Nýir eigendur opnuðu Hlíðarkaup í morgun í fyrsta sinn
Klukkan tíu í gærkvöldi urðu lyklaskipti í Hlíðarhverfinu á Króknum þegar Ásgeir Einarsson kaupmaður í Hlíðarkaupi afhenti nýjum eigendum lyklana að búðinni góðu. Samkvæmt upplýsingum Feykis var unnið hörðum höndum í nótt við að gera allt klárt og búðin síðan opnuð á venjulegum tíma í morgun.
Líkt og Feyki sagði frá í lok júní þá eru nýir eigendur Óli Björn Pétursson, Hekla Eir Bergsdóttir, Pétur Ingi Björnsson og Regína Jóna Gunnarsdóttir. Til stóð að eigendaskiptin færu fram 1. september en allt er breytingum háð. Óli Björn verður framkvæmdastjóri í Hlíðarkaup en hann sagði Feyki í sumar að nýir eigendur væru öll mjög spennt fyrir þessu verkefni. „Það er heiður að fá að taka við rekstri Hlíðarkaups og við hlökkum til að vinna með öflugu starfsfólki og hitta viðskiptavini í daglegum rekstri,“ sagði Óli Björn.
Í kveðju sem Ásgeir setti á Facebook-síðu Hlíðarkaups fyrr í vikunni þakkaði hann fyrir sig og sagði m.a.: „Þegar ég opnaði Hlíðarkaup fyrir 35 árum var markmið og leiðarljós mitt – að reka góða verslun þar sem verð og þjónusta væru í fyrirrúmi. Ég gerði mér þó aldrei grein fyrir því hversu stóran sess starfsfólkið sem hefur unnið hjá mér og viðskiptavinir mínir myndu eiga í lífi mínu, með tímanum varð Hlíðarkaup mitt annað heimili.
Það eru forréttindi að hafa fengið að umgangast svo marga viðskiptavini. Í gegnum árin höfum við hist ótal sinnum við afgreiðsluborðið. Við höfum rætt um gleði og sorgir, veðrið, heimsmálin og íþróttir, um börnin sem uxu úr grasi og barnabörnin sem komu í heiminn. Við höfum hlegið saman, stundum haft áhyggjur saman en ávallt kvatt með brosi og hlýjum orðum. Það sem hófst sem viðskipti og varð smám saman að sterkum tengslum sem byggðust á trausti, virðingu og vináttu.
En allt hefur sinn tíma og nú eru tímamót. Ég hef selt Hlíðarkaup. Ákvörðunin var ekki auðveld og henni fylgir vissulega söknuður en umfram allt þó þakklæti – þakklæti fyrir að hafa tekist að reka þetta fyrirtæki og þjónað þessu einstaka samfélagi í þrjá og hálfan áratug.
Ég vil þakka ykkur öllum, hverju og einu, fyrir að hafa staðið við bakið á mér öll þessi ár, fyrir traustið sem þið hafið sýnt mér og fyrir öll litlu augnablikin sem hafa orðið að ógleymanlegum minningum.“ Nánar má lesa kveðju Ásgeirs hér >
Feykir óskar nýjum eigendum til hamingju og sendir Ásgeiri hlýjar kveðjur.
Fleiri fréttir
-
Væri til í að syngja Summertime með Louis Armstrong / LÁRA
feykir.is Skagafjörður, Tón-Lystin, Lokað efni 25.07.2026 kl. 14.06Á Skógargötunni á Sauðárkróki býr söngkonan Lára Sigurðardóttir. Hún er dóttir þeirra Önnu Szafraniec og Sigurðar Ingimars Björnssonar sem hefur einmitt víða komið við í skagfirsku tónlistarlífi. Lára segist dunda sér við píanóið en fyrst og fremst sé hún söngvari.Meira -
Kjúklingur í ofni og vinsælasti eftirrétturinn | Matgæðingar Feykis
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 25.07.2026 kl. 13.26Matgæðingar vikunnar í tbl. 10 voru Soffía Helga Valsdóttir og Þorlákur Snær Helgason á Króknum. „Við erum aðfluttir Skagfirðingar,“ segir Soffía brosandi og heldur áfram, „en Láki er Akureyringur og ég er Reykvíkingur. Við komum hingað frá Akureyri árið 2018 þegar Láki hóf störf sem aðstoðar slökkviliðsstjóri hjá Brunavörnum Skagafjarðar. Til að byrja með leigðum við hús en keypt um svo í Víðihlíðinni á Króknum í miðjum Covid faraldri.“ Soffía og Láki eiga fjögur börn, Val Snæ og Axel Örn, þeir eru komnir yfir tvítugt og búa fyrir sunnan, en Lóa Dröfn, 15 ára, og Hrafnkell Máni, 12 ára, búa með þeim á Króknum.Meira -
Sveitarfélög um allt land krefjast svara um framtíð heilbrigðiseftirlitsins
feykir.is Skagafjörður, Austur-Húnavatnssýsla, Vestur-Húnavatnssýsla 25.07.2026 kl. 09.55Alþingi hefur samþykkt umfangsmiklar breytingar á fyrirkomulagi eftirlits með hollustuháttum, mengunarvörnum og matvælum. Með breytingunum flytjast meginverkefni núverandi heilbrigðiseftirlita sveitarfélaga til ríkisins, annars vegar til Umhverfis- og orkustofnunar og hins vegar til nýrrar Stofnunar atvinnuveganna. Þrátt fyrir að lagasetningunni sé lokið eru enn mörg grundvallaratriði óljós um framkvæmd breytinganna, ábyrgð, kostnað og þjónustu við íbúa og atvinnulíf.Meira -
Inga keppir í frjálsum og grasblaki
feykir.is Íþróttir, Vestur-Húnavatnssýsla, Lokað efni 25.07.2026 kl. 09.04Nú eru aðeins nokkrir dagar í að stórmótið sem Unglingalandsmótið er, hefjist. Fólk kemur hvaðanæva að af landinu til þess að taka þátt í fjörinu og vanalega eru tjaldsvæði mótsins smekkfull. Það er kominn Unglingalandsmótssvipur á Sauðárkrók og því er um að gera að heyra í fleiri þátttakendum mótsins. Inga Ingadóttir er frá Neðri Svertingsstöðum í Húnaþingi vestra. Hún er 16 ára og hefur keppt á hverju einasta Unglingalandsmóti síðan hún var 11 ára en þá var mótið haldið á Selfossi.Meira
