Guðný, Gunna og Villi komin í undanúrslit Útsvarsins
Í gærkvöldi fór Útsvarslið Skagafjarðar á miklum kostum í Sjónvarpssal þegar þau Guðný, Guðrún og Vilhjálmur gerðu sér lítið fyrir og slógu út ágætt lið Akureyringa í spennandi og skemmtilegum þætti. Þar með tryggðu þau Skagafirði sæti í undanúrslitum Útsvars og er það í annað sinn á þremur árum sem lið Skagafjarðar nær svo langt í þessum sívinsæla sjónvarpsþætti.
Liðið er á þessu keppnistímabili skipað þeim Guðnýju Zoega fornleifafræðingi sem starfar á Byggðasafni Skagfirðinga, Guðrúnu Rögnvaldardóttur framkvæmdastjóra Staðlaráðs Íslands og nema í spænsku við Hí og loks Vilhjálmi Egilssyni rektor Háskólans á Bifröst.
Keppnin milli Akureyringa og Skagfirðinga var lengstum jöfn og spennandi og skiptust liðin á um forystuna. Þegar kom að lokakaflanum, þar sem rétt svör gefa allt að 15 stigum, var staðan 42-38 fyrir Akureyri. Þá fór allt í baklás hjá vinum okkar á Akureyri sem sögðust þegar upp var staðið sennilega hafa gleymt fattaranum heima. Eina svarið sem Akureyringar höfðu rétt á þessum kafla var með hjálp símavinar en talsvert betur gekk hjá Guðnýju, Gunnu og Villa sem fögnuðu sætum sigri, 71-52.
Sem fyrr segir þá hefur lið Skagafjarðar einu sinni áður komist í undanúrslit í Útsvari og gerðist það vorið 2013. Lentu Skagfirðingar þá gegn hinu frábæra liði Fjarðabyggðar og máttu þola tap, 90-69. Að sjálfsögðu er til Wikipedia síða fyrir Útsvar og það má skoða hana með því að smella hér >
Fleiri fréttir
-
Kindurnar í Hvammshlíð vita sínu viti
feykir.is Skagafjörður, Austur-Húnavatnssýsla, Lokað efni 04.06.2025 kl. 21.24Snjórinn hefur víða gert bændum skráveifu síðustu daga líkt og Feykir hefur greint frá. Karólína í Hvammshlíð sendi okkur línu nú síðdegis og sagði stöðuna hjá sér þannig að hitinn væri rétt um frostmark og úrkoman sem til stóð að félli sem rigning, samkvæmt veðurspánni, er 100% snjór. Hún segist þó vera í góðum málum sem betur fer.Meira -
Lausar lóðir til leigu á Nöfum á Sauðárkróki
feykir.is Skagafjörður, Lokað efni 04.06.2025 kl. 16.38Byggðarráð Skagafjarðar ákvað á 148. fundi sínum þann 27. maí sl. að auglýsa til leigu þær lóðir á Nöfum sem hefur verið skilað inn. Fram kemur í tilkynningu á heimasíðu Skagafjarðar að umsækjendur skulu tilgreina í umsókn hvers konar not þeir hugsa sér að hafa af landinu og hvort þeir hafi leyfi til búfjárhalds í þéttbýli.Meira -
Sundlaugin opnar í Varmahlíð
feykir.is Skagafjörður 04.06.2025 kl. 13.00Vakin er athygli á því að sundlaugin í Varmahlíð opnar í dag miðvikudaginn 4. júní kl. 12:00, eftir tímabundna lokun vegna viðhaldsvinnu segir á vef Skagafjarðar.Meira -
Snjómagnið minnkar í Fljótum
feykir.is Skagafjörður, Lokað efni 04.06.2025 kl. 12.01„Það hefur aðeins lagast, fimm stiga hiti og rigning. Það hefur minnkað töluvert snjómagnið síðan í gær,“ sagði Halldór Gunnar bóndi á Molastöðum þegar Feykir fylgdi eftir fréttinni frá í gær þar sem fram kom að bændur í Fljótum hefðu allir sótt fé sitt og komið á hús, enda jörð komin undir snjó í þessu norðanskoti sem enn stendur yfir.Meira -
Bjór og götumatur glöddu hátíðargesti á Hólum
feykir.is Skagafjörður, Listir og menning, Mannlíf, Lokað efni 04.06.2025 kl. 11.26Bjórhátíðin á Hólum var haldin laugardaginn 31. maí en hátíðin fór fyrst fram í september 2011 og er sú hátíð sem oftast hefur verið haldin hér á landi. „Hún féll niður í Covid og hefur því verið haldin í þrettán skipti,“ segir Bjarni Kristófer en hann segir hátíðina hafa þróast úr hreinni bjórhátíð í bjór- og matarhátíð þar sem boðið er upp á fjölbreyttan götumat.Meira
