Heilsudagar í Húnabyggð komnir í gang
Íþróttavika Evrópu (European Week of Sport) er haldin víðsvegar um álfuna í september ár hvert. Í Húnabyggð er metnaðarfull dagskrá í gangi í tilefni átaksins sem Húnvetningar kjósa að kalla Heilsudaga í Húnabyggð og eru íbúar hvattir til að hreyfa sig, ganga eða hjóla í vinnu, fara í göngu- og hjólatúra en einnig að taka þátt í viðburðum sem boðið verður upp á.
Frítt verður í sund og opna tíma í sal Íþróttamiðstöðvarinnar og frítt verður á alla viðburði og fyrirlestra á dagskránni. Heilsudagarnir hófust í gær og standa til þriðjudagsins 30. september.
Dagskrá Íþróttavikunnar í Húnabyggð er kynnt daglega á Facebook-síðu Húnabyggðar og þar má einnig finna fullnaðardagskrá. Í dag verður fyrirlestur í matsal Húnaskóla kl. 17 þar sem Dr. Jakob Frímann Þorsteinsson, sem er íbúum á Norðurlandi vestra að góðu kunnur, mun fjalla um náttúruna og samfélagsmiðla og mun hann eflaust vanda sig. Í kynningu segir að í stuttu máli sé inntekið í fyrirlestrinum að færa rök fyrir því að við eigum að „drulla okkur út“ og njóta þess einfalda – og magnaða – sem náttúran hefur upp á að bjóða.
Í kvöld kl. 20 verður boðið upp á körfubolta fyrir 16 ára og eldri í íþróttahúsinu.
Í frétt í Húnahorninu segir: „Markmið Íþróttaviku Evrópu er að kynna íþróttir og hreyfingu fyrir almenningi í Evrópu og er hún ætluð öllum óháð aldri, bakgrunni eða líkamlegu ástandi. Sérstök áhersla er lögð á að höfða til grasrótarinnar og að hvetja Evrópubúa til að sameinast undir slagorðinu #BeActive til þess að hreyfa sig oftar og meira í sínu daglega lífi. Húnabyggð tekur að sjálfsögðu þátt með því að efna til heilsudaga.“
Fjölbreytta dagskrá Heilsudaga í Húnabyggð má sjá hér >
Fleiri fréttir
-
Bland í poka hjá Óskari Péturs
feykir.is Skagafjörður, Listir og menning, Lokað efni 24.09.2025 kl. 13.31Skagfirðingurinn og yngsti Álftagerðisbróðirinn, Óskar Pétursson, ætlar að bjóða upp á draumafernu um mánaðamótin október-nóvember. Þá stefnir látúnsbarkinn og skemmtikrafturinn á tónleikahald í Miðgarði, Hofi og Hörpu. Miðar á tónleikana eru löngu komnir í sölu, þegar er uppselt á fyrri tónleikana í Hofi og miðarnir hreinlega rjúka út.Meira -
Sundlaugin á Hofsósi opnar eftir viðhald
feykir.is Skagafjörður 24.09.2025 kl. 09.33Nú hefur sundlaugin á Hofsósi verið opnuð aftur eftir lokun v/viðgerðar og viðhalds. Eflaust margir fastagestir sem fagna þessu enda sundlaugin búin að vera lokuð síðan 8. september.Meira -
Miðasala á leikinn í Laugardalnum hafin og Skagafjöður býður í rútuferð
feykir.is Skagafjörður, Íþróttir, Mannlíf 24.09.2025 kl. 09.14Það er alltaf stemmari í því að klára tímabil í sportinu á risaviðureign. Eftir töluvert basl í neðri deildum á liðnum árum er þetta þó það knattspyrnupiltarnir í liði Tindastóls fá að upplifa nú á föstudaginn þegar þeir reima á sig fótboltaskóna á föstudaginn og fá að sýna listir sínar á sjálfum þjóðarleikvangi Íslands, Laugardalsvellinum. Tilefnið er úrslitaleikur í neðrideildarbikar Fótbolta.nets.Meira -
KS vill byggja sjálfvirka bílaþvottastöð á Sauðárkróki
feykir.is Skagafjörður, Lokað efni 24.09.2025 kl. 08.42Á fundi skipulagsnefndar Skagafjarðar þann 18. september síðastliðinn var tekin fyrir ósk frá Kaupfélagi Skagfirðinga um að fá úthlutað lóð við Borgarflöt 33 á Sauðárkróki. Hugðist KS koma upp á lóðinni sjálfvirkri bílaþvottastöð sem nýtast mundi fyrirtækinu og almenningi. Skipulagsnefnd samþykkti samhljóð að hafna umsókninni á þeim forsendum að umrædd lóð hafi ekki verið stofnuð né auglýst laus til úthlutunar.Meira
