Gunnar Þór Gunnarsson á Stjórnlagaþing
Gunnar Þór Gunnarsson býður sig fram til Stjórnlagaþings. Gunnar er fæddur á Blönduósi þann 20. febrúar 1962 en foreldrar hans eru Hjördís Bára Þorvaldsdóttir og Gunnar Árni Sveinsson, búsett á Skagaströnd. Gunnar Þór var uppalinn á Skagaströnd og bjó þar lengst af en er nú búsettur í Seljahverfi í Reykjavík.
Eiginkona Gunnars Þórs er Bryndís Björk Guðjónsdóttir, einnig uppalin á Skagaströnd. Hún starfar nú á endurskoðunarsviði Pwc. Þau eiga tvær dætur, þær Tinnu Björk Gunnarsdóttur, 25 ára lögfræðing, og Kötlu Björk Gunnarsdóttur, 10 ára.
Gunnar Þór hefur unnið við veiðar, vinnslu og/eða sölu fiskafurða í 35 ár. Hann hefur tekið þátt í sveitarstjórnarmálum og er nú formaður körfuknattleiksdeildar ÍR. Hann hefur alltaf haft mikinn áhuga á atvinnumálum og nýsköpun og rekur nú sitt eigið fyrirtæki, Freska Seafood ehf.
Ástæður þess að Gunnar Þór er í framboði til stjórnlagaþings eru eftirfarandi:
Stjórnarskrá Íslands er sá hornsteinn sem samfélag okkar byggist á og hann hefur ákveðnar skoðanir á því hvernig hún þarf að vera til þess að hún gegni því hlutverki betur. Gunnar Þór telur mikilvægt að:
- 1) öllum landsmönnum séu í stjórnarskrá tryggð sömu réttindi.
- 2) allir landsmenn skilji og séu meðvitaðir um efni stjórnarskrárinnar. Hún þarf að vera svo skýr og gagnorð að hún verði ekki mistúlkuð. Efni hennar ætti að vera kennt í grunnskólum landsins.
- 3) allar auðlindir við og á Íslandi séu sameign þjóðarinnar allrar. Það verði ekki hægt að veðsetja þær eða selja. Þá verði öllum Íslendingum tryggður réttur til að bjóða í nýtingarrétt þeirra.
- 4) tryggja beinna og virkara lýðræði.
- 5) skerpa á þrígreiningu ríkisvaldsins. Löggjafarvaldið þarf að vera jafn sterkt og framkvæmdavaldið.
Meðal annarra hluta sem Gunnar Þór telur skipta miklu máli er að ný stjórnarskrá sé ekki of bundin við tíðarandann í dag. Hún þarf að eiga jafnt við nú og eftir 100 ár.
Fleiri fréttir
-
Dimitrios dæmdur í eins leiks bann
feykir.is Skagafjörður, Íþróttir, Lokað efni 12.05.2025 kl. 23.23Það voru sannarlega læti í öðrum leik Tindastóls og Stjörnunnar í úrslitaeinvíginu um Íslandsmeistaratitilinn sl. sunnudag. Tveimur leikmönnum Stólanna var vikið út úr húsi, Arnari Björnssyni og Dimitrios Agravanis. Í dag ákvað aganefnd KKÍ að Dimitrios skuli sæta eins leiks banni en Arnar fékk áminningu.Meira -
SSNV til liðs við verkefnið Öruggara Norðurland vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 12.05.2025 kl. 23.21Þann 9. maí síðastliðinn var haldinn þriðji fundur Öruggara Norðurlands vestra í Ljósheimum í Skagafirði. Í frétt á vef SSNV segir að fundurinn hafi verið vel sóttur og áhersla lögð á farsæld barna og ungmenna þar sem meðal annars var rætt um sameiginlega forvarnaáætlun svæðisins, FORNOR.Meira -
Stólastúlkur hefndu ófaranna í gærkvöldi
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 12.05.2025 kl. 20.44Það er skammt stórra högga á milli í Garðabænum þessa dagana. Nú voru það Stólastúlkur sem sóttu lið Stjörnunnar heim í 16 liða úrslitum Mjólkurbikarsins í knattspyrnu. Liðin mættust fyrir skömmu í Bestu deildinni á Króknum og þá rændu Garðbæingar stigunum en í dag máttu þær þola 1-3 tap í framlengdum leik gegn skynsömu og skipulögðu liði Tindastóls sem fékk nánast öll færin í leiknum. Það má því kannski segja að Skólastúlkur hafi hefnt fyrir ófarir körfuboltastrákanna okkar í Garðabænum í gærkvöldi.Meira -
„Verður engin þjóðaratkvæðagreiðsla“ | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 12.05.2025 kl. 11.30„Það verður alltaf einhver umræða en það verður engin þjóðaratkvæðagreiðsla að ég tel næstu fjögur árin. Ástæða þess er sú staðreynd að þetta er alltof langt ferli, við horfum upp á mjög mikla ókyrrð í kringum okkur og við þurfum að einbeita okkur að mikilvægustu verkefnunum,“ segir Erna Solberg, leiðtogi norska Hægriflokksins, í samtali við norska fréttavefinn E24 í dag og vísar þar til næsta kjörtímabils í Noregi en þingkosningar fara fram þar í landi næsta haust.Meira -
Tindastólsliðið tuskað til í Umhyggjuhöllinni
feykir.is Skagafjörður, Íþróttir, Lokað efni 11.05.2025 kl. 23.57Tindastóll heimsótti lið Stjörnunnar í Garðabæinn í kvöld en þar fór fram annar leikur liðanna í úrslitaeinvíginu um Íslandsmeistaratitilinn. Það varð fljótlega ljóst að Stjörnumenn voru einbeittari og ákafari og voru lengstum með yfirhöndina í leiknum. Aðeins einu stigi munaði þó í hálfleik en í síðari hálfleiknum fóru öll hjólin undan Stólarútunni. Er nokkuð ljóst að Benni þjálfari þarf að endurræsa hugbúnaðinn hjá sínum mönnum. Lokatölur 103-74 en staðan í einvíginu 1-1 og næsti leikur verður í Síkinu á miðvikudag.Meira
