Grindvíkingar of góðir með Giordan Watson í geggjuðu stuði
Topplið Grindvíkinga heimsótti Síkið í kvöld og það var ekki stórt vandamál fyrir Suðurnesjamennina að leggja lið Tindastóls. Þeir náðu forystu eftir mínútu og létu hana aldrei af hendi, fóru frekar illa með Stólana í fyrri hálfleik en heimamenn gáfust ekki upp og löguðu stöðuna áður en yfir lauk. Lokatölur 96-105.
Tindastóll var yfir 2-0 og 4-3 og þeir náðu að hanga í Grindvíkingum fram eftir fyrsta leikhluta en þá breyttu gestirnir stöðunni úr 16-19 í 16-28. Grindvíkingar voru sterkir bæði í sókn og vörn og var leikstjórnandi þeirra, Giordan Watson, í þvílíkum ham að hann varð ekki stöðvaður í fyrri hálfleik, gerði þá 27 stig. Einnig voru Bullock og Sigurður Þorsteinsson geysisterkir. Stólarnir virkuðu hálf skeknir í fyrri hálfleik enda hegndu Grindvíkingar þeim fyrir hver mistök og þá var það ekki til að bæta málin að Helgi Freyr, Þröstur og Miller meiddust og aðeins Miller gat spilað seinni hálfleikinn. Annar leikhluti var í járnum framan af en gestirnir náðu 15 stiga forystu, 36-51, þegar Bullock tróð og ein og hálf mínúta var til leikhlés. Staðan í leikhléi var 40-56.
Þriðji leikhluti var fjörugur og bæði lið skoruðu grimmt en það var ekki til að gera heimamönnum lífið léttara að Páll Axel fór að skjóta á körfuna en hann hafði ekkert skorað í fyrri hálfleik enda fékk hann fá færi til þess. Grindvíkingar náðu 20 stiga forystu, 47-67, en Stólarnir náðu annað veifið að klóra aðeins í bakkann en voru oft ósáttir við störf dómaranna, Davíðs og Einars, og hafa þeir félagar örugglega einhvern tímann átt betri stundir með flauturnar. Skömmu fyrir lok þriðja leikhluta í stöðunni 65-84 var dæmt tæknivíti á bekkinn hjá Stólunum og gerðu gestirnir þá 6 stig í sömu sókn en Allen, sem átti ágætan leik, lagaði stöðuna fyrir Tindastól áður en leikhlutinn var úti, staðan 67-89.
Tindastólsmenn náðu síðan upp góðri baráttu í fjórða leikhluta og söxuðu á forskot Grindvíkinga sem voru sennilega nokkuð værukærir, enda sigurinn svo gott sem í höfn. Þeir virtust líka geta gefið í ef á þurfti. Svabbi náði að minnka muninn í 79-91 þegar fimm og hálf mínúta var eftir en þegar þrjár mínútur voru eftir var staðan 81-100. Þá náðu Stólarnir góðum kafla en það var of lítið of seint. Lokatölur 96-105.
Stólarnir máttu sín ekki mikils gegn Grindvíkingum í kvöld og er engin furða að lið þeirra trónir á toppi Iceland Express deildarinnar og aðeins tapað einum af 15 leikjum sínum í deildinni. Í liði Tindastóls var það helst Curtis Allen sem stóð upp úr en Miller og Helgi Rafn komu sterkir inn í síðari hálfleik. Watson gerði 40 stig og átti 7 stoðsendingar fyrir gestina og Bullock var með 22 stig.
Nú hafa Stólarnir tapað síðustu þremur leikjum sínum í deildinni og er það áhyggjuefni, nú þarf að fara að hala inn stig og reyna að tryggja sæti í úrslitakeppninni en þangað á liðið fullt erindi.
Stig Tindastóls: Allen 23, Miller 17, Helgi Rafn 16, Tratnik 14, Hreinsi 9, Svabbi 7, Helgi Freyr 6, Rikki 2 og Þröstur 2.
Fleiri fréttir
-
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira -
Húnvetningar máttu sætta sig við tap í Garðabænum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.06.2025 kl. 17.00Lið Kormáks/Hvatar sótti Garðabæinn heim og spilaðði við lið KFG á Samsungvellinum í dag og var leikið fyrir framan 63 áhorfendur. Garðbæingar voru sæti neðar en Húnvetningar og mátti því reikna með jöfnum leik og spennandi. Það fór svo að heimamenn höfðu betur og liðin skiptu því um sæti í deildinni. Lokatölur 2-1 fyrir KFG.Meira -
Sveinbjörn sprettir úr spori
feykir.is Skagafjörður, Íþróttir, Lokað efni 29.06.2025 kl. 13.00Íslenska landsliðið í frjálsum íþróttum gerði góða ferð til Maribor í Sloveníu þar sem það keppti í 3. deild Evrópubikarssins í frjálsum. Ísland sigraði með yfirburðum sem þýðir að Ísland keppir í 2. deild eftir tvö ár. Sigur Íslands var aldrei í hættu og leiddi stigakeppnina strax frá fyrstu grein, þetta var bara spurning um með hve miklum mun íslenska liðið myndi vinna. Niðurstaðan var 461,5 stig, sem er rúmlega 50 stigum meira en hjá Lúxemborg sem urðu í öðru sæti með 410 stig og Bosnía Hersegóvína endaði í þriðja sæti.Meira -
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira
