Heillandi hekl!
Frökenin er ofsalega mikil áhugamanneskja um allt sem hægt er að búa til, og elskar að vera að dunda sér við eitthvað og horfa á hlutina verða til í höndunum á sér! Prjónaskapur hefur hingað til svalað þessari þörf hennar, en hekl er samt eitthvað sem hefur alltaf heillað hana og seinni árin hefur það virkilega farið í taugarnar á henni að kunna það ekki. Þar sem Frökenin eyðir nú oftast ekki miklum tíma í að væla yfir hlutunum heldur fer í það að kippa hlutunum í lag lagðist hún yfir heklkennslu á youtube með garn og heklunál að vopni, og eftir um það bil 20 mínútur var hún útskrifaður heklbyrjandi!
Það sem heillaði Fab strax við þessa iðju er hversu óhugnalega einfalt þetta í raun er... Það er alltaf bara ein lykkja í gangi og þar af leiðandi svo ótrúlega einfalt að rekja upp og laga og breyta og bæta og möguleikarnir eru svo óendanlegir :)
En reyndar er ein ákveðin undirliggjandi ástæða fyrir hinu nýtilkomna heklæði dívunnar: Hekluð hálsmen! Fab hefur legið yfir þeim í nokkurn tíma á netinu, og er gjörsamlega heilluð af möguleikunum sem felast í hekluðum skartgripum! Hversu dásamlegt væri það að eiga á lager heklaða skartgripi og geta bara gripið til þeirra þegar þörf er á tækifærisgjöf- Fallegt, einfalt og beint frá hjartanu!
Fröken Fabjúlöss er dottin á bólakaf ofan í heklhannyrðarnar og mælir algjörlega svo um munar með þessu tómstundagamani! Þetta róar hugann, er bússt fyrir sköpunargáfuna og ótrúlega gaman! Hversu frábært er að finna eitthvað sem sameinar þetta þrennt??
Við skulum að endingu kíkja á nokkra heklaða skartgripi sem Frökenin hefur verið að viða að sér á öldum internetsins. Fab vill þó taka það sérstaklega fram að ekkert af þessum skartgripum hérna fyrir neðan eru eftir hana, en vonandi verður bót á því í náinni framtíð!
Fleiri fréttir
-
Arnar Guðjónsson er nýr þjálfari Tindastóls í körfunni
feykir.is Skagafjörður, Íþróttir 06.06.2025 kl. 20.19Körfuknattleiksdeild Tindastóls hefur samið við Arnar Guðjónsson og mun hann taka við sem þjálfari meistaraflokks karla næstkomandi tímabil. Í tilkynningu sem kkd. Tindastóls sendi frá sér í dag kom fram að Arnar mun einnig sjá um Körfuboltaakademíu Tindastóls og Fjölbrautaskóla Norðurlands vestra og aðstoða við skipulag á þjálfun yngri flokka.Meira -
Héraðsvötn og Kjalölduveitu í nýtingarflokk
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 06.06.2025 kl. 19.47Nú liggur fyrir á alþingi og til umræðu í Umhverfis- og samgöngunefnd tillaga til þingsályktunar um breytingu á þingsályktun um áætlun um vernd og orkunýtingu landsvæða, nr. 24/152 frá umhverfis-, orku- og loftslagsráðherra.Meira -
Enn flæðir í Fljótum
feykir.is Skagafjörður, Lokað efni 06.06.2025 kl. 13.55„Þetta fer að vera kunnugleg sjón. Ós Miklavatns annar ekki vatnsflaumnum og yfirborð Miklavatns hækkar,“ segir Halldór Gunnar Hálfdansson, bóndi á Molastöðum í Fljótum, í færslu á síðunni Sveitin okkar – Fljótin. Enn á ný gera flóð bændum lífið leitt en að sögn Stefaníu Hjördísar Leifsdóttir er ástandið ekki eins slæmt og í fyrra.Meira -
560 mál á borð Lögreglunnar á Norðurlandi vestra í maí
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 06.06.2025 kl. 13.04Málafjöldi maímánaðar hjá Lögreglunni á Norðurlandi vestra reyndist áþekkur fyrri mánuðum ársins en 560 mál voru skráð til úrvinnslu hjá embætti lögreglunnar á svæðinu í maí. Í frétta á vef lögreglunnar kemur fram að þrátt fyrir sambærilegan málafjölda hafi meira verið um þung mál í maí en undanfarna mánuði.Meira -
Stólastúlkur mæta liði Vals í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 06.06.2025 kl. 10.53Það verður hellingur af fótbolta spilaður um hvítasunnuhelgina og hefst veislan í kvöld þegar lið Vals mætir í heimsókn á gervigrasið á Króknum þar sem Stólastúlkur bíða þeirra. Um er að ræða leik í áttundu umferð Bestu deildarinnar og aldrei þessu vant eru liðin á svipuðum slóðum í deildinni, lið Vals í sjöunda sæti með átta stig og Tindastóll í áttunda sæti með sex stig. Leikurinn hefst kl. 18 og útlit fyrir ágætt fótboltaveður.Meira
