Hitaveitulögnin yfir Héraðsvötnin komin í lag
Viðgerð er lokið á annarri hitaveitulögninni yfir Héraðsvötnin í Skagafirði sem fór í sundur í upphafi mánaðar. Náttúruöflin geta oft verið erfið viðureignar og fengu starfsmenn Skagafjrðaveitna að finna fyrir því.
Fengnar voru tvær beltagröfur til að grafa niður að leiðslunni sem liggur undir Héraðsvötnin neðan Varmahlíðar og er hún önnur þeirra sem sér Blöndhlíðingum fyrir heitu vatni. Þegar komið var niður að leiðslunni kom í ljós að múffa hafði sprungið á samskeytum og telur Gunnar Björn Rögnvaldsson verkstjóri Skagafjarðaveitna hugsanlegt að það hafi gerst þegar lögnin var plægð niður á sínum tíma.
Viðgerð gekk vel fyrir sig en starfsmenn SKV voru í kapphlaupi við vöxtinn í vötnunum því yfirborð fljótsins hafði hækkað um ca. 0,6 metra meðan á framkvæmdinni stóð. Skömmu síðar var gryfjan komin á kaf.
Myndir tók Gunnar B. Rögnvaldsson.
Fleiri fréttir
-
Samtal um náttúruvernd og ganga um Spákonufellshöfða með SUNN
feykir.is Austur-Húnavatnssýsla 13.05.2025 kl. 14.24Laugardaginn 17. maí verður viðburður á vegum SUNN, Samtök um náttúruvernd á Norðurlandi sem býður til samtals á Norðurlandi vestra, nánar tiltekið á Skagaströnd. Viðburðurinn hefst á gönguferð um friðlandið í Spákonufellshöfða, þar sem Einar Þorleifsson náttúrufræðingur sér um leiðsögn. Skoðum fugla, plöntur og áhugaverða jarðfræði svæðisins.Meira -
Tindastóll Íslandsmeistarar
feykir.is Skagafjörður, Íþróttir 13.05.2025 kl. 14.16Þann 12. apríl síðastliðinn var Íslandsmeistaramót yngri flokka í júdó haldið hjá Ármanni í Reykjavík. 5 keppendur frá Tindastól mættu til leiks en því miður fengu bara fjögur að keppa.Meira -
Varmahlíðarskóli áfram í úrslit Skólahreysti 2025
feykir.is Skagafjörður, Íþróttir 13.05.2025 kl. 10.35Varmahlíðarskóli tók á dögunum þátt í undankeppni Skólahreysti í riðli 1 á Akureyri. Liðið lenti í 2. sæti riðilsins með jafnmörg stig og sigurvegarar Grunnskóla Húnaþings vestra.Meira -
Bongóblíða um helgina
feykir.is Skagafjörður, Austur-Húnavatnssýsla, Vestur-Húnavatnssýsla 13.05.2025 kl. 10.03Verðurspáin næstu daga er frétt, það þarf nefnilega ekki alltaf bara að skrifa þegar það eru gular viðvaranir. Kannski má samt segja að það sé gul viðvörun í þessari frétt því næstu dagar líta svo sannarlega vel út og samkvæmt spánni verður mjög gott veður um helgina og hægt að segja að það verði bongóblíða um allt land. Hlýindi, birta og lítill vindur.Meira -
Menningarauðlind ferðaþjónustunnar
feykir.is Skagafjörður, Austur-Húnavatnssýsla, Vestur-Húnavatnssýsla 13.05.2025 kl. 09.45Á vef SSNV er verið að minna á spennandi dagskrá ráðstefnunnar Menningarauðlind ferðaþjónustunnar sem sameinar skapandi hugsun og stefnumótandi umræðu sem fram fer í Hofi á Akureyri á morgun 14. maí. Þar sem rýnt verður í framtíð menningar, ferðaþjónustu og stefnumótun. Ekki er lengur laust sæti í sal en hægt er að skrá sig og vera með í streymi HÉRMeira
