07.2025 kl. 10.16Sagt er frá því á vef Húnaþings vestra að nú á dögunum tóku nokkrir vaskir menn sig saman og smíðuðu palla á folf-völlinn á Hvammstanga. „Það er ánægjulegt að sjá svona frumkvæði hjá þessum óeigingjörnu sjálfboðaliðum. Sveitarfélagið færir öllum hlutaðeigandi sínar bestu þakkir,“ segir í fréttinni.Meira -
Ingibergur bar sigur úr býtum á Opna Húnavökumótinu
feykir.is Austur-Húnavatnssýsla, Íþróttir, Lokað efni 22.07.2025 kl. 08.38Opna Húnavökumót Golfklúbbsins Óss á Blönduósi í samstarfi við Borealis fór fram laugardaginn 19. júlí í mildu veðri á Vatnahverfisvelli. Alls voru 27 keppendur skráðir til leiks og var ræst út stundvíslega kl. 10 af formanni klúbbsins, Eyþóri Franzsyni Wecher, og mótastjóra, Valgeiri M. Valgeirssyni. Leiknar voru 18 holur í punktakeppni með forgjöf í einum flokki.Meira -
Framkvæmdir við Vatnsdalsveg dragast saman
feykir.is Austur-Húnavatnssýsla, Lokað efni 21.07.2025 kl. 12.22Vegagerðin hefur ákveðið breytingar á framkvæmdum við Vatnsdalsveg. Upphaflega var áætlað að endurbyggja samtals 14,9 kílómetra kafla frá Hringvegi og suður að afleggjara að Undirfellsrétt en síðar var ákveðið að stytta framkvæmdakaflann niður í 13 kílómetra. Nú áformar Vegagerðin að kaflinn verði níu kílómetrar og er ástæðan sögð verða boð um niðurskurð hjá stofnuninni. Byggðarráð Húnabyggðar mótmælir þessari ákvörðun harðlega og krefst svara frá Vegagerðinni og ráðherra samgöngumála.Meira
