Góðgerðardagur í dag
Í dag er mikill góðgerðardagur á Sauðarkróki þar sem safnað verður fyrir fjölskyldu Völu Mistar, ungu stúlkunnar Vals Valssonar og Lilju Gunnlaugsdóttur. Þau dvelja enn í Svíþjóð vegna veikinda Völu Mistar. Á Hard Wok er hægt að fá sérstakan styrktarhamborgara í dag þar sem ágóðinn rennur í sjóð Völu Mistar og svo ætla Kiwaniskonur að standa fyrir góðgerða Yoga þar sem aðgangseyrinn rennur til góðgerðamála í heimabyggð.
„Okkur langar að benda á að við verðum með opið fyrir Burger í allan dag frá 11.30 til 21.30 þannig að ef þú kemst ekki að á þessum venjulegu matmálstímum þá er tilvalið að mæta á milli 14.00-17.00 eða 20.30-21.30. Gerum þetta af frábærum degi!“ segir á fésbókarsíðu Hard Wok.
Allir eru hvattir til að krækja sér í hamborgara og reyna að sneiða hjá álagstímunum til að dreifa álaginu sem mest enda hvað er betra en að fá sér hamborgara í seinna kaffinu?
Yoga-tími Kiwanisklúbbsins Freyju verður í félagsheimilinu Ljósheimum klukkan 18:00 í dag, aðgangseyrir 1500 kr. og rennur allur ágóði til góðgerða mála í heimabyggð. Yoga-kennarinn og staðarhaldarar Ljósheima munu gefa sína vinnu og fá þau þökk fyrir.
„Og hérna erum við ennþá, að leysa þetta verkefni, þar sem við förum skref áfram og erum slegin aftur til baka, en alltaf stöndum við á fætur og höldum áfram. Og ég gæti ekki haldið áfram ef ég væri ennþá bara hrædd og leyfði mér ekki að gleðjast. Því stundirnar með litlu ofurhetjunni okkar eru ómetanlegar, fyrsta brosið, hvernig hún hjúfrar sig að manni þegar maður er að kúra með henni, að hún róist við erfiðar aðstæður þegar ég syng fyrir hana (sem er reyndar vísbending um að hún sé tónblind en það er önnur saga) og öll augnablikin þar sem maður liggur með henni og finnur ró og hamingju hellast yfir sig,“ segir í færslu Lilju móður Völu Mistar en hún heldur úti bloggi á Styrktarsíðu stúlku Valsdóttur.
Fleiri fréttir
-
Myndaveisla úr Síkinu í boði Sigurðar Inga
feykir.is Skagafjörður, Íþróttir, Ljósmyndavefur 15.05.2025 kl. 14.35Af því að lífið er körfubolti - ekki saltfiskur (sem betur fer) – þá er rétt að bjóða lesendum Feykis upp á aðeins meira af leiknum í gær. Sigurður Ingi ljósmyndari var að sjálfsögðu í Síkinu og Feykir fékk að velja 20 frábærar myndir í góða myndamöppu til birtingar.Meira -
Síðasta sýningin í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 15.05.2025 kl. 14.22Nú er síðasti séns að sjá Flæktur í netinu hjá Leikfélaginu á Sauðárkróki, því nú er komið að lokum.Meira -
Brosandi hér, brosandi þar, brosandi í gegnum öldurnar!
feykir.is Skagafjörður, Íþróttir, Lokað efni 15.05.2025 kl. 12.00Það var hátíðardagur á Króknum í gær, enda þriðji í úrslitakeppni sem ætti auðvitað að vera opinber frídagur í Firðinum fagra. Þar sem sól skein í heiði, hitinn nartaði í rassinn á sköflum í efstu skörðum og golan rétt dugði til að hreyfa við Tindastólsfánunum á Króknum þá var dúndur- og gleðistemning upp við Síki löngu áður en hleypt var inn í hús. Og leikurinn? Jú, sömu töfrarnir innanhúss og utan og úrslitin eins og við viljum hafa þau. Stólasigur 110-97 eftir hörkuleik.Meira -
Diddi Frissa nýr rekstraraðili á Húnavöllum
feykir.is Austur-Húnavatnssýsla 15.05.2025 kl. 10.50Nýr rekstraraðili, Diddi Frissa, hefur tekið við á Húnavöllum og er að keyra starfsemina í gang í þessum skrifuðu orðum. Didda langar að bjóða íbúum Húnabyggðar í heimsókn á föstudaginn og bjóða upp á súpu í leiðinni. Gamlir nemendur og starfsmenn Húnavallaskóla eru boðnir sérstaklega velkomnir.Meira -
Sauma nú myndir úr Vatnsdælureflinum
feykir.is Austur-Húnavatnssýsla 15.05.2025 kl. 10.17Á vef Húnabyggðar er sagt frá hefðarkonum sem komu saman í kvennaskólanum á Blönduósi í gær. Nú þegar lokið hefur verið við sum á Vatnsdælureflinum eru þær aftur sestar við saum og hafa hafist handa við að sauma út myndir úr Vatnsdælureflinum sem seldar verða seinna í sumar þegar refilinn verður sýndur.Meira
