Göngu og útivistarklúbbur í Skagafirði gengur af stað
Klúbburinn hóf starfssemi í fyrra og markmiðið var að sameina fólk sem hefur gaman af gönguferðum en vantar göngufélaga. Voru áætlaðar lengri göngur á fjöll u.þ.b. tvisvar í mánuði og styttri kvöldgöngur inn á milli. Þátttakan var stundum góð og stundum lakari en allar ferðir sem farnar voru tókust vel. Í kvöld er áætluð gönguferð um Merkigil.
Ákveðið var að hafa plan sumarsins með svipuðu sniði og í fyrra, fjöll á u.þ.b. þriggja vikna fresti og léttari kvöldgöngur inn á milli. Að auki má svo búast við að göngur séu í boði á Jónsmessu-, Kántrý- og Hólahátíðum og hjá Ferðafélagi Skagafjarðar og Ferðafélagi Siglufjarðar.
Klúbburinn heldur úti facebook síðu þar sem hægt er að kynna sér dagskrá og jafnvel auglýsa ferðir ef fólk vantar ferðafélaga. Göngu og útivistarklúbbur í Skagafirði er nafnið. Þá er einnig hægt að skrá sig á póstlista hjá sivadogg@simnet.is
Í kvöld er áætluð gönguferð um Merkigil og er lagt af stað frá N1 Ábæ kl. 19:00, eða hist við gilið Gilsbakkamegin kl 20:00. Þetta er ferð fyrir alla en við bendum fólki á að halda sig á gönguslóðum.
Ekki er um eiginlega farastjórn að ræða og fólk fer í göngur klúbbsins á eigin ábyrgð.
Dagskrá fyrir maí/júní lítur annars svona út:
Fim. 26. maí – kvöldganga, Merkigil
Lagt af stað kl. 20:00, reiknað með að gangan taki 2-3 tíma.
Sun. 5. júní – Tindastóll
Lagt af stað frá Hraksíðuá kl. 10:00 og gengið á Einhyrning.
16.-19. júní – Jónsmessuhátíð á Hofsósi, örugglega einhver skemmtileg ganga, sjá auglýsingar þegar nær dregur
Fim. 23. júní – kvöldganga, Kolkuós
Lagt af stað kl. 20:00, reiknað með að gangan taki 2-3 tíma.
/Fréttatilkynning
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
