Fyrsti leikurinn í einvígi Tindastóls og Þórs er í kvöld
Fyrsti leikurinn í einvígi Tindastóls og Þórs frá Þorlákshöfn fer fram í kvöld, föstudaginn 20. mars, og hefst kl. 19:15 líkt og lög gera ráð fyrir. Stuðningsmenn Tindastóls eru hvattir til að láta ekki sitt eftir liggja og mæta með báðar hendur klárar í klapp og raddböndin rétt stillt til rosalegrar hvatningar.
Að sögn Stefáns Jónssonar, formanns körfuknattleiksdeildar Tindastóls, eru menn klárir í slaginn og hann lofar því að það verður mikið um dýrðir á heimaleikjum Tindastóls í úrslitakeppninni þar sem að m.a. skotleikur Dominos verður í gangi á milli 1. og 2. leikhluta og 3. og 4. leikhluta.
Leikurinn gengur út á að fjórum boltum er kastað upp í stúku og fá þeir sem að grípa þá að spreyta sig á vellinum. Börn, 14 ára og yngri, og kvenmenn skjóta frá þriggja stiga línunni og karlar og meistaraflokksleikmenn kvenna skjóta frá miðlínu. Sá sem hittir skotinu fær ársbirgðir af Dominos-pizzum (52 pizzur) að launum.
Blaðamaður Feykis náði í skottið á körfuboltafjölvitringnum Rúnari Birgi Gíslasyni á Smettinu og fékk upp úr honum nokkur fróðleikskorn varðandi einvígi Tindastóls og Þórs. Þannig er þetta ellefta skipti sem lið Tindastóls kemst í úrslitakeppnina, síðast árið 2012. Liðin hafa aldrei mæst í úrslitakeppni áður en bæði lið hafa komist einu sinni alla leið í úrslitarimmuna, Þórsarar á sínum tíma sem nýliðar í deildinni, en hvorugt náði því að verða Íslandsmeistari. Liðin hafa mæst tvívegis í vetur; Tindastóll vann heimaleikinn örugglega 110-90 en Þórsarar höfðu betur í Þorlákshöfn, 97-95, í hnífjöfnum leik.
Tveir leikmanna Tindastóls hafa leikið með liði Þórs. Svavar Birgisson spilaði fjóra leiki með þeim árið 2003 og þá var Darrel Flake liðsmaður Þórsara um tíma. Að sögn Rúnars geta að minnsta kosti tveir leikmanna Þórs rakið ættir sínar í fjörðinn fagra; Tómas Heiðar Tómasson er ættaður frá Uppsölum í Blönduhlíð og Oddur Ólafsson er sonur Möggu frá Víðidal sem er svo systir Péturs í KS í Varmahlíð ef það liðkar eitthvað fyrir ættfræðinni.
Það er þó ólíklegt að þeir félagar verði með þessi góðu tengsl í huga þegar þeir mæta í Síkið í kvöld, enda má fastlega gera ráð fyrir miklum hörkuleik.
Áfram Tindastóll!
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
