Hitaveita lögð um sveitir Húnaþing vestra
Áformað er að tengja 35 íbúðar- og atvinnuhús í sveitum Húnaþings vestra við hitaveitu á þessu ári og er áætlaður kostnaður Hitaveitu Húnaþings vestra 240-250 milljónir króna. Áætlað er að halda áfram næstu tvö árin og ráðgert er að leggja ljósleiðara og jafnvel raflögn með hitaveiturörunum. Sveitarstjórn Húnaþings vestra hefur kynnt íbúum Miðfjarðar og Hrútafjarðar áform um heitaveituvæðinguna. Morgunblaðið greinir frá þessu í blaðinu í gær.
Í fyrsta áfanga yrði lögn um Miðfjörð og byggðina norðan Reykja í Hrútafirði. Ráðgjafi um framkvæmdina er Bragi Þór Haraldsson frá Stoð ehf. á Sauðárkróki en mikil reynsla sögð er komin af slíkum veitum í Skagafirði.
Lögn um Miðfjörð mun koma frá borholum ofan Laugarbakka, vatnshiti er þar nær 90 stig. Áformuð lagning er inn Austursíðu, allt að Barkarstöðum, og með þremur tengingum til bæja vestan Miðfjarðarár. Lögn að Staðarbakka og þaðan á hálsabæina, Skarfshól og Búrfell. Önnur lögn að Brekkulæk og þaðan í Huppahlíð. Þriðja lögnin er að Laxahvammi, veiðihúsi Miðfjarðarár. Alls eru þetta 30,7 km lagnir.
Jafnhliða vatnslögninni er ráðgert að leggja ljósleiðara, sem myndi bæta netsamband bæjanna afar mikið. Einnig er unnið að því að semja við Landsnet og Rarik til að leggja jarðstreng með lögninni, en um sveitina liggur einfasa loftlína, sem er komin til ára sinna. Alls eru um 20 íbúðar- og atvinnuhús á þessari leið.
Frá Reykjum í Hrútafirði mun koma lögn til norðurs, allt að Bessastöðum á Heggstaðanesi og upp á Miðfjarðarháls, að Tjarnarkoti, Sveðjustöðum og Brúarholti. Lengd lagnar er um 18 km en alls eru um 15 íbúðarhús á þessari leið. Áætlaður verktími er frá maí til október á þessu ári.
Sparnaður um 250 - 280 þúsund krónur á ári
Í Morgunblaðinu segir ennfremur að áætlaður kostnaður við tengingu íbúðarhúsa sé 2,2 til 2,5 milljónir króna og hafi þá húsráðendur nokkuð frjálsar hendur um nýtingu vatnsins, lagnir í útihús, heita potta, gróðurhús o.þ.h. Sumir húseigendur þurfi að auki að leggja í verulegan kostnað, þar sem hús þeirra séu nú kynnt með rafmagns-þilofnum.
Talið sé að í meðalhúsi geti kostað um eina til eina og hálfa milljón að skipta yfir í vatnshitakerfi. Í þeim tilfellum þurfi trúlega að láta teikna upp nýtt lagnakerfi. Útreikningar bendi til þess að húseigendur spari sér um 250 - 280 þúsund króna á ári með breytingu úr rafveitu í hitaveitu.
Leitað verður til húseigenda á þessum veitusvæðum, hvort hús þeirra verði tengd, svo og leyfi fyrir að leggja lögnina um lönd þeirra. Sveitarstjórn hyggst halda átakinu áfram á næstu árum, með lögn í Víðidal og norðurhluta Miðfjarðarsveitar að vestan. Innri hluti Hrútafjarðar mun bíða um sinn, þar sem bora þarf eftir auknu vatni við Reykjatanga.
Fleiri fréttir
-
Malbikað í Túnahverfinu á Króknum
feykir.is Skagafjörður, Lokað efni 20.05.2025 kl. 19.20Sumarið er skollið á landsmönnum og sumrinu fylgja jafnan framkvæmdir sem ekki er gott að inna af hendi á öðrum árstímum. Eins og til dæmis malbikun og á vef Skagafjarðar er tilkynnt um að næstu daga verði malbikunarframkvæmdir á Túngötu á Sauðárkróki en það er gatan sem liggur í gegnum Túnahverfið.Meira -
Sigurður Björgvinsson er skákmeistari Skagastrandar
feykir.is Austur-Húnavatnssýsla, Íþróttir, Lokað efni 20.05.2025 kl. 19.12Á vef Skagastrandar er sagt frá því að nýlega lauk Skákmóti Skagastrandar árið 2025 en keppendur vori átta talsins. Skákmeistari Skagastrandar var Sigurður Björgvinsson með 6 vinninga. Í öðru og þriðja sæti voru Halldór G. Ólafsson og Jens Jakob Sigurðarson með 5 vinninga.Meira -
Miðasala á LEIKINN verður í Tindastólssjoppunni í kvöld
feykir.is Skagafjörður, Íþróttir, Lokað efni 20.05.2025 kl. 12.11Það er óhætt að fullyrða að það er gígantísk eftirvænting fyrir úrslitaleik Tindastóls og Stjörnunnar sem verður í Síkinu á Króknum annað kvöld en miðaeftirspurn hefur náð nýjum og óþekktum hæðum. Þetta er í fyrsta sinn sem oddaleikur um Íslandsmeistaratitilinn fer fram í Síkinu og spennan er áþreifanleg. Á síðu Körfuknattleiksdeildar Tindastóls á Facebook kemur fram að almenn miðasala verður í Tindastólsísjoppunni í íþróttahusinu í kvöld, þriðjudag og hefst kl. 19:00. Hver aðili getur keypt að hámarki tvo miða.Meira -
Elvar Logi og Alli 5 ára !
feykir.is Skagafjörður, Austur-Húnavatnssýsla, Vestur-Húnavatnssýsla 20.05.2025 kl. 11.15Elvar Logi og Alli 5 ára, er heiti viðburðar sem blaðamaður rakst á á Facebook og gæti allt eins verið boð í afmæli hjá litlum fimm ára snáðum en svo er ekki. Þetta eru þeir Alli sóknarnefndarformaður Blönduóskirkju og Elvar Logi tónlistarkennari og hestamaður með meiru sem ætla að halda saman tónleika í Blöndóskirkju klukkan 17:00 á morgun, miðvikudag 21. maí, tónleikana halda þeir með Eyþóri organista kirkjunnar.Meira -
Hversu lítill fiskur yrðum við? | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.05.2025 kl. 10.19Kæmi til þess að Ísland gengi í Evrópusambandið tækju möguleikar okkar Íslendinga á að hafa áhrif á ákvarðanatöku innan þess einkum mið af íbúafjölda landsins. Þannig virkar einfaldlega kerfið innan sambandsins og hefur gert í vaxandi mæli til þessa. Þannig myndum við hafa sex þingmenn á þingi Evrópusambandsins af yfir 700 sem væri á við hálfan þingmann á Alþingi. Staðan yrði enn verri í ráðherraráðinu, valdamestu stofnun þess. Þar yrði vægi Íslands allajafna einungis á við 5% hlutdeild í alþingismanni.Meira
