Heimili á Blönduósi og Skagaströnd greiða laun útvarpsstjóra
Samkvæmt útreikningum Feykis.is þarf öll heimili á Blönduósi og Skagströnd til þess að standa undir launum og launatengdum gjöldum útvarpsstjóra. Á sama tíma er Svæðisútvarps Norðurlands skorið niður við nögl og þjónusta við þessa íbúa um leið.
Rúmlega 600 heimili eru í þessum tveimur bæjum en 561 heimili þarf til þess að standa með afnotagjöldum undir launum úvarpsstjóra og þá eru launatengdugjöldin eftir.
Markaðsskrifstofa Ferðamála á Norðurlandi skorar á ALLA ferðaþjónustuaðila á Norðurlandi og íbúa Norðurlands að senda eftirfarandi mótmæli og áskorun á forsvarsmenn Ríkisútvarpsins !
Við mótmælum ÖLL !
Við mótmælum harðlega þeirri ákvörðun útvarpsstjóra Páls Magnússonar að leggja niður svæðisútvarp landshlutanna, þ.á.m. Svæðisútvarp Norðurlands í tengslum við boðaðann niðurskurð á þjónustu Ríkisútvarpsins !
Svæðisútvarp landshlutanna er, og hefur verið gríðarlega mikilvægur hlekkur í miðlun frétta, menningarviðburða, og almennra samskipta fyrir landsbyggðina um árabil. Svæðisútvarpið hefur einnig gengt mjög mikilvægu hlutverki sem hagkvæmur auglýsingamiðill fyrir fyrirtæki og félagasamtök sem ekki þurfa að auglýsa á landsvísu. Að leggja svæðisútvarpið niður er því gróf aðför að íbúum landsbyggðarinar og klár skerðing á þjónustu við fyrirtæki á landsbyggðinni.
Ef áform útvarpsstjóra ná fram að ganga er í raun verið að setja heftiplástur yfir munn landsbyggðarinnar, skerða lífskjör, tækifæri og sjálfstæði okkar !
Við skorum á Útvarpsstjóra og forráðamenn Ríkisútvarpssins að draga þessa fáránlegu ákvörðun til baka eins og skot og finna aðrar leiðir til að draga úr tilkostnaði við rekstur Ríkisútvarpsins án þess að það bitni fyrst og fremst á íbúum landsbyggðarinnar.
Er skorað á fólk að senda mótmæli sín á eftirfarandi netfangalista. pall.magnusson@ruv.is; bjarnig@ruv.is; bjarnik@ruv.is; sigruns@ruv.is; thorhallur.gunnarsson@ruv.is; ruvak@ruv.is
Þeir sem fá póstinn eru: Páll Magnússon Útvarpsstjóri, Bjarni Guðmundsson aðstoðarforstjóri, Bjarni Kristjánsson fjármálastjóri, Sigrún Stefánsdóttir dagskrárstjóri Rásar 2, Þórhallur Gunnarsson dagskrárstjóri sjónvarps og Rúvak á Akureyri.
Fleiri fréttir
-
Tindastólsliðið tuskað til í Umhyggjuhöllinni
feykir.is Skagafjörður, Íþróttir, Lokað efni 11.05.2025 kl. 23.57Tindastóll heimsótti lið Stjörnunnar í Garðabæinn í kvöld en þar fór fram annar leikur liðanna í úrslitaeinvíginu um Íslandsmeistaratitilinn. Það varð fljótlega ljóst að Stjörnumenn voru einbeittari og ákafari og voru lengstum með yfirhöndina í leiknum. Aðeins einu stigi munaði þó í hálfleik en í síðari hálfleiknum fóru öll hjólin undan Stólarútunni. Er nokkuð ljóst að Benni þjálfari þarf að endurræsa hugbúnaðinn hjá sínum mönnum. Lokatölur 103-74 en staðan í einvíginu 1-1 og næsti leikur verður í Síkinu á miðvikudag.Meira -
Húnvetningar snéru vörn í sókn með góðum sigri
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 11.05.2025 kl. 07.40Húnvetningar rifu sig í gang í 2. deildinni í knattspyrnu í dag eftir hálfgert rothögg fyrir austan um síðustu helgi. Það voru kannski ekki allir sem höfðu trú á því að lið Kormáks/Hvatar myndi rétta strax úr kútnum eftir 8-1 tap en þeir hafa efalaust verið staðráðnir í að rétta kúrsinn við fyrsta tækifæri. Það voru Seltirningar í Gróttu sem fengu að kenna á því á Blönduósi og máttu þola 2-0 tap.Meira -
Tindastólsmenn á góðu róli
feykir.is Skagafjörður, Íþróttir, Lokað efni 10.05.2025 kl. 23.37Lið Sindra frá Hornafirði mætti á Krókinn í dag og lék við lið Tindastóls í 2. umferð 3. deildar karla í knattspyrnu. Bæði lið höfðu unnið leiki sína í fyrstu umferðinni sem spiluð var um síðustu helgi. Það voru Stólarnir sem kræktu í stigin þrjú sem í boði voru og unnu góðan 2-0 sigurMeira -
Eins og að smala köttum að koma Herramönnum saman
feykir.is Skagafjörður, Lokað efni 10.05.2025 kl. 15.05Hljómsveitin Herramenn stefnir á tónleikahald í Ljósheimum nú um miðjan maí. Hljómsveitin er skipuð nokkrum snillingum úr '69 árgangnum á Króknum, byrjaði sem skólasveitin Bad Boys, síðan Metan og loks Herramenn. Menn hafa komið og farið en kjarninn er og hefur alltaf verið þeir Árni Þór Þorbjörnsson á bassa, Birkir Guðmundsson á hljómborð, Karl Jónsson á trommur og Svavar Sigurðsson á gítar. Og punkturinn yfir i-ið er alltaf söngvarinn en þar finnum við fyrir Kristján Gíslason.Meira -
Kári Viðarsson handhafi Landstólpans 2025
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 12.00Kári Viðarsson, Frystiklefanum á Rifi, er handhafi Landstólpans 2025. Landstólpinn, samfélagsviðurkenning Byggðastofnunar, var afhentur í fjórtánda sinn á ársfundi Byggðastofnunar sem fram fór í Breiðdalsvík 8. maí sl. en Landstólpinn er veittur árlega einstaklingum, fyrirtækjum og hópum sem þykja hafa skarað fram úr í verkefnum sínum og störfum.Meira
