Heilsufræðsla á Hofsósi
Í gær flutti Sonja Sif Jóhannsdóttir heilsufyrirlestra fyrir íbúa á Hofsósi og nágrenni. Nemendur í Grunnskólanum austan Vatna á Hofsósi fengu fyrirlestur um morguninn en um kvöldið var opin fyrirlestur fyrir almenning.
Sonja Sif var þarna á heimavelli, enda uppalin á Hofi á Höfðaströnd, þar sem barnæskan einkenndist af hestamennsku og íþróttum. Í dag er hún master í íþrótta- og heilsufræðum og starfar sem forvarnarfulltrúi á útgerðarsviði hjá TM,
Það var því við hæfi að spyrja Sonju Sif hvað á daga hennar hefði drifið síðan hún yfirgaf Grunnskólann á Hofsósi?
-Eftir stúdentinn fór ég í sagnfræði í HÍ en uppgvötaði eftir 30 einingar að íþróttakennaranámið ætti betur við mig. Þá fór ég á Laugarvatn og kláraði íþróttakennarann og bætti svo við mig B.s. gráðu í íþróttafræðum. Eftir það kenndi ég átta ár í MA. Fór síðan í mastersnám í íþrótta- og heilsufræðum þar sem ég gerði mastersritgerð um heilsu sjómanna. Í framhaldi af því fékk ég starf hjá TM og hef verið þar í fimm ár. Starfið mitt felst í því að heilsuvæða sjómen. Auk þess hef ég kennt lífeðlisfræði í hlutastarfi, séð um lyfjaeftirlit ÍSÍ og starfað sem einkaþjálfari. Aðalstarfið er samt að vera tveggja barna móðir, sagði Sonja.
Í fyrirlestri sínum fjallaði Sonja einkum um vaxandi heilsubresti í samfélagi okkar. Hún vakti athygli á mikilvægi hreyfingar, matarræðis og jákvæðrar hugsunar. Markmiðið var að vekja áheyrendur til umhugsunar um mikilvægi þess að setja heilsuna í fyrsta sæti og gefa sér tíma til að borða hollt og hreyfa sig reglulega. Þetta þyrfti allt að vera hluti af lífstílnum en ekki í formi átaks.
Ágætis mæting var á fyrirlesturinn, en skyldi hann verða upphafið að heilsuvakningu á staðnum?
-Ég veit það reyndar ekki, ég ákvað bara að koma með þennan fyrirlestur þar sem mamma var svo lengi búin að biðja mig um það. En það er aldrei að vita nema maður geti vakið upp smá áhuga, sagði Sonja Sif Jóhannsdóttir.
Fleiri fréttir
-
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira -
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira
