Góður baráttusigur gegn Þrótti
Þriðja umferð í 1. deild karla í knattspyrnu hófst í gærkvöldi en þá gerðu Tindastólsmenn sér lítið fyrir og lögðu Þrótt á Valbjarnarvelli í Reykjavík í baráttuleik. Stólarnir eru því enn taplausir eftir þrjár umferðir en þetta var reyndar fyrsti sigurleikur liðsins í 1. deildinni í sumar.
Jafnræði var með liðunum framan af leik en það voru þó heimamenn sem fengu betri færi en Furnesinn í markinu varði vel. Eftir hálftíma leik gerðu Þróttarar sig seka um slæm mistök, Stólarnir náðu boltanum og komu honum fyrir markið þar sem Elvar Páll Sigurðsson var réttur maður á réttum stað og skoraði. Aðeins sex mínútum síðar bætti Tindastóll við marki en þar var á ferðinni Steven Beattie sem skoraði laglegt mark og staðan í hálfleik 2-0 fyrir Stólana.
Eðlilega héldu Tindastólsmenn sig aftar á vellinum í síðari hálfleik, þéttu pakkann og gerðu Þrótturum erfitt fyrir. Ekki síst eftir að þeir minnkuðu muninn með marki frá Oddi Björnssyni á 55. mínútu. Það getur hinsvegar oft verið hættulegur leikur að leyfa andstæðingnum að hafa boltann og var lukkan í liði Stólanna þegar leið á leikinn því Þróttarar fengu nokkur ágæt færi til að jafna. Þá vildu heimamenn fá vítaspyrnu en uppskáru aðeins gult spjald fyrir leikræna tilburði og ekki allir sáttir með þá niðurstöðu dómarans. Lokatölur 1-2 fyrir Tindastól sem hafa nú komið sér fyrir í efri hluta deildarinnar.
Næsti leikur Tindastóls átti að vera hér heima gegn Grindvíkingum um aðra helgi en eins og komið hefur fram þá er völlurinn nær dauða en lífi og verður ekki leikið á honum næsta mánuðinn. Hafa Tindastólsmenn komist að samkomulagi við Grindvíkinga um að vígsla leikjum sínum og verður því spilað í Grindavík á sjómannadaginn.
Fleiri fréttir
-
Frelsið til þess að ráða eigin málum | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 08.22Fjölmörg dæmi eru um það í sögu Íslands síðustu hundrað árin hvernig fullveldið, frelsið til þess að ráða eigin málum, hefur skipt sköpum fyrir hagsmuni þjóðarinnar. Bæði stór og smá. Landhelgisdeilurnar á síðari hluta 20. aldarinnar eru þar eðlilega áberandi. Efnahagslögsagan hefði ekki ítrekað verið færð út þar til hún náði að lokum 200 mílum ef valdið til þess hefði ekki verið innanlands. Án frumkvæðis íslenzkra ráðamanna hefði efnahagslögsagan seint verið færð út.Meira -
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira
