Gul veðurviðvörun á morgun
Það má segja að við hér á Norðurlandi vestra höfum sloppið ansi vel við þetta vetrarskot sem íbúar á höfuðborgarsvæðinu fengu að upplifa framan af vikunni. Það hefur engu að síður snjóað í léttu og þægilegu magni hjá okkur og þegar sólin fór að skína þá var póstkortastemning um víðan völl. Ekki er þó útlit fyrir að vetrarfegurðin endist eitthvað því á morgun, föstudag, hlýnar og Veðurstofan búin að skella framan í okkur gulri veðurviðvörun.
Viðvörunin tekur gildi á Norðurlandi vestra um hádegi á morgun, föstudag, og stendur til kl. 21 um kvöldið. „NA hvassviðri eða stormur, 15-25 m/s. Búast má við mjög snörpum vindhviðum við fjöll 25-35 m/s, sem geta verið varhugaverðar fyrir vegfarendur með aftanívagna eða á ökutækjum sem taka á sig mikinn vind. Afmarkaðar samgöngutruflanir líklegar. Fólk er hvatt til að sýna aðgát og ganga frá lausum munum,“ segir á síðu Veðurstofunnar.
Allir landshlutar utan Norðaustanlands fá að upplifa á gulu en að sjálfs0gðu á misjöfnum tíma. Lengst verður gul viðvörun á Vesturlandi og Suðvesturlandi eða fram á laugardagsmorgun. Nokkrum norðanstrekkingi er spáð á laugardaginn en útlit er. fyrir stillt og gott veður á sunnudaginn og fram í næstu viku.
Fleiri fréttir
-
Ný útilistaverk líta dagsins ljós á Hvammstanga
feykir.is Vestur-Húnavatnssýsla, Listir og menning, Lokað efni 30.10.2025 kl. 16.09„Við erum ákaflega stolt af útilistaverkunum sem hafa litið dagsins ljós síðustu daga. Bæði hafa sterka vísun í svæðið, annars vegar Selurinn við Brúarhvamm og hins vegar Veðurglugginn sem staðsettur er í fjörunni neðan við Selasetrið,“ segir í tilkynningu á vef Húnaþings vestra.Meira -
Lyfja veitir aðgang að sálfræðiþjónustu í Lyfju appinu
feykir.is Skagafjörður, Austur-Húnavatnssýsla, Vestur-Húnavatnssýsla 30.10.2025 kl. 15.05Lyfja býður nú upp á aðstoð sálfræðings í gegnum Lyfju appið. Þjónustan er veitt af sálfræðingum Mín líðan sem hafa frá árinu 2018 sérhæft sig í sálfræðiþjónustu á netinu og var fyrsta íslenska fjarheilbrigðisþjónustan sem fékk leyfi til reksturs frá Embætti landlæknis.Meira -
Hrekkjavaka í Skagafirði
feykir.is Skagafjörður, Lokað efni 30.10.2025 kl. 13.55Grikk eða gott gangan á Sauðárkróki fer fram á morgun föstudaginn 31.október frá 17:00-19:30. Eins og áður þurfa þau hús sem taka þátt að vera með kveikt á friðarkerti annaðhvort eitt og sér eða inni í útskornu graskeri og eða skreyta í anda hrekkjavökunnar til að gefa til kynna að nammi sé í boði.Meira -
Minnisvarði reistur í Spákonufellskirkjugarði
feykir.is Austur-Húnavatnssýsla, Lokað efni 30.10.2025 kl. 13.50Nýverið var settur upp minnisvarði í Spákonufellskirkjugarði á Skagaströnd um látna ástvini sem hvíla annarsstaðar en í viðkomandi kirkjugarði. Þar geta ættingjar og vinir minnst þeirra hvenær sem þeir vilja með t.d. með blómum, logandi ljósi eða á annan þann hátt sem þeir kjósa.Meira
