Heimsóknum fjölgar í Upplýsingamiðstöð ferðamála á Blönduósi

feykir.is Austur-Húnavatnssýsla 05.07.2018 kl. 10.15
Aðalgata 8 á Blönduósi þar sem Upplýsingamiðstöðin er til húsa. Mynd:FE
Aðalgata 8 á Blönduósi þar sem Upplýsingamiðstöðin er til húsa. Mynd:FE
Upplýsingamiðstöð ferðamála í Austur-Húnavatnssýslu tók til starfa á nýjum stað að Aðalgötu 8 þann 15. apríl síðastliðinn en miðstöðin var áður rekin yfir sumartímann í Héraðsbókasafni Austur-Húnavatnssýslu. Á sama stað er einnig til húsa handverksverslunin Hitt og þetta handverk þar sem má finna handverk eftir tæplega 40 einstaklinga úr sýslunni og Vötnin Angling Service  en þar má finna veiðivörur af ýmsu tagi  eða fá búnaðinn leigðan og einnig er hægt að kaupa þar veiðileyfi.
 
Í frétt á Húna.is segir að aðsókn ferðamanna í Upplýsingamiðstöðinni hafi farið fram úr björtustu vonum en alls hafa 1.687 heimsóknir verið skráðar frá því að upplýsingamiðstöðin var opnuð. Undanfarin sumur hefur gestafjöldi í Upplýsingamiðstöðina verið skráður ásamt gögnum varðandi þjóðerni, aldur, ástæðu heimsóknar og fleira. Gestakomur í júní 2016 voru 167 og í júní 2017 voru þær 100 en þess ber að geta að þá var opnunartími frekar takmarkaður. Í júní á þessu ári voru skráðir gestir 948 talsins sem er umtalsverð fjölgun. Heildarfjöldi gesta frá júní til september árið 2016 var 1010 en á sama tíma í fyrra var sambærileg tala 755 gestir sem eru nokkuð færri en komu í júnímánuði einum á þessu ári.
 
Það er Þórdís Rúnarsdóttir, ferðamálafulltrúi,sem sér um rekstur Upplýsingamiðstöðvar Austur-Húnavatnssýslu.
Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Einar E. Einarsson, forseti sveitarstjórnar Skagafjarðar.

    Setning Sæluviku Skagfirðinga 2025 og endurgerð Faxa | Einar E. Einarsson skrifar

    feykir.is Skagafjörður, Aðsendar greinar 28.04.2025 kl. 10.25 oli@feykir.is
    Ég vil byrja á að óska ykkur öllum gleðilegs sumars á þessum fallega degi sem jafnframt er síðasti sunnudagur aprílmánaðar, en hann hefur verið upphafsdagur Sæluviku Skagfirðinga í um 30 ár. Sæluvika Skagfirðinga á sér hins vegar mun lengri sögu, en heimildir herma að Sæluvikan hafi orðið til í framhaldi af svokölluðum sýslunefndarfundum sem haldnir voru einu sinni á ári með Sýslumanni og helstu forsvarsmönnum allra hreppa í Skagafirði.
    Meira
  • Kristrún Frostadóttir forsætisráðherra. MYND AÐSEND

    Forsætisráðherra heimsækir Skagafjörð

    feykir.is Skagafjörður, Mannlíf 28.04.2025 kl. 02.41 oli@feykir.is
    Kristrún Frostadóttir forsætisráðherra býður til opins fundar í Skagafirði mánudaginn 28. apríl. Ráðherra verður einnig með erindi á kirkjukvöldi á Sauðárkróki sama dag í tilefni Sæluviku. „Það hefur gefið mér mikið síðustu misseri að halda opna fundi með fólki um allt land og ég vil halda því áfram eins og ég get í nýju embætti. Ég hlakka til að koma í Skagafjörðinn og eiga opið og milliliðalaust samtal um það sem brennur helst á heimamönnum,“ segir Kristrún.
    Meira

  • Þungur hnífur á Sauðárkróksvelli

    feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 23.12 oli@feykir.is
    Það er oft stutt á milli hláturs og gráturs og það á ekki síst við í sportinu. Lið Tindastóls og Stjörnunnar mættust í Bestu deild kvenna á Sauðárkróksvelli í dag og allt stefndi í stórgóðan sigur Stóalstúlkna þegar allt fór í skrúfuna. Það þýðir oft lítið að nöldra undan óheppni í íþróttum en lið Tindastóls var annan leikinn í röð aðeins mínútum frá góðum úrslitum. Garðbæingar rændu stigunum í blálokin með tveimur mörkum, unnu heimastúlkur 1-2.
    Meira
  • Ágæt mæting var við setningu Sæluvikunnar þó að sjálfsögðu mættu Skagfirðingar vera duglegri að mæta. MYNDIR: ÓAB

    Sæluvikan sett og Faxi afhjúpaður á ný

    feykir.is Skagafjörður, Listir og menning, Mannlíf, Lokað efni 27.04.2025 kl. 20.20 oli@feykir.is
    Sæluvika Skagfirðinga var sett við hátíðlega athöfn á Sauðárkróki í dag. Gestir voru flestir mættir tímanlega fyrir kl. 13 eins auglýst hafði verið og voru umsvifalsust sjanghæjaðir út á Faxatorg í ískalt þokuloftið þar sem draugalegur Faxi beið þess að verða afhjúpaðir enn og aftur. Einar E. Einarsson, forseti sveitarstjórnar Skagafjarðar, flutti þar ágæta setningarræðu Sæluviku, sagði síðan nýjustu fréttir af Faxa og sýndi loks lipra takta við að færa listaverkið okkar góða úr plastklæðunum. Eftir stóð Faxi bronshjúpaður á nýjum stalli og hefur sennilega aldrei verið ferskari.
    Meira
  • Sigurður Hansen frá Kringlumýri tekur við Samfélagsverðlaunum Skagafjarðar 2025 í Safnahúsi Skagfirðinga í dag. Hann hlaut verðlaunin ásamt konu sinni, Maríu Guðmundsdóttur sem var fjarverandi. Á myndina hér neðst er Sigurður í góðum félagsskap Pilsaþytskvenna. MYNDIR: ÓAB

    María og Sigurður hlutu Samfélagsverðlaun Skagafjarðar

    feykir.is Skagafjörður, Listir og menning, Mannlíf, Lokað efni 27.04.2025 kl. 19.16 oli@feykir.is
    Við setningu Sæluviku Skagfirðinga í dag kynnti Hrefna Jóhannesdóttir frá Silfrastöðum og varaformaður atvinnu-, menningar- og kynningarnefndar Skagafjarðar val á þeim sem hlutu Samfélagsverðlaun Skagafjarðar 2025 en þetta var í tíunda sinn sem verðlaunin eru afhent. Þau komu nú í hlut heiðurshjónanna Maríu Guðmundsdóttur og Sigurðar Hansen frá Kringlumýri í Blönduhlíð og eru þau sannarlega vel að heiðrinum komin.
    Meira
Yfirlit frétta