Körfunni flýtt vegna handboltans
Það er eitthvað sem kallast handbolti að flækjast fyrir landanum þessa dagana og hefur lamandi áhrif á vinnuframlag, þjóðarhag og jafnvel sálarlíf flestra þegna landsins. Í kvöld leikur íslenska handboltalandsliðið í karlaflokki til undanúrslita á Evrópumótinu í téðri íþrótt og hefst leikurinn kl. 19:30. Á sama tíma áttu Tindastólsmenn að mæta Stjörnumönnum í körfu í Garðabæ en vegna handboltans hefur leiknum verið flýtt og verður boltanum kastað upp kl. 18:00 í Garðabænum.
Mikil eftirvænting er vegna beggja leikjanna en þó eru sennilega fleiri landsmenn með böggum hildar vegna handboltans. Andstæðingarnir eru frændur vorir Danir og má vænta þess að hart verði barist í Herning, full höll af bláum og rauðum og raddbönd og svitakirtlar verði á yfirsnúningi.
Danir hafa haft á að skipa sterkasta handboltaliði heimsins síðan að Gummi Gumm stýrði þeim og kenndi þeim allt sem þeir kunna og vann fyrir þá Ólympíugull fyrir tíu árum síðan. Hann fékk ekkert miklar þakkir fyrir og mætti halda að Dönum þyki það hið vandræðalegasta mál að Íslendingur hafi leitt þá til gullsins.
Í undanúrslitum í þessari mestu íþrótt heimsins, ef glíman er fráskilin, eru fjögur lið og það er til marks um yfirburða þekkinga Íslendinga í þessu sporti að þremur af þessum fjórum undanúrslitaliðum er stýrt af íslenskum ofurþjálfurum og má því í raun segja að Ísland hafi þegar sigrað á þessu móti. Ehemm.
En hvað um það, það stefnir í spennuþrunginn föstudag. Ef svo illa vill til að leikurinn í Garðabæum dragist á langinn og verði jafnvel framlengdur þá er engu að síður ólíklegt að handboltinn komi til móts við íslenska körfuboltann og bíði með að flauta leik á í Herning. Það gæti því orðið tveggja skjáa áhorfsmaraþon hjá einhverjum í kvöld.
Áfram Ísland ... og Tindastóll!
Fleiri fréttir
-
Frábær dansvika að baki í Grunnskólanum austan Vatna
feykir.is Skagafjörður, Mannlíf, Lokað efni 30.01.2026 kl. 10.28Í síðustu viku ríkti sannkölluð dansgleði í Grunnskólanum austan Vatna í Skagafirði þegar nemendur tóku þátt í fjölbreyttri og skemmtilegri danskennslu hjá Ingunni danskennara. Á heimasíðu skólans segir að allir bekkir hafi fengið tækifæri til að hreyfa sig, læra ný spor og sumir fengu einnig tækifæri til að semja eigin dansa.Meira -
Stefán Vagn hefur áhyggjur af stöðu og þróun efnahagsmála
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.01.2026 kl. 10.14Í tilkynningu frá Framsóknarflokknum segir að Stefán Vagn Stefánsson, þingmaður Framsóknar í Norðvesturkjördæmi, hafi óskað eftir því að fjárlaganefnd Alþingis boði fjármála- og efnahagsráðherra á sérstakan fund hið fyrsta til að ræða stöðu og þróun efnahagsmála í byrjun árs 2026.Meira -
Nú þreyjum við þorrann
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.01.2026 kl. 10.04Þorrinn er genginn í garð og með honum þorrablótin, sem víða eru farin að setja svip sinn á mannlífið.Blaðamanni fannst agalega flott að segja í fyrirsögn að við værum byrjuð að þreyja þorrann og fletti svo upp þýðingunni til að vera alveg viss hvað það þýddi. Það þýðir í raun að standa af sér erfiðan eða langan tíma, oft með þolinmæði og úthaldi. Þorrinn þótti harður, kaldur og erfiður og að þreyja þorrann var því bókstaflega að lifa af þennan krefjandi hluta vetrarins og þannig má segja að þorrablótin hafi orðið til. Þau voru og eru haldin til að gera þorrann bærilegri, með mat, gleði og samveru.Meira -
Penninn góði kominn á loft hjá Tindastóli
feykir.is Skagafjörður, Íþróttir, Lokað efni 30.01.2026 kl. 09.37Rita Lang hefur skrifað undir samning við knattspyrnudeild Tindastóls og mun því leika með Stólastúlkum í Lengjudeildinni í sumar. Rita er portúgalskur miðjumaður og hefur hún spilað í Bandaríkjunum, Portúgal, Írlandi og Íslandi.Meira
