Háskóli Íslands og Háskólinn á Hólum sameinast um háskólasamstæðu
Háskóli Íslands (HÍ) og Háskólinn á Hólum (HH) hafa komið sér saman um grunnatriði stjórnskipulags háskólasamstæðu. Um er að ræða stórt skref í átt að sameiningu skólanna tveggja í háskólasamstæðuna, sem fýsileikagreining gaf til kynna að yrði farsælt skref.
Í tilkynningu á vef Stjórnarráðsins fagnar Áslaug Arna Sigurbjörnsdóttir, háskóla-, iðnaðar- og nýsköpunarráðherra þessum mikilvæga áfanga. „Það eru 16 ár frá því að síðasta sameining háskóla átti sér stað og löngu tímabært er að sameina fleiri skóla. Við erum of fámenn þjóð til að reka sjö háskóla og það að við dreifum kröftum okkar svo víða bitnar á gæðum námsins og nemendum sem eiga betra skilið. Samstarfið við háskólana tvo í þessu ferli hefur verið afar gott og ánægjulegt að sjá að þeir hafa báðir nálgast þetta stóra verkefni með opnum huga og vilja til að leysa þau úrlausnarefni sem komið hafa upp. Háskólasamstæða er þekkt erlendis og nálgun sem mun vonandi efla menntakerfið hérlendis,“ segir Áslaug Arna en nánar er sagt frá málinu á vef stjórnarráðsins >
Mikil uppbygging áætluð á Hólum og Sauðárkróki
Feykir hafði samband við Hólmfríði Sveinsdóttur, rektor Háskólans á Hólum, og bað um viðbrögð. „Háskólasamstæða Háskóla Íslands og Háskólans á Hólum er að mínu mati framfaraskref fyrir háskólastarfsemi í landinu. Hún bindur saman landsbyggðina og höfuðborg-arsvæðið á sterkan hátt. Háskólinn á Hólum hefur mikla sérstöðu á meðal íslenskra háskóla þar sem hann byggir undir mikilvægar framtíðar atvinnugreinar sem stundaðar eru að miklu leiti á landsbyggðinni eins og lagareldi, ferðaþjónusta í dreifbýli og íslenski hesturinn. Með öflugu samstarfi innan háskólasamstæðunnar gefst tækifæri til að efla enn frekar nám og rannsóknir á þessum fræðasviðum og byggja undir þær á þverfaglegum grundvelli.
Til dæmis verður stefnt að því að bjóða upp á þverfaglegar námsleiðir eins og fiskeldi með áherslu á umhverfisfræði, ferðamálafræði með áherslu á fornleifafræði eða reiðmennsku og reiðkennslu með áherslu á viðskiptafræði.“
Hólmfríður segir að eins gefist Háskóla Íslands mikilvægt tækifæri til að efla nám og rannsóknir í tengingu við öfluga matvælaframleiðslu á sviði landbúnaðar og sjávarútvegs. „Mikil uppbygging á sérhæfðu kennslu- og rannsóknahúsnæði á Hólum og á Sauðárkróki er áætluð samhliða myndun háskólasamstæðunnar til að standa undir eflingu náms og rannsókna tengdum lagareldi, ferðaþjónustu og íslenska hestinum. Það má því búast við töluverðri fjölgun starfsfólks og þá sér í lagi nemenda með tilkomu háskólasamstæðu í Skagafirði en háskólasamstæður hafa verið myndaðar víða erlendis til að efla hinar dreifðu byggðir,“ segir Hólmfríður að lokum.
Fleiri fréttir
-
„Finnst amma alltaf vera hjá mér þegar ég er að gera handavinnu“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.06.2024 kl. 14.26Helga Þórey og fjölskylda fluttu í Skagafjörðinn haustið 2018 og eru búin að koma sér vel fyrir á Hofsósi, þar líður þeim best. Helga Þórey er ættuð úr Óslandshlíðinni, afi hennar og amma, Leifur og Gunna, voru bændur á Miklabæ. Hún var svo lánsöm að fá að eyða miklum hluta æsku sinnar hjá þeim. Helga Þórey er fædd og uppalin á Akureyri, en varði sumarfríunum í sveitinni hjá ömmu og afa, sem var svo dýrmætt.Meira -
Nýjar sýningar opna í Áshúsi í Glaumbæ
feykir.is Skagafjörður, Austur-Húnavatnssýsla, Vestur-Húnavatnssýsla 15.06.2024 kl. 10.00Nú er sumarvertíðin hafin hjá Byggðasafni Skagfirðinga. Sumarstarfsfólk er að tínast inn til starfa og fjör að færast yfir safnsvæðið. Árstíðaskiptunum fylgja alltaf ný verkefni, sumarið er að sumu leyti uppskeruhátíð eftir vetrarverkin hjá Byggðasafni Skagfirðinga, en veturinn hefur að snúist um yfirferð sýninga á safnsvæðinu.Meira -
Bjórhátíðin heppnaðist með ágætum
feykir.is Skagafjörður, Austur-Húnavatnssýsla, Vestur-Húnavatnssýsla 14.06.2024 kl. 14.09Bjórhátíðin á Hólum 2024 var sú tólfta í röðinni og heppnaðist hún með ágætum. Þó nokkur hópur fólks lagði leið sína til Hóla í Hjaltadal til að taka þátt í hátíðinni og kynna sér innlenda bjórframleiðslu.Meira -
Lengi lifi brúðuleikhús!
feykir.is Skagafjörður, Austur-Húnavatnssýsla, Vestur-Húnavatnssýsla 14.06.2024 kl. 13.32Brúðulistahátíðin HIP FEST 2024 (Hvammstangi International Puppetry Festival) verður haldin á Hvammstanga dagana 21.-23. júní. Hátíðin er haldin annað hvert ár en þetta mun vera í fjórða skiptið sem hátíðin fer fram. Áhugasamir geta tekið þátt í námskeiðum, notið sýninga, samverustunda og alls sem tengist brúðuleik.Meira -
Gjöf allra landsmanna mætt í Húnabyggð og Húnaþing vestra
feykir.is Skagafjörður, Austur-Húnavatnssýsla, Vestur-Húnavatnssýsla 14.06.2024 kl. 13.07Í tilefni af því að Íslenska lýðveldið var stofnað á Þingvöllum þann 17. júní 1944 og fagnar því 80 ára afmæli á árinu ákvað forsætisráðuneytið, í samvinnu við Forlagið, að gefa út bókina Fjallkonan. Þú ert móðir vor kær, sem verður gjöf til landsmanna og dreift um allt land fyrir 17. júní. Fjallkonan er þjóðartákn og í bókinni er kafað ofan í sögu hennar og tilurð sem þjóðartákns og ávörpin sem flutt hafa verið af íslenskri fjallkonu allt frá árinu 1947, ásamt úrvali þjóðhátíðarljóða. Í bókinni eru m.a. þýðingar á ensku og pólsku.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.