Helgi Freyr fylgir ekki stelpunum upp í Subway deildina
Á Facebooksíðu Körfuknattleiksdeildar Tindastóls segir að Helgi Freyr Margeirsson, þjálfari meistaraflokks kvenna hefur látið af störfum og mun því ekki fylgja stelpunum upp í Subway deildina á næstu leiktíð. Það er ákvörðun stjórnar að þjálfun liðs í Subway deildinni verður ekki sinnt með annari vinnu, svo vel megi vera.
Helgi Freyr tók við meistaraflokki kvenna síðastliðið sumar og stýrði þeim á nýliðnu tímabili. Helgi Freyr setti saman spennandi lið með heimastúlkum og náði í unga og efnilega íslenska leikmenn sem fluttust á Sauðárkrók, ásamt því var hann með góða erlenda leikmenn. Þetta var blanda sem virkaði svo sannarlega hjá honum. Liðið lenti í fjórða sæti í 1. deild og vann sér inn þátttöku í umspilssæti í Subway deildinni. Liðið byrjaði á að vinna Snæfell 3 - 1 en tapaði svo fyrir Aþenu 3 - 1 og komst því ekki upp í Subway deildina. Það var ekki fyrr en lið Fjölnis dró sig úr keppni í Subway deildinni sem Tindstól var boðið að taka sæti Fjölnis sem Tindastóll þáði.
Jafnframt kemur fram að það verði mikill missir af Helga Frey. Hann er ekki einungis með mikla þekkingu og margra áratuga reynslu af körfubolta heldur er hann einnig mikill liðsmaður og nær vel til iðkenda sinna. Helgi Freyr er með stórt og mikið Tindastóls hjarta og hefur alltaf brunnið fyrir félagið sitt.
Vonandi snýr Helgi Freyr fljótt aftur í þjálfarastólinn hvort sem það verður hjá meistaraflokkum félagsins eða yngri flokkum. Öflugt félag þarf á öflugu fólki að halda.
Körfuknattleiksdeild Tindastóls þakkar að lokum Helga Frey fyrir samstarfið og allt það sem hann hefur gert fyrir Tindastól.
Fleiri fréttir
-
Valdís Ósk Óladóttir ráðin í starf ráðgjafa í barnavernd hjá Skagafirði
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 13.07Á vef Skagafjarðar segir að Valdís Ósk Óladóttir hefur verið ráðin í starf ráðgjafa í barnavernd á fjölskyldusviði hjá sveitarfélaginu Skagafirði. Valdís er með BSc. gráðu í viðskiptalögfræði frá Háskólanum á Bifröst og ML gráðu í lögfræði frá Háskólanum í Reykjavík. Valdís Ósk hefur góða þekkingu á barnaverndarlögunum og skrifaði meistaraprófsritgerð sína um réttindi barna og þvingunarúrræði skv. barnaverndarlögum. Samhliða námi sínu hefur Valdís Ósk starfað hjá Barna- og fjölskyldustofu og á meðferðarheimilinu Krýsuvík og öðlast þar reynslu í ráðgjöf og vinnslu barnaverndarmála.Meira -
Forvarnaráætlun fyrir leik/grunn og framhaldsskóla á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.44Félags- og skólaþjónusta Austur-Húnvetninga fékk styrk upp á fjórar milljónir frá Sprotasjóði Rannís í maí 2023 til að vinna að forvarnaráætlun fyrir börn á leik/grunn og framhaldsskólaaldri. Markmið verkefnisins var að búa til sameiginlega forvarnaáætlun fyrir Norðurland vestra til fjögurra ára sem stuðla myndi að farsæld og forvörnum allra barna á svæðinu. Forvarnir eru til alls fyrst og er áætlunin öllum aðgengileg á heimasíðum sveitarfélaganna á Norðurlandi vestra.Meira -
Frítt inn á Byggðasafn Húnvetninga og Strandamanna sunnudaginn 28. júlí
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.11Í tilefni af hátíðinni Eldur í Húnaþingi sem haldin er þessa dagana verður frítt inn á Byggðasafn Húnvetninga og Strandamanna sunnudaginn 28. júlí. Safnið er opið milli kl. 9-17 og er staðsett á Reykjum í Hrútafirði í Húnaþingi vestra, tæpum kílómeter frá þjóðvegi eitt og leggur safnið áherslu á líf og störf fólks og síðari hluta 19. aldar og byrjun þeirrar 20.Meira -
Andri Már stígur á stokk í Mexíkó
feykir.is Skagafjörður, Listir og menning, Mannlíf 26.07.2024 kl. 10.32Feykir hefur aðeins fylgst með ævintýrum Andra Más Sigurðssonar / Joe Dubious á mexíkanskri grundu. Andra kannast margir við sem tónlistarmann og hann var eftirminnilega í framlínu hljómsveitarinnar dáðu, Contalgen Funeral, sem margir sakna. Andri flutti til Mexíkó árið 2019 og bjó í þorpinu La Erre í Guajajuato-fylki síðast þegar Feykir tók á honum púlsinn. Í fyrra sögðum við frá því að Andri væri farinn að láta á sér kræla í tónlistinni í Mexíkó og nú spilaði hann á virtri menningarstofnun, El Museo de la Independencia en Dolores Hidalgo – hvorki meira né minna!Meira -
Sigtryggur og Þórir boðaðir til æfinga fyrir undankeppni Eurobasket 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 26.07.2024 kl. 10.29Karlalandsliðið Íslands í körfuknattleik verður við æfingar núna síðustu daga júlí mánaðar. Æfingarnar er liður í undirbúningi fyrir síðustu leikina í undankeppni EuroBasket 2025 sem verða spilaðir í nóvember og febrúar. Tveir leikmenn Tindastóls voru boðaðir til æfinga, þeir Sigtryggur Arnar Björnsson og Þórir Þorbjarnarson.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.